په دې راپور کې د ملي لوبدلو له اتو او د نورو برخو له لسو ورزشکارانو سره خبرې شوې دي. د یادو ورزشکارانو له ډلې، لسو هغو یې، ویلي چې د درېوو کلونو پرمهال افغانستان کې ورزش د پام وړ وده کړې. سلاموطندار د بېلابېلو برخو له ۱۸ ورزشکارانو سره د مرکو پرمهال موندلې چې د وروستیو درېوو کلونو پرمهال هېواد کې ورزش د پام وړ پرمختګ کړی دی.
د ریاستالوزرا اقتصادي معاونیت وايي چې د تېر یوه کال پرمهال د ډالرو پر وړاندې د افغانیو ارزښت ۱۴.۵۰سلنه لوړ شوی دی.
یاد معاونیت نن دوشنبه، تلې نهمه پر خپله اېکسپاڼه لیکلي چې د تېرکال وږي پر ۳۱مه یو ډالر۷۸.۷۶ افغانۍ و، خو سږکال د وږي پر ۳۱مه یو ډالر ۶۸.۸۸ افغانۍ ته راښکته شوی دی.
هېواد کې د زړه پر ناروغۍ د اخته ماشومانو یوشمېر کورنۍ وايي، د زړه ناروغیو د درملنې مرکزونو ته لاسرسی نهلري.
د نيمروز اوسېدونکې نازنين چې ماشوم يې د زړه پر ناروغۍ اخته دی، وايي، خپل ولایت کې يې د زړه د درملنې د مرکزونو نشتوون له امله اړ شوې چې خپل ماشوم د درملنې لپاره کابل ته راولي.
د لوګر امنیه قومنداني چارواکي وایي چې د کورنیو چارو وزارت د نشهيي توکو پروړاندې د مبارزې ریاست له لوري د نشهيي توکو کرکېلې لهمنځه وړو عملیات نن «یکشنبه، تلې اتمه» پای ته ورسېدل.
د دغه ولایت امنیه قومنداني ویاند مولوي احمدالله انس سلاموطندار ته وویل، دغه عملیات ۲۰ ورځې وړاندې د لوګر په مرکز پلعلم او ازرې ولسوالیو کې پیل شوي وو.
غزني کې محلي مسوولان وايي چې دغه ولایت کې د څه باندې څلور میلیونه افغانیو د اوبو رسولو شبکه جوړه او ګټېاخیستنې ته سپارل شوې.
د اوبو رسولو دغه شبکه د مرکز غزني ښار اړوند «د سلطان محمود غزنوي روضه» کلي کې جوړه شوې.
د خوست امنیه قومنداني وياند طاهر احرار وايي، د تېرې یوې اوونۍ پرمهال دغه ولایت کې یوولس کسان د بېلابېلو غلاوو په تور نیول شوې دي.
دغه کسان له جنایي جرمونو سره د مبارزې مديريت منسوبينو له لوري د یاد ولایت مرکز، علیشېرو او ترېزیو، تڼیو، صبریو او یعقوبیو، اسماعیلخېل او مندوزیو ولسوالیو کې نیول شوي دي.
د هلمند محلي مسوولان وايي چې د دغه ولایت مرکز لښکرګاه او ګرشک ولسوالي کې د طبیعي کبانو د غیرقانوني نیونې له امله د کبانو څلور پخلنځي تړل شوې دي.
د مسوولانو په وینا، درې پخلنځي په ګرشک او یو پخلنځی په لښکرګاه کې تړل شوی دی.
د هېواد په ختیځ کې د وروستیو اورښتونو له امله راوتلیو سېلابونو مالي او ځاني زیانونه اړولې دي.
ځايي مسوولان وايي، دغه سېلابونه «جمعه شپه» د ننګرهار په کوزکونړ او د لغمان الینګار او الیشنګ ولسوالیو کې راوتلي دي.
ده وویل، د زیانمنو کورنیو سروې یې پیل کړې او په دې اړه به د زیانونو کره شمېر وروسته شریک کړي.
د اوبو او انرژۍ وزارت مسوولان وايي چې زابل کې د تورې بند چارې بشپړې او ګټېاخیستنې ته سپارل شوی دی.
د یاد وزارت د مسوولانو په وینا، دغه بند د ۱۲۷ میلیونه افغانیو په لګښت جوړ شوی او چارې یې، د دوو کلونو په ترڅ کې بشپړې شوې دي.
د پکتيکا مرکز ښرنه کې د ترکيې د یوه خيريه بنسټ له لوري د ۵۰۰زره امريکايي ډالرو په لګښت د امام بخاري په نوم يو دارلايتام جوړ او ګټېاخيستنې ته سپارل شوی دی.
هغه ټينګار وکړ چې د سرپرست حکومت مشرتابه هوډ لري، ټول هېواد کې د يتيمانو روزنې لپاره دارلايتامونه جوړ کړي.
د عامې روغتیا وزارت اړوند د خوړو او درملو معینیت مسوولان وايي چې د روان لمریز کال له پیل راهیسې تر دې مهاله ۸۶۰ ټُنه تاریخ تېر درمل او خوراکي توکي راټول او لهمنځه وړل شوې دي. تېر کال هم له مرکز او یوشمېر ولایتونو څخه ۸۵۰ ټُنه بېکیفیته او تاریخ تېره خوراکي توکي او درمل راټول او لهمنځه وړل شوي وو.
د سمنګان محلي مسوولان وايي چې دغه ولایت کې د تېرکال په پرتله سږکال د غنمو په حاصلاتو کې ۶۰سلنه زیاتوالی راغلی دی.
د یاد ولایت د کرنې ریاست د کرنیزو چارو امر انجینیر خلیل کریمي وايي، سږکال پر وخت اورښتونه د غنمو حاصلاتو د ډېروالي لامل شوې دي.
د پروان د کلیوبیارغونې او پراختیا ریاست مسوولان وايي چې دغه ولایت کې د پنځو میلیونه افغانیو په ارزښت د اوبو یوه شبکه جوړه او ګټېاخیستنې ته سپارل شوې ده.
د مسوولانو په وینا، د اوبو دغه ذخیزه چې ۱۱۰۰۰ مټره اوږدوالی لري، د یاد ولایت په سرخپارسا ولسوالي کې جوړه شوې.
د خوست محلي مسوولان وايي چې دغه ولایت کې د یوه سیاحتي شرکت دوه کارکوونکي د جعلي پاسپټورونو د لېږد په تور نیول شوي دي.
د خوست د والي ویاند مستغفر ګربز سلاموطندار ته وايي، د «الخليج» په نوم سياحتي شرکت دوه کارکونکي هغه مهال نیول شوي چې د دغه ولایت هوايي ډګر ته یې، جعلي پاسپورټونه ننوېستل.
د عامې روغتیا وزارت مسوولانو د «کتلوي معافیت د ملي پروګرام» د ودانۍ پرانیستو مراسمو کې وویل چې هېواد کې ۱.۸ میلیونه ماشومان له واکسین څخه محروم پاتې شوي.
د دوی په وینا، د یادو ماشومانو تر پوښښ لاندې راوستو لپاره یې، د کتلوي معافیت ملاتړیز پروګرام یې جوړ کړی دی.
د ملګروملتونو له لوري د امر بالمعروف او نهې عنالمنکر وزارت پر نوي قانون د نیوکو ترڅنګ، د ا.ا مشر شیخ هبتالله اخندزاده د دغه قانون پر پليکېدو ټینګار
کړی دی.
د اسلامي امارت مشر کندوز ته د سفر پر مهال د دغه ولایت له چارواکو او دیني عالمانو سره کتنه کې ویلي، په هېڅ صورت نهغواړي چې د شریعت پر سر معامله وکړي. نوموړي افغانستان کې د بشري حقونو په برخه کې د لوېديځو هېوادونو پر تګلارې هم نيوکه کړې.
