د سرپرست حکومت مرکزي ویاند د امربالمعروف نوي قانون په اړه نړیوالو غبرګونونو ته په ځواب کې وايي چې پر دې قانون نیوکه ګستاخي او د ایمان د زوال خطر لري.
ذب.ېحالله م.جاهد نن سهشنبه، وږي شپږمه، پر خپله اېکسپاڼه یوې خبرپاڼه کې ویلي، که «غیرمسلم» د یادو قوانینو په تړاو اندېښنې لري، لومړی باید پر اسلامي قوانینو ځان پوه او د ارزښتونو درناوی دې وکړي.
افغانستان کې د ملګروملتونو سیاسي استازولۍ «یوناما» مشرې روزا اوتونبایووا هلمند ته د خپل سفر پرمهال د دغه ولایت د والي مرستیال او نورو چارواکو سره لیدلي دي.
اوتونبایووا په دې لیدنه کې ویلي، یوناما هڅه کوي، څو سرپرست حکومت سره په همغږۍ نړیوالې ټولنې سره د تعامل او پرمختګونو پر وړاندې شته ستونزې او ننګونې هوارې کړي.
د هلمند د واشېر، ګرمسېر او موسیکلا ولسوالیو یوشمېر اوسېدونکي وايي، د روغتیايي خدمتونو د کمښت له امله له بېلابېلو ستونزو سره لاس او ګرېوان دي.
د لوګر د کلیو پراختیا او بیارغونې ریاست چارواکي وایي چې د دغه ولایت مرکز او ولسوالیو کې د ۷۲ میلیونه افغانیو په ارزښت د څښاک اوبو اووه شبکې جوړې او ګټېاخیستنې ته سپارل شوي دي.
د اوبو دغه شبکې د ماشومانو لپاره د ملګروملتونو د ملاتړې ادارې (UNICEF) له لوری په تېر یوه کال کې جوړې شوې او د اوو نورو شبکو د جوړېدو چارې پیل شوې.
د ټرانسپورټ او هوايي چلند وزارت مسوولان وايي چې د تېرکال پرمهال د هېواد له هوايي حریم څخه څه باندې ۴۰زره عبوري الوتنې شوې دي.
دغه څرګندونې د یاد وزارت مسوولانو نن دوشنبه، وږي پنځمه کابل کې د یاد وزارت د تېر یوه کال لاستهراوړنو په اړه جوړې شوې غونډه کې کړې دي.
د افغانستان بانک مسوولان وايي چې سبا «دوشنبه، وږي پنځمه» به «۱۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (یکشنبه، د وږي درېیمه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا دوشنبه «۱۵» میلیونه امریکايي ډالر لیلام کړي.
په کابل کې د افغانستان اقتصادي پرمختګ او بریا څلور ورځني نندارتون په وروستۍ ورځ یوشمېر سوداګرو د خپلو تولیداتو د خرڅلاو لپاره د بازارموندنې برخه کې د دا ډول نندارتونونو جوړول ګټور وبلل.
۱۸ schools and religious seminaries are being rebuilt in Logar
سلاموطندار د هېواد په یوشمېر ولایتونو کې له ۲۲ واده شویو مېرمنو او نارینهوو سره د دوی ګډ ژوند کې د کورنیو لهخوا د مداخلې پایلو ارزونې په موخه د سروې لپارهله دوی سره مرکې کړې چې د یادې سروې پایلې ښيي، د ډېری دغو کسانو ګډ ژوند اغېزمن او د بېلوالي لامل هم شوی دی.
د ترانسپورت او هوايي چلند وزارت مسوولان سلاموطندار ته وايي، د یوې شپې او ورځې پرمهال د افغانستان پر فضا نږدې ۲۶۰ الوتنې کېږي.
د یاد وزارت ویاند امامالدین احمدي وویل، پخوا د افغانستان پر فضا له ۱۱۰ څخه تر ۱۲۰ پورې الوتنو، الوتکې کولې، خو اوس یې، شمېر ډېر شوی دی.
د سمنګان د کرنې ریاست مسوولان وايي چې دغه ولایت کې د تېرکال په پرتله سږکال د بادام حاصلات ۲۰سلنه زیات شوې دي.
د کرنې ریاست د کرنیزو چارو امر عبدالخلیل کریمي وايي، د یاد ولایت د مرکز، حضرتسلطان، خُرم او سارباغ ولسوالیو بڼوالو سږکال ۲۲۸۰ ټُنه بادام راټول کړې دي.
د کلیوبیارغونې او پراختیا وزارت مسوولان وايي چې تېر یوه کال کې د هېواد په کچه یو میلیون، ۵۲۵زره او ۴۰۰ کسانو ته د څښاک پاکو اوبه برابرې شوې دي.
د یاد وزارت مسوولانو دغه څرګندونې نن شنبه، وږي درېیمه کابل کې د امارتي ادارو د یو کلنو لاستهراوړنو د تشرېح پروګرام کې کړې دي.
په څوارلسو ولایتونو کې له ۴۰ ښځینه کروندګرو او مالدارانو سره د سلاموطندار د مرکو پایلې ښيي چې د کرنې، اوبو لګولو او مالدارۍ وزارت او د کرنې برخې اړوندو بنسټونو د دغو ښځو له ډلې د یوې هم لاتړ نهدی کړی. دا ښځې په دودیز ډول د کورنۍ له نارینهوو سره پر کرنې او مالدارۍ بوختې دي، خو د کرنې پرمختللو امکاناتو ته لاسرسی نهلري. دوی وايي، د ښو حاصلاتو لپاره په کروندو ګې ډېر زحمت وباسي، خو د پام وړ ګټه نه کوي.
یوشمېر هېوادوال د انټرنېټ د لوړې بیې او ټیټ کیفیت په اړه شکایت کوي او وايي، له ګاونډیو هېوادونو سره د افغانستان انټرنېټ د پرتلې وړ نهدی.
د هرات اوسېدونکی عزیزاحمد په هېواد کې د انترنېټ ټیټ کیفیت په اړه وايي، انټرنېټ د خپلو خپلوانو د پوښتنې لپاره چې په ګاونډیو هېوادونو کې ژوند کوي، کاروي، خو د ټیټ کیفیت له امله نهشي کولای سمې اړیکې ورسره ټینګې کړي.
د سرپرست حکومت د ویاند مرستیال حمدالله فطرت سلاموطندار ته وايي چې متحده عربي اماراتو هغه هېواد کې د اسلامي امارت سفیر په توګه د بدرالدین حقاني باورلیک منلی دی.
فطرت زیاته کړه چې قزاقستان هم پلازمېنه استانه کې محمدرحمان رحماني د سرپرست حکومت د سفارت د شارژدافیر په توګه منلی دی.
د صنعت او سوداګرۍ وزارت او خصوصي سکټور د یوشمېر استازیو په ګډون نن پنجشنبه، وږي لومړۍ نېټه، د «افغانستان اقتصادي ودې او پرمختګ» په نوم د کورنیو تولیداتو او محصولاتو ملي نندارتون پرانیستل شو. د سوداګرۍ او پانګونې خونې لومړی مرستیال یونسمومند وايي، تر دې وړاندې افغانستان له ۸۰سلنې ډېر واردات لرل چې په وینا یې، دامهال افغانستان ۲۵ سلنه پر وارداتو تکیه کوي.
