د لوګر پوهنې ریاست چارواکي وایي چې د دغه ولایت په برهکي برک، څرخ او خروار ولسوالیو کې د ماشومانو لپاره د ملګروملتون ملاتړې ادارې یا (UNICEF) له لوري د اوو ښوونځیو لپاره د ودانیو جوړېدو چارې پيل شوې.
د کابل او ځینو ولایتونو اوسېدونکي د وروستیو ورځو پرمهال د برښنا پرچاوۍ له زیاتېدو شکایت کوي او وايي، یوه شپه او ورځ کې یوازې څو ساعته برښنا لري.
د کابل د نويښار اوسېدونکی عبدالبصیر سلاموطندار ته وايي چې دې وروستیو ورځو کې د برښنا پرچاوي زیاته شوې چې له امله یې ورځني ژوند کې ستونزو سره مخ شوی دی.
هلمند کې د کرنې ریاست مسوولان وايي، د تېرکال په پرتله سږکال هلمند کې د ریحان کرکېله زیاته شوې او د اټکل له مخې، حاصلات به یې څو برابره ترلاسه شي.
مسوولان اټکل کوي چې سږکال به د ریحان حاصلاتو کې هم د پام وړ زیاتوالی راشي. دغه کروندګر له کرنې ریاست څخه د کرنیزو مرستو او روزنیزو پروګرامونو د زیاتیدو غوښتنه هم لري.
د هرات محلي مسوولان وايي چې دغه ولایت کې د ټرافیکي پېښې پرمهال د یوې کورنۍ اووه غړي مړه شوې دي.
پېښه بېګاه شپه ۷:۳۰ بجې د هرات ښار-ادرسکن ولسوالي پر لویه لاره رامنځته شوې.
د بادغیس محلي مسوولان وايي چې دغه ولایت کې د دوو جلا پېښو پرمهال د یوې ښځې په ګډون، درې کسان وژل شوي دي.
د بادغیس امنیې قومنداني ویاند صدیقالله صدیقي سلاموطندار ته وايي چې نن دوشنبه، زمري اتمه، د تګابعالم ولسوالي «نخچیرستان» کلي کې یوه مېرمن او نارینه وژل شوي دي. د نوموړي په وینا، یاد مېرمن او نارینه د ناپېژنده وسلهوالو لهخوا وژل شوي او تراوسه یې د وژنې لامل نهدی په ډاګه شوی.
د ایران په پلازمېنه تهران کې د درېوو افغان کډوالو لهخوا د یوه ایراني له وژلکېدو وروسته، دغه هېواد کې د افغان کډوالو پر وړاندې له تاوتریخوالي ډک اعتراضونه پیل شوې دي.
دغه ایرانی تېره اوونۍ د افغان کډوالو له لوري وژل شوی چې د یوې اوونۍ په تېرېدو سره لاهم دغه هېواد کې خلک د افغان کډوالو د شړلو شعارونه ورکوي.
د هپټایټس نړیوالې ورځې سره هممهاله د افغانستان لپاره د روغتیا نړیوال سازمان څانګه وايي چې د عامه پوهاوي نشتون، د درملو او تشخصي مرکزونو نشتوالی، افغانستان کې له یادې ناروغۍ سره د مبارزې برخه کې شته خنډونه بلل کېږي. افغانستان کې د روغتیا نړیوال سازمان استازی نعیمالله ساپی وايي: «خلکو ته عامه پوهاوی کم دی.
د لوګر کلیو پراختيا او بيارغونې ریاست چارواکي وايي، د خوړو نړیوال پروګرام (WFP) له لوري د دغه ولایت له ۱۲۳۳ بېوزلو او اړو کورنیو سره د خوراکي توکو مرستې شوې دي.
کندهار کې د تازه مېوو یوشمېر سوداګر وايي، د پاکستان له لوري د افغانستان پر تازه مېوې د تعرفې لوړولو سوداګرو او ولسي وګړو ته مالي زیانونه اړولي دي.
دوی وايي، دواړه هیوادونه باید ژر تر ژره دې ستونزې ته حل لاره پیدا کړي، څو د تازه مېوو افغان سوداګر او په کور دننه بڼوال له مالي زیانونو وژغورل شي.
د سرپرست حکومت تر واکمنۍ لاندې سږکال د درېیم ځل لپاره هېواد کې د نجونو له ګډون پرته د کانکور عمومي ازموینه واخیستل شوه. دا دویم پرلهپسې کال دی چې د افغان نجونو له ګډون پرته د کانکور ازموینه اخیستل کېږي.
که څه هم کانکور ازموینه کې د ګډونو شمېر کم شوی، خو د تېرو کلونو په پرتله د کانکور ازموینې نمرې لوړې شوې دي.
د هلمند مرکز لښکرګاه کې د کندهار-هرات پر لویه لاره د ۲۷.۲ کیلومټره سړک او پر هلمند سیند د ۳۵۰ پل د جوړېدو چارې پیل شوې.
یاد سړک ټولټال ۲۷.۵ کیلومټره اوږدوالی او ۱۲ مټره پلنوالی لري. ترڅنګ یې د لښکرګاه د پنځمې ناحیې سیمه کې پر هلمندسیند د ٣٥٠متره په اوږدوالي د یوه پل د جوړېدو چارې هم پیل شوې.
په روزګان کې چارواکي وايي چې د یاد ولایت د دهراوود او چهارچینو ولسوالیو ترمنخ د «چمبرک» په نوم د ۲۲ کیلومتره سړک د هوارۍ او جغلاچوونې چارې بشپړې شوې.
د یاد سړک د جغلاچوونې چارې د ولایتي ادارې په مالي ملاتړ، د «څلورمې رواحه لېوا» او ټولګټو چارو ریاست په مشینري، یوه میاشت مخکې پیل شوې چې کارونه یې اوس بشپړ شول.
د لوګر مرکز پلعلم ښار او یوشمېر ولسوالیو څارويلرونکي شکایت کوي چې په دغه ولایت کې د شېدو پروسیس مرکزونو نشتون له امله خپل د مالدارۍ محصولات په نیمه بیه بازار کې پلوري. ده وویل، که مالدارنو ته د شېدو د راټولولو وسایل، مرکزونه، پروسیس مرکزونه رامنځته شي مالدارۍ به دوه برابره وده وکړي.
د سرپرست حکومت د بهرنیو چارو وزارت سرپرست امیرخان متقي ویلي چې د ټاپي پروژې عملي کېدل د ا.ا لپاره لومړیتوب لري او په نږدې راتلونکې کې به یې په افغانستان کې عملي چارې پیل شي.
د دغه وزارت د ویاند مرستیال ضیااحمد تکل پرون (د زمري څلورمه، د پنجشنبې ورځ) پر اېکس لیکلي چې متقي دا خبره په کابل کې د ترکمنستان له سفیر خواجه عوضوف سره په لیدنه کې کړې ده.
د لوګر پوهنې ریاست چارواکي وایي چې د ماشومانو لپاره د ملګروملتونو ملاتړې ادارې (UNICEF) له لوري په برهکي برک ولسوالي کې یوه ښوونځي ته ودانۍ جوړېږي.
د کابل ښار «هوتخېلو» سیمه کې په نړیوالو معیارونو برابر د «لایفپېرل» په نوم د درملو د تولید یوه خصوصي فابریکه پرانېستل شوه.
د یادې فابریکې پر جوړولو ۲۰ میلیونه ډالره لګول شوي او دامهال پهکې ۵۰ قلمه درمل تولیدېږي. د عامې روغتیا وزارت مسوولان وايي، هېوادوال د درملو په پېرلو د کال تر یو میلیارد ډالرو پورې لګوي.
