د بدخشان یوشمېر ځوانان دغه ولایت کې د کاري فرصتونو له نشتوالي شکایت کوي او له سرپرست حکومته غواړي چې کاري فرصتونه ورته برابر کړي.
عبدالرحمن بدخشي چې د اقتصاد له پوهنځي فارغ شوی، سلاموطندار ته وویل، د کار موندلو لپاره یې حکومتي او خصوصي ادارو ته مراجعه کړې؛ خو تراوسه نهدی توانیدلی چې کار پیدا کړي.
د هلمند د کرنې، اوبولګولو او مالدارۍ ریاست مسوولان وايي، د مرکز لښکرګاه په ګډون په مارجې، نوزاد، کجکي، نادعلي، ناوه او نهرسراج ولسوالیو کې د کبانو روزنې ۳۰۰۰ فارمونه جوړ شوي دي. هلمند کې د کبانو روزنې یوشمېر فارملرونکي وايي چې له خپل کاروباره خوښ دي او په وینا یې، حکومت دې په کوردننه د کبانو تولید او روزنې لپاره هڅې پیل کړي.
د بامیان محلي مسوولان وايي چې دغه ولایت کې د یوې موسسې په مرسته «۱۵» بېوزله نجونې او هلکان چې د واده لګښت یې نشوای برابرولی، د ډلهییز واده مراسم جوړ شوي دي.
د ډلهییز واده دغه مراسم تېره ورځ د «کوثرالقران» موسسې په مالي لګښت جوړ شوي و چې د یاد ولایت والي او نورو چارواکو هم پهکې ګډون کړی وو.
د لوګر محلي چارواکي وایي چې تازه یې پلعلم کې له کورنیو او بهرنیو پانګهوالو سره په یوه غونډه کې پانګوال د طبیعي منابعو برخه کې پانګونې ته هڅولي دي.
د ملګروملتونو د سرمنشي سیاسي مرستیالې روزمیري دیکارلو کابل ته د خپل سفر پرمهال د سرپرست حکومت له یوشمېر چارواکو سره لیدلي دي.
د ارګ لهخوا په خپرې شوې خبرپاڼه کې ویل شوي چې نوموړې د ریاستالوزرا له سیاسي مرستیال محمدعبدالکبیر سره د لیدنې پرمهال افغانستان کې د ځینو پرمختګونو له امله خوښي څرګنده کړې.
هلمند کې چارواکي وايي چې دغه ولایت کې د نږدې دوو میاشتو پرمهال د شویو اورښتونو او له امله یې د راوتلیو سېلابونو له امله ۲۸کسان مړه او ۴۹ نور ټپیان شوې دي.
د هلمند د اطلاعاتو او فرهنګ ریاست مرستیال شېرمحمد وحدت سلاموطندار ته وویل، دغه کسان د تېرو ۵۰ ورځو پرمهال مرکز لښکرګاه ښار او ۱۸ولسوالیو کې مړه او ټپیان شوې دي.
د افغانستان د کانونو او پټرولیم وزارت چارواکي وايي، د سرپرست حکومت له واکمنېدو وروسته د چین، ایران، ترکیې، قطر او انګلستان شرکتونو د اووه میلیارده ډالرو په ارزښت د افغانستان په اتو لویو کانونو کې پانګونه کړې. د اقتصادي چارو کارپوه شبیر بشیري وايي، د هېواد په کانونو کې پانګونه د افغانستان د اقتصادي ودې لامل کېدای شي.
د هلمند کرنې ریاست وايي، د تېرکال په پرتله دغه ولایت کې د «شفتالو» په کرکېله او حاصلاتو کې ډېروالی راغلی.
د دوی په وینا، تېرکال د هلمند پر ۲۷۶ هکتاره ځمکه شفتالو کرل شوي وو چي۳۳۶۷۲ ټُنه حاصل ترې ټول شوې وو. د دغه بڼوالو په وینا، که یې حاصلاتو ته بازار پیدا شي، له خپلي بڼوالۍ څخه کلنۍ ګټهوټه به یې دوه برابره شي.
د لوګر د اقتصاد ریاست چارواکي وایي چې د کرنې، اوبولګولو او مالدارۍ ریاست سره په همغږۍ د «NAWA» موسسې په مالي ملاتړ له ۱۰۰بېوزله مېرمنو سره د چرګانو مرستې شوې دي.
د یاد ولایت د اقتصاد ریاست مطبوعاتي مسوول جلیلالرحمن ستانکزي سلاموطندار ته وویل چې دغه مرسته د برهکي برک، محمداغې او څرخ ولسوالیو پر ۱۰۰ هغو مېرمنو وېشل شوې چې خورا بېوزله دي.
د غور د چهارسدې ولسوالي اوسېدونکې خدیجه چې ۳۸ کاله عمر لري وايي، خپل ټول شته یې له لاسه ورکړي او د دغه ولایت مرکز فیروزکوه ښار ته یې پناه وړې ده.
د غور محلي مسوولان وايي، پرون (د غويي ۲۸مه، د جمعې ورځ) په دغه ولایت کې خونړي سېلابونه راغلي چې له کبله یې دیارلس کسانو خپل ژوند له لاسه ورکړی دی.
د غور د والي ویاند عبدالواحد حماس وايي، یاد کسان د دغه ولایت په مرکز او ولسوالیو کې مړه شوي دي.
د خوست د غلامخان بندر کې د کمېسارۍ لپاره د ۲۱میلیونه افغانیو په لګښت نوې ودانۍ جوړه او ګټېاخيستنې ته سپارل شوې.
د یاد ولايت مسوولان وايي «پنجشنبه، غويي۲۷» غلامخان بندر کې يې کمېسارۍ لپاره دوه پوړیزه ودانۍ جوړه کړه چې په عصري او مجهز ډول رغول شوې.
په کابل کې له ۲۴ معلولو ښځو سره د مرکو له لارې د سلاموطندار ترلاسه شوې موندنې ښيي چې دغو ښځو د حکومت له لوري د تنخوا ورکولو شرایط پوره کړي، خو اووهلس هغو یې هېڅ ډول مرسته نهده ترلاسه کړې. اووه نورې بیا څهناڅه مرستې اخلي، خو ژوند یې پرې نه چلېږي.
کابل کې د چین سفیر جاوشینګ د ریاستالوزرا سیاسي مرستیال محمدعبدالکبیر سره لیدنه کې له هغه غوښتي چې د ترانس همالیا غونډه کې ګډون وکړي. محمدعبدالکبیر سره له دې چې ترانس همالیا غونډه کې د ګډون او نهګډون په اړه څه نه دي ویلي، خو د سیمې پرمختګ او ثبات اړوند مسایلو کې یې د سرپرست حکومت پر فعاله ګډون ټینګار کړی دی.
د لوګر ولایت په مرکز پل علم ښار کې د اطلاعاتو او فرهنګ ریاست له لوري د کتابونو، تاریخي او هنري اثارو یو ورځنی نندارتون جوړ شو.
په جوړ شوي نندارتون کې زرګونه ټوکه دیني، سیاسي، ادبي، ټولنیز او معلوماتي کتابونه، تاریخي او هنري اثار نندارې ته وړاندې شول.
غور کې یوشمېر هغه مېرمنې چې د «ملا او مفصلونو» له درد کړېږي، وايي، که څه هم ډاکټر ته یې مراجعه کړې، خو کلونه کېږي چې له دې ناروغي خلاصون نهلري.
۳۵کلنه خورشید چې د ملا او پښو له درد کړېږي، سلاموطندار سره خبرو کې وايي چې په وار وار یې د یادې ناروِغي درملنې لپاره ډاکټر ته ورغلې، خو اوس هم له دې ناروغي کړېږي.
