د افغانستان لپاره د یوناما دفتر سیاسي مرستیال او ورسره مل پلاوي یې میدانوردګ ته سفر کړی او د دغه ولایت اطلاعاتو او فرهنګ ریاست او محلي چارواکو سره یې لیدلي دي.
جوړې غونډې ته د میدانوردګ د اطلاعاتو او فرهنګ رییس حبیبالله مجاهد وویل، د ا.ا له راتګ وروسته په دغه ولایت کې د غږیزو او چاپيزو رسنیو فعالیت غوړیدلی او د محلي رسنیو او ژورنالیستانو ډېری ستونزې هوارې شوي دي.
په افغانستان کې د کار نړیوال سازمان نن په کابل کې د ماشومانو له کار سره د مبارزې نړیواله ورځ ونمانځله.
د ملګرو ملتونو د ماشومانو د ملاتړ سازمان یا یونیسف د ماشومانو د خوندیتوب برخې متخصص عبدالسمېع هاشمي په دې غونډه کې ویلي چې د ښارونو په پرتله د افغانستان په کلیو کې د کارګرو ماشومانو شمېر دوه برابره لوړ شوی او ډېری دغه ماشومان هم د کرنې په برخه کې کار کوي.
پکتيا کې د جاپان د خلکو په مالي مرسته او د ماشومانو لپاره ملګروملتونو ملاتړې ادارې یا يونېسف په مشارکت روان ۱۴۰۳کال کې ۱۸ ښوونځيو ته د ودانيو د جوړېدو چارې پيل شوې. د پکتيا د والي مرستيال انعامالله صلاحالدين بيا يادو مراسمو کې وويل، د سرپرست حکومت ژمن دی چې د پوهنې برخې ستونزو ته رسېدنه وکړي.
دغه وزارت نن پنجشنبه، غبرګولي ۲۴مه پر خپله فېسبوکپاڼه لیکلي چې د دغه وزارت د احصایې او معلوماتو ریاست د شمېرو له مخې، سږکال به له کروندو څخه ۴.۹ میلیونه مټریک ټُنه حاصلات راټول شي چې د تېرکال په پرتله ۱۳سلنه ډېروالی ښيي. د یاد وزارت د معلوماتو له مخې، سږکال د تېرکال په پرتله هېواد کې پر شپږ سلنه ډېرې ځمکې غنم کرل شوې دي.
کابل کې د شهزاده سرای د پولي خدمتونو او د صرافانو ټولنې مسوولان وايي چې د لوی اختر په مناسب به سر له شنبې، د اتو ورځو لپاره «شهزاده سرای» تړلی وي.
د یادې ټولنې لهخوا په خپور شوي یوه مکتوب کې له خلکو غوښتنه شوې چې په یادو ورځو کې دې شهزاده سرای ته له ورتګ ډډه وکړي.
پکتیا او خوست کې چارواکي وايي چې د یادو ولایتونو د ځنګمېشتو سیمو پر ۱۷۶ کورنیو باندې «لمریز نغري» وېشل شوې دي.
د پکتیا کرنې، اوبولګولو او مالدارۍ ریاست په يوه خبرپاڼه کې ويلي چې احمدابا ولسوالي کې د ځنګلونو پرېکولو مخنیوي په پار یې، د ځنګلدارۍ ټولنو باندې ۸۸ لمریز نغري وېشلې دي.
د یاد ولایت د سينديزې فرعي حوزې رييس محمدکريم فاتح وويل په دې پروژو کې کانالونه، ګبين ديوالونه، د سربندونو ترميم او د سېلا اوبو ذخیرهکولو دوه لويو حوضونو پاککاري شامل دي چې د ملګروملتونو د خوړو او کرنې موسسې «FAO» لهخوا يې لګښت ورکول کېږي. د یادو رغنیزو پروژو چارې «سهشنبه، غبرګولي ۲۲مه» پيل شوې دي.
د هلمند کرنې، اوبولګولو او مالدارۍ ریاست اړوند د مالدارۍ او حیواني روغتیا امریت کارمندانو له لوري په مرکز لښکرګاه او یوشمېر ولسوالیو کي د کانګو / ویني بهېدونکي تبې ناروغۍ مخنیوي لپاره «د دواپاشۍ» کمپاین پیل شوی دی.
د ریاستالوزرا اقتصادي معاونیت د «اقتصادي کمېسیون» غونډه کې دولتي ادارې مکلفې وګڼل شوې چې د برښنا سپما لپاره باید له دې وروسته د اوسنیو څراغونو پر ځای له «اېلايډي» څراغونو کار واخلي.
د اقتصادي کمېسیون په نوبتي غونډه کې همداراز ویل شوي چې د یادې پرېکړې پر پليکېدو سره به د کال میلیونونه افغانۍ سپما شي.
د افغانستان لپاره د امریکا ځانګړي استازي توماس وېسټ د بېلابېلو هېوادونو له یوشمېر چارواکو سره د افغانستان په اړه د خپلو کتنو په دوام، دا ځل د اوزبکستان د ملي امنیت شورا له مرستیال عبدالعزیز کاملوف او د افغانستان لپاره د دغه هېواد د ولسمشر له ځانګړي استازي عصمت الله اېرګاشوف سره لیدلي دي.
د لوګر کرنې، اوبولګولو او مالدارۍ ریاست چارواکي وایي چې د کلیوالي سیمو د پراختیا موسسې (RRAA) په مالي ملاتړ په مرکز پلعلم او بره کي برک ولسوالیو کې د ۱۴ د کرنیزو کانالونو د پاکولو چارې پیل شوې.
د غزني اوسېدونکی ۷۲کلن زلمی له شاوخوا ۶۰کلونو راهیسې دغه ولایت کې اهنګري کوي. نوموړي چې خپل شپږ لسیزې عمر دغه صنعت کې تېر کړی، اوس د خپل کاروبار له مخ پر ځوړ وضعیت څخه شکایت کوي. زلمی وايي چې هېواد دننه او بهر کې له پرمختللو تولیدي دستګاوو څخه کار اخیستو د اهنګرۍ صنعت د لهمنځه تلو له ګواښ سره مخ کړی دی.
په غزني کې یوشمېر صنعتګرې ښځې وایي، د تېرو دوو کلونو په پرتله یې د پلور کچه خورا راټیټه شوې ده. یوې صنعتګرې ګلچمن رحیمي سلاموطندار ته ویلي چې په دغه ولایت کې د ښځینه سوداګرو او صنعتګرو عواید د پام وړ کم شوي دي. ګلچمن له ا.ا څخه غواړي چې په غزني کې د ښځو لپاره ځانګړی بازار جوړ کړي او د صنعتګرو ښځو د کار ملاتړ وکړي.
د کانونو او پترولیم وزارت مسوولانو نن یکشنبه، غبرګولي ۲۰مه کابل کې د یوې غونډې پرمهال یوه کورني شرکت سره د امو دریا د نفتي حوزې اړوند د انګوت سیمې د ۲۰زره ټُنه خامو نفتو د پلور تړون لاسلیک کړ.
د دغه وزارت سرپرست شهابالدین دلاور وویل، دغه نفت د پروسس لپاره د څه باندې ۱۰ میلیونه ډالرو په ارزښت وپلورل شول.
د لوګر پوهني رياست چارواکي وايي چې د ماشومانو لپاره د ملګروملتونو ملاتړې ادارې یا (UNICEF) له لوري په مرکز پلعلم او محمداغې ولسواليو کې د شاوخوا ۷۲ميليونه افغانيو په مالي لګښت شپږ ښوونځيو ته نوې ودانۍ جوړېږي.
پکتیا کې د کلیو بیارغونې او پراختیا ریاست له لوري د دغه ولایت په اړوند ولسوالیو کې د څلور میلیونه افغانیو په لګښت د اوبولګولو دوه کانالونه جوړ او ګټېاخیستنې ته سپارل شوې دي.
