له ایرانه یوشمېر راستانه شوي افغان کډوال هغه هېواد کې له تاوتریخوالي او افغانستان کې له بېوزلۍ شکایت کوي. له ایرانه بېرته راستانه شوي افغان کډوال وايي، هېواد ته له راستنېدو وروسته د وزګارتیا له امله ګڼو ستونزو سره مخ دي.
د اوزبکستان لومړي وزیر عبدالله عارفاوف ویلي چې هېواد به یې په نږدې راتلونکې کې په رسمي ډول د ا.ا سفیر ومني. ارګ پرون ناوخته پر اېکس یوه خبرپاڼه خپره کړې او پهکې لیکلي یې دي چې عارفاوف دا موضوع د ا.ا د رییسالوزرا له سیاسي مرستیال محمد عبدالکبیر سره په لیدنه کې یاده کړې او ویلي یې دي چې اوزبکستان په مهمو نړیوالو غونډو کې د ا.ا د دریځ ملاتړ کوي.
د ژوند سبک د ارزښتونو، د چلندونو، عادتونو او سلیقو ټولګې ته ویل کېږي چې د یوه کس، ډلې او ټولنې د ژوند بڼې ته د جوړښت ورکولو برخه کې مرسته کوي. د ژوند سبک کېدای شي، په دوو برخو ووېشو: ۱- د ژوند مډرن سبک، ۲- د ژوند کلاسیک سبک. د ژوند مډرن سبک، د ژوند هغې بڼې ته ویل کېږي چې د نوې ټکنالوژۍ او ورځنۍ عصري بڼونو تر اغېزو لاندې وي.
د عامې روغتیا وزارت مسوولان وايي چې افغانستان د سېرومو د تولید له اړخه پر ځانبسیا شوی دی.
دغه څرګندونې د یاد وزارت مسوولانو نن شنبه، زمري ۲۷مه کابل کې د «امارتي ادارو د یو کلنو لاستهراوړنو د تشرېح پروګرام» کړې دي. د یاد وزارت د مسوولانو د معلوماتو له مخې، تېرکال افغانستان کې تولید شوي سېرمونه ګڼشمېر عربي هېوادونه لېږدول شوې دي.
د میدانوردګ محلي چارواکي وایي چې دغه جامع جومات د جغتو ولسوالي په «سیده کلي» کې د دغه ولایت د یوه اوسېدونکي په شخصي لګښت جوړ او ګټېاخیستنې ته سپارل شوی دی. د میدانوردګ والي قاري بختیار معاذ وویل، دغه جامع جومات د ابراهیم خلیل الله په نوم نومول شوی.
د پروان پوهنتون د کمپیوټر ساینس پوهنځي دوو زدهکړیالانو ډرون جوړ کړی دی.
د توکلخان قلمیار او احمدوصال په نومونو د یاد پوهنتون د کمپیوټر ساینس پوهنځي د څلورم ټولګي زدهکړیالانو سلاموطندار ته ویلي چې دغه ډرون تر «دوه کیلومټره» پورې الوتنه کولی شي او په وینا یې، شاوخوا ۳۵زره افغانۍ لګښت پرې راغلی دی.
«دوی نهشي کولای چې ما دلته وساتي، ۴۵ ورځې مې چې پوره شي؛ زه ازاده يم چې لاړه شم، خو دا چې له مېړه مې کومه وېره لرم، ځای نهلرم، کار نهلرم، نهشم کولای له دغه ځايه لاړه شم. څه به کېږي؛ د سړک پر سر پاتې کېږم. هېڅ کور او سرپناه نهلرم. یا د مېړه له وېرې چې بېرته مې و نهنیسي، ډېره اندېښمنه یم.»
د لوګر مرستیال والي وايي چې د دغه ولایت د لوړو زدهکړو موسسې څخه به نویو فارغ شویو ځوانانو ته د کارکولو زمینه برابره کړي.
د لوګر د لوړو زدهکړو موسسې له دوه پوهنځیو څخه ۱۱۰ زدهکړیالان فارغ شول. د دغه لایت د لوړو زدهکړو موسسې رییس ضیاالاحمد صارم جوړې شوې غونډې ته وویل، د ښوونې او روزنې او کرنې پوهنځیو څخه شاوخوا ۱۱۰ زدهکړیالان فارغ شول.
د اذربایجان او اوزبکستان پلاوي د «افغانستان، اذربایجان او اوزبکستان» په درې اړخیزه ناسته کې د ګډون په موخه د سرپرست حکومت په بلنه نن پنجشنبه، زمري ۲۵مه کابل ته راغلي دي.
کابل ښار کې یوشمېر بېوزله کسان د وزګارتیا او تنګسیې له امله شکایت کوي او وايي چې د ورځې تر ۵۰ افغانۍ عواید لري. ۷۷کلن عبدالرحیم چې د پلازمنې کابل ښار د یوه سړک تر غاړه له تېرو ۳۰ کلونو راهیسې مُچيتوب کوي، وايي چې د ورځې له ۱۰۰ افغانۍ ډېرې نهګټي او په وینا یې، سرپرست حکومت باید خلکو ته د کار کولو زمینه برابره او د وزګارتیا کچه راکمه کړي.
د لوګر عامې روغتیا ریاست چارواکي وایي چې د ملګروملتونو د نفوس صندوق(UNFPA) له لوري د مرکز پلعلم په ګډون پنځه ولسوالیو کې روغتیايي مرکزونو ته ودانۍ جوړېږي.
د ټرانسپورټ او هوايي چلند وزارت د هوا پېژندنې ریاست د هېواد په یوولس ولایتونو کې د اورښتونو، تندو بادونو او سېلابونو راوتلو اټکل کړی دی.
دغه ریاست نن پنجشنبه، زمري ۲۵مه د هېواد په ۱۱ ولایتونو «ننګرهار، بدخشان، نورستان، پنجشېر، کونړ، لغمان، لوګر، پکتیا، خوست، پکتیکا، غزني او زابل» کې سبا «جمعه، زمري ۲۶مه او شنبه، زمري ۲۷مه» د اورښتونو اټکل کړی دی.
د پکتیا مرستیال والي عزیزالرحمن منصور په دغه ولایت کې د اسلامي امارت د بیاواکمنېدو د درېیم کال نمانځغونډه کې له نظامیانو غوښتنه وکړه چې له خلکو سره ښه چلند وکړي.
د لوګر کلیو پراختیا او بیارغونې ریاست چارواکي وایي چي د ماشومانو لپاره د ملګروملتونو ملاتړې ادارې (UNICEF) له لوري په برهکي برک ولسوالي کې د څښاک پاکو رسولو یوه شبکه جوړه او ګټېاخیستنې ته سپارل شوې.
د میدانوردګ کې چارواکي وايي چې د دغه ولایت په مرکز میدانښار کې د یوه کس په شخصي لګښت د «پنځه ستوري» په نوم هوټل جوړ او ګټېاخیستنې ته سپارل شوی دی.
د میدان ښار ښاروال عبدالله دروېش وویل، دغه هوټل په عصري او معیاري ډول د تېر یوه کال په ترڅ کې د انجینیر نثاراحمد په شخصي پانګونه جوړ شوی دی.
د چاپېریال ساتنې ملي ادارې مسوولان وايي چې افغانستان د اقلیمي بدلون له امله اغېزمن شوی او د نړیوالو پام راړولو لپاره باید افغانستان د کوپا-۲۹ نړیوال کنفرانس ته وروبلل شي.
د کوپا-۲۹ نړیوال کنفرانس دا ځل د اذربایجان په کوربهتوب ترسره کېږي.
