د لوګر د خوړو او درملو ملي ادارې مسوولان وایي چې د دغه ولایت په مرکز پلعلم او برهکي برک ولسوالي کې له یوشمېر درملتونونو او هټيو څخه د څارنې پرمهال لسګونه ټُنه تاریخ تېر درمل او خوراکي توکي راټول کړي دي.
د پکتيا مرکز ګردېز ښار کې د ۳۵۰زره امريکايي ډالرو په لګښت، اووه رغنيزې پروژې بشپړې او ګټېاخيستنې ته وسپارل شوې.
د هلمند مرکز لښکرګاه ښار کې چارواکي وايي چې د ټاکل شوې کمېټې لهخوا دغه ښار کې ۴۵ صرافۍ د فعالیت جواز نهلرلو له امله تړل شوې دي.
دغه کمېټه چې مشري یې د افغانستان بانک مدیر فاروقي اغا کوي، ترڅنګ یې د امنیه قومنداني، د فرمانونو او حکمونو د تعقیب او نظارت ریاست، د اطلاعاتو او فرهنګ ریاست او لښکرګاه ښاروالي استازي هم ګډون لري.
د کورنیو چارو وزارت د پاسپورټ عمومي ریاست مسوولان وايي چې نن چهارشنبه، چنګاښ ۲۶مه پلازمېنه کابل کې یې د پاسپورټونو د وېش درې نوي مرکزونه پرانېستل.
د پاسپورټ عمومي ریاست رییس عبدالکریم حسیب وايي، دې مرکزونو کې خلکو ته اسانتیاوې برابرې شوې دي.
ننګرهار کې د شویو تندو اورښتونو او توپانونو له امله د یوې کورنۍ یوولس غړیو خپل ژوند له لاسه ورکړی دی.
۶۵کلن سيفور د ننګرهار د سرهرود ولسوالي اوسېدونکی دی. نوموړی سلاموطندار ته وايي، د زوی او لمسیانو په ګډون یې، د کورنۍ ۱۱ غړیو د دوشنبې ورځو سختو اورښتونو او د چت پرېوتو پېښه کې ژوند بایللی دی.
د پکتيا حوزوي روغتون مسولان وايي د تېر یوه کال پرمهال يې ياد روغتون کې د ۱۷ډاکټرانو پرمټ شاوخوا ۳۴زره لوی او کوچني عملياتونه کړي دي.
د پکتيا حوزوي روغتون رييس محمدنادر رحماني سلاموطندار ته وويل چې په ياد شمېر عملياتو کې ۴۶۰۰ لوی او پيچلي عملياتونه کړي دي.
معصومه چې ۴۰ کاله عمر لري او هرات کې د زعفرانو په یوه کرونده کې کار کوي وايي، خالي دسترخوان او د ماشومانو لوږې اړ کړې چې له سهاره تر ماښامه د زعفرانو په یوه کرونده کې په ډېر کم مزد کار کوي. هغه وايي چې کلونو راهیسې د یو کیلو زعفرانو پاکولو په بدل کې ورته ۵۰ افغانۍ ورکوي. معصومه وايي، له پاڼو نه د ګل جلا کول اسانه کار نهدی او له سهار څخه تر بېګاه پورې یوازې له درې تر څلورو پورې زعفران پاکوي.
د هرات د ښاروالي ویاند عبدالهادي نوري سلاموطندار ته ویلي چې نن (د چنګاښ ۲۶مه، د سهشنبې ورځ) یې د هرات نانوایيګانو ته نوې نرخنامې ورکړي چې له مخې یې، د یوې ډوډۍ بیه چې ۲۶۰ ګرامه وزن لري، له ۱۰ افغانیو څخه ۸ افغانیو ته را ټیټه شوې ده.
کندهار کې د غواګانو فارملرونکي وايي چې دغه ولایت کې د «څارویو لمپيسکېن» ناروغۍ زیاتېدو اندېښمن کړي دي.
دغه ولایت کې فارملرونکي له اړوند چارواکو غوښتنه کوي چې څاروي یې، د یادې ناروغۍ پر وړاندې واکسین کړي او په وینا یې، که واکسین نهشي، ډېرې غواګانې به یې لهمنځه لاړې شي.
د ترکيې يوه خيريه بنسټ د پکتیا مرکز ګردېز ښار کې ۳۵۵زره امریکایي ډالرو په لګښت یوې دیني مدرسې ته ودانۍ جوړه او ګټېاخیستنې ته سپارل شوې.
د پکتيا مرکز ګردېز کې د ترکيې IDDEF خيريه بنسټ لهخوا په ګردېز ښار کې د شمسالعلوم په نوم يوې ديني مدرسې ته د ۳۵۵زره امريکايي ډالرو په لګښت ودانۍ جوړه او ګټېاخيستنې ته یې سپارلې.
د لوړو زدهکړو وزارت او د ملي پراختیا شرکت ترمنځ نن یکشنبه، چنګاښ ۲۴مه کابل کې د همکارۍ هوکړهلیک لاسلیک کړ.
سلاموطندار د ځوانانو ترمنځ له لوړو زدهکړو د پاتېکېدو کچې او لاملونو ترڅنګ، ټولنه کې د لوړو زدهکړو اغېزمنتیا، ټولنه کې د لوړو زدهکړو پرېښودو پایلو او د لوستو ځوانانو د خوښۍ کچې اروزنې لپاره کابل کې سروې کړې چې دې سروې کې ۳۲۰ ځوانانو ګډون کړی دی. په دې سروې کې له ۳۲۰ کسانو، ۶۳ کسان چې ۱۹.۷سلنه کېږي، ښځې دي.
په یوې ټولنه کې د ځوانانو ترمنځ د زدهکړو او ښوونې کچه د هماغې ټولنې د پرمختیا او بیاجوړونې بهیر سره مستقیمه اړیکه لري. په یوې ټولنه کې د زدهکړو کچې او د لوستو ځوانانو شمېر، د یوې پرمختللې ټولنې ښکارندوینه کوي، د همدې لپاره دغه سروې له زدهکړو د پاتې ځوانانو د کچې او افغان ټولنه کې یې د پایلو پر ارزونې راڅرخي.
د افغانستان بانک مسوولان وايي چې سبا «یکشنبه، چنګاښ ۲۴مه» به «۱۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (شنبه، د چنګاښ ۲۳مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا شنبه «۱۵» میلیونه امریکايي ډالر لیلام کړي.
د خوست او ننګرهار امنیتي مسوولان وايي چې دغه ولایتونو کې د ځنګلپرې کولو په تور ۱۳ کسان نیول شوي دي.
د ننګرهار د رسنیو دفتر څخه په خپره شوې خبرپاڼه کې راغلي چې د دې ولایت د پچيراګام ولسوالي مېلوې سيمه کې د امنيتي مسوولانو له لوري هغه اووه کسان نيول شوي چې په ځنګل کې يې ونې پرې کړې وې.
د کاپیسا مسوولان وايي چې پرون (د چنګاښ یوویشتمه، د پنجشنبې ورځ) یې د دغه ولایت د تګاب ولسوالي په میاخطل او شینکۍ سیمو کې د اوبو رسونې دوو پروژو چارې پیل کړې دي.
د کاپیسا د والي ویاند عبدالعزیز نظري وايي، د اوبو رسونې د دغو شبکو هره یوه یې د ۴۰ او ۵۰ متره مکعبه اوبو د زېرمه کولو وړتیا لري او په جوړېدو سره به یې د دې ولسوالي ۶۳۸ کورنیو ته د څښاک اوبه برابرې شي.
