د ټولګټو وزارت معین محمداسحق صاحبزاده وايي چې د اقینې د اوسپنې پټلۍ د غځولو د دویم پړاو چارې پیل شوې دي. دا پروژه له اقینې بندر څخه د اندخوی ولسوالي د شاه مردان سیمې پورې غځول کېږي چې لس کیلومتره اوږدوالی لري.
کندوز کې ځوان ګرافیک ډیزاینر احمدجاوید هنرمند وايي، له شپږ کلنۍ یې له هنر سره مینه درلوده او له همدې کبله د ګرافیک نړۍ ته راغلی دی.
د نوموړي په وینا، ګرافیک یوازې یوه دنده نه، بلکې هنر دی چې ژوند ته مانا ورکوي. هغه په ګرافیک ډیزاین کې له مصنوعي ځیرکتیا ګټه اخیستنه مثبت ګام بولي.
د کندهار د کرنې اوبولګولو او مالدارۍ ریاست مسوولان وايي چې دغه ولایت کې د ۷.۵ میلیونه افغانیو په لګښت درې چکډېمونه جوړ او ګټېاخیستنې ته سپارل شوي دي.
دغه چکډېمونه د کرنې او مالدارۍ وزارت د پراختیایي بودیجې په مرسته، د کندهار د کرنې، اوبولګولو او مالدارۍ ریاست تر رهبرۍ لاندې او د طبعي سرچینو آمریت په تخنیکي همکاري جوړ شوي دي.
د هرات د ارشاد، حج او اوقاف ریاست چارواکي وایي، نن (سهشنبه، د تلې ۲۲مه) د دې ولایت د رباط سنگي ولسوالي په تورغنډۍ بندر کې د یوه جامع جومات د جوړولو چارو پیل شوې.
د ارشاد، حج او اوقاف رییس بازمحمد نایاب وايي، دغه جومات د یاد وزارت د پراختیايي بودیجې په لګښت، د اسلامي امارت د مشر د فرمان له مخې، د دیني مرکزونو د پراختیا او آبادۍ په هدف جوړېږي.
د ټولګټو وزارت ویاند محمداشرف حقشناس نن سهشنبه (د تلې ۲۲مه) «سلام وطندار» ته ویلي چې د سالنګونو لویې لارې د تونلونو د ترمیم پروژې د پلي کولو په موخه، دغه لار به د ۱۴۰۴کال د تلې له ۲۷مې نېټې څخه د لړم تر ۶مې نېټې پورې په بشپړ ډول تړل شوې وي.
حقشناس له موټرچلونکو وغوښتل چې د دې ۱۰ ورځو په موده کې سالنګونو لویې لارې ته د تګ پر ځای د دوشي – بامیان بدیل لاره وکاروي.
د پکتيا صنعت او سوداګری رياست مسوولان وايي چې د لومړي ځل لپاره د سوېل ختيځ زون په کچه پکتيا کې د صادراتي اسنادو تاییدي لپاره واحد مرکز پرانيستل شوی دی.
د پکتيا د صنعت او سوداګری رياست رییس مولوي عظيم خان عظيمي د ياد مرکز پرانيستې مراسمو کې وويل چې په دې مرکز کې به د شاوخوا شپږو رياستونو او نورو اتحاديو استازي موجود وي او د صادراتي توکو اسناد به ژر خلاصيږي.
له ایران او پاکستان د بې اسناده افغان کډوالو د ایستلو بهیر له چټکوالي سره هممهاله د اسلامي امارت اقتصادي مرستیال د روان کال د ثور پر لومړۍ نېټه په سپینبولدک ولسوالي کې له راستانه شویو افغانانو سره د لیدنې پرمهال ویلي و چې افغان کډوالو ته د کار کولو زمینه برابروي.
وروسته له هغه چې پاکستان د افغانستان هوايي حریم نقض کړ، پر وړاندې يې اسلامي امارت پر فرضي کرښه د پاکستان پوستې په نښه کړې چې له جګړې وروسته د دواړو هیوادونو سوداګریزې لارې هم تړل شوي.
د افغانستان او پاکستان ترمنځ د لارو تړل کېدو، نه یوازې مسافرو ته ګڼې ستونزې جوړې کړي، بلکې د دواړه هیوادونو ترمنځ سوداګري هم اغېزمنوي.
د پکتيا د کار او ټولنيزو چارو رياست مسوولان وايي چې په دغه ولایت کې له بېلابېلو حرفوي زدهکړو شاوخوا ۱۵۳ځوانان له شپږ مياشتنيو زدهکړو وروسته د فراغت سندونه ترلاسه کړل.
د پکتيا کار او ټولنيزو چارو رياست رییس قاري محمدرحیم نصرت د فراغت مراسمو کې وويل چې ياد شمېر ځوانانو ته په څلور خياطي، موبايل ترميم، موټرسایلک جوړونې او برښنا برخو کې شپږ مياشتنۍ زدهکړې ورکړل شوې دي.
د خوست ځايي مسوولان وايي، پاکستان نن ۱۰ بجې د غلامخان لار د تګ راتګ پرمخ وتړله. د خوست ولايت مقام وياند مستغفر ګربز سلاموطندار
د صنعت او سوداګرۍ وزارت ویلي چې نورالدین عزیزي د چین هېواد هینان ښار کې د نړیوالو ازادو زونونو سازمان د ۱۱م کانګرس په پرانیست
د لوګر مرکز پلعلم ښار او خوښۍ ولسوالي کې د ۴ میلیون افغانیو په ارزښت د دوو ټولګټو پروژو چارې پیل شوې. د لوګر د
روان کال د هېواد سويل ختيځ زون کې د جلغوزيو په حاصلاتو کې ٣ برابره زياتوالي راغلی د خوست ولايت مقام وياند مستغفر ګربز ویلي،
د هرات د زندان مسوولان وايي، د اوسني حکومت د مشر د فرمان پربنسټ، نن چهارشنبه د تلې ۱۶مه، ۱۶۰ بندیان له دغه زندان څخه خوشې شوې دي.
د هرات د محبس عمومي رئیس شرافالدین مخلص وایي، خوشې شویو بندیانو کې ښځې، نارینه او ماشومان شامل دي.
د بدخشان د وردوج ولسوالي دوو زدهکوونکو له لرې واټنه کنټرولېدونکې جګړهییزه جېټالوتکه جوړه کړې ده.
د بدخشان د امنیې قومنداني ویاند احسانالله کامګار وايي، دغه زدهکوونکي چې واثقالله او ساحل نومېږي، د «سید نجمالدین واثق» لېسې زدهکوونکي دي او دا الوتکه یې د ډېرو لږو امکاناتو په مرسته طرحه او جوړه کړې.
د چاپېریال ساتنې ملي ادارې نن سهشنبه په کابل کې د «اقلیمي بدلونونو او د بشر راتلونکې» تر سرلیک لاندې یوه علمي ناسته جوړه کړه چې د اسلامي امارت یوشمېر چارواکو، د پوهنتون استادانو او محصلینو پهکې ګډون کړی وو.
