د پکتیا محلي مسوولان وايي چې دغه ولایت کې د شاوخوا څلورنيم ميليونه افغانيو په لګښت د دوه کانالونو، دوه سربندونو او محافظوي ديوالونو د جوړېدو چارې پيل شوې.
د خبرپاڼې له مخې، په سيدکرم ولسوالي کې به د ۱۳ متره سربند، د ۲۴ متره په اوږدوالي محافظوي ديوال او د ۱۰ مترو په اوږدوالي يو کانال جوړ شي.
د سرپرست حکومت د ویاند مرستیال حمدالله فطرت وايي، د کورنیو چارو وزارت د امنیتي مرستیال محمد ابراهیم صدر په مشرۍ دغه پلاوي کې د دفاع، بهرنیوچارو او سرحداتو، قومونو او قبایلو چارو وزارتونو او استخباراتو لوی ریاست استازي ګډون لري. نوموړی زیاتوي چې د پېښې د حقیقت له څرګندیدو وروسته به په دې اړه پرېکړه وکړي.
له پاکستان سره پر ډیورنډ کرښه د تورخم دروازه له څه باندې دوه میاشتني ځنډ وروسته «پرون چهارشنبه، تلې ۲۵مه» د هرډول ټرانزیټ پرمخ بېرته پرانېستل شوې.
دغه لاره داسې مهال بېرته پرانېستل کېږي چې افغانستان کې د تازه مېوو او سبزیو موسم مخ پر خلاصېدو دی.
د کندهار د کرنې، اوبولګولو او مالدارۍ ریاست مسوولان وايي چې سږکال له دغه ولایت څخه ۶۰۱۵ ټُنه انار بهر ته صادر شوي دي.
د یاد ریاست د کرنیزو چارو امریت د معلوماتو پر بنسټ، سږکال د لوی کندهار څخه بهرنیو هېوادونو ته (۶۰۱۵) ټنه انار صادر شوي او تمه کېږي چې د نورو کلونو په پرتله د صادراتو کچه لوړه شي.
خوست کې سوداګر له هېواد څخه بهر د جلغوزیو د صادراتو برخه کې د اسانتیاوو د برابرولو غوښتنه کوي.
دغه سوداګر سلاموطندار ته وايي، بهرنيو هېوادونو ته دې د صارداتو لپاره ورته هوايي لارې او نورې اسانتیاووې برابرې شي.
د کرنیزو محصولاتو، مالدارۍ او د کورنیو تولیداتو څلور ورځنی ۳۱م خزاني نندارتون نن چهارشنبه، تلې ۲۵مه د کابل په بادامباغ کې د سرپرست حکومت د یوشمېر چارواکو له لوري پرانېستل شو. د ریاستالوزا سیاسي مرستیال مولوي عبدالکبیر له ګاونډیو هېوادونو غواړي چې د افغانستان د کرنیزو محصولاتو د صادراتو پر وړاندې خنډ رامنځته نه کړي
د کانونو او پټرولیم وزارت مسوولان وايي، د دغه وزارت د ستر سلاکار وحیدالله حلیمي په مشري یو پلاوی د چین په رسمي بلنه بېجینګ ته تللی دی.
د یاد وزارت ویاند همایون افغان سلاموطندار ته وویل، ټاکل شوې دغه پلاوی د کانونو د استخراج په اړه په یوه لویه غونډه کې ګډون وکړي. د یاد وزارت د معلوماتو پر بنسټ، دا مهال چینايي شرکتونو د لوګر د عینک میسو، د امو دریا د نفتي حوزې او د تخار د سرو زرو په کانونو کې پانګونه کړې.
د خوست محلي مسوولان وايي چې دغه ولايت کې کورنیو توليداتو ته د بازارموندنې په موخه د ګنجينه په نوم درې ورځنی ملي نندارتون پرانېستل شوی دی. د یوه توليدي شرکت مسوول محمدشفیع احمدزي وويل چې دا ډول نندارتونونه د داخلي توليداتو لپاره بازارموندنې برخه اغېزمن تمامېږي.
سلاموطندار له ۱۸هغو ځوانانو سره چې نشهلرونکي درمل کاروي، مرکې کړي او د مرکو پایلې ښيي چې دغه درمل په ټيته بیه پیدا کېږي او لاسرسی ورته اسانه دی. دې مرکو کې ځوانانو سلاموطندار ته ویلي چې نشهلرونکي درمل د پلازمېنې کابل په ګډون د هېواد په هره برخه کې د درملو عمده پلورونکو او د مواد خرڅوونکو څخه په اسانه توګه اخیستلی شي.
د افغاني سرې میاشتې ټولنې سرپرست شهاب الدین دلاور وايي، یادې ټولنې سره د مرستې په موخه یې، د مرستو راټولولو سراسري کمپیان جوړ کړی دی.
نوموړي دغه څرګندونې نن سهشنبه، تلې ۲۴مه، کابل کې د سرې میاشتې ځانګړې اوونۍ د نمانځغونډه کې کړې دي.
د هېواد د یوشمېر سوداګریزو بندرونو له تړلکېدو او لېږد رالېږد کچې کمېدو سره هممهاله د خوست غلامخان بندر له لارې سوداګریزه راکړه ورکړه زیاته شوې.
که څه هم پر دې لارې د سوداګریزو لېږ رالېږد زیات شوی، خو سوداګر او موټرچلوونکي وايي، پاکستانی لوری کمو موټرو ته د تګ اجازه ورکوي چې له کبله یې، ډېری توکي او مالونه خرابېږي.
د لوګر پوهنې ریاست مسوولان وایي چې د پوهنې وزارت د لارښوونې له مخې یې په مرکز پلعلم کې ښوونکو ته د کوچنیو پورونو ورکولو صندوق پرانېستلی دی.
د دغه ولایت پوهنې ریاست ویاند شاپور عرب سلاموطندار ته وویل، پوهنې وزارت د لومړي ځل لپاره په لوګر کې د بېوزله ښوونکو د لاسنیوي په موخه د پورونو ورکولو صندوق پرانېستلی دی. د ده په وینا، له یاد صندوق پرانېستلو څخه یې موخه د بېوزله ښوونکو لاسنیوی او ملاتړ کول دي.
د پکتیا د کرنې، اوبولګولو او مالدارۍ ریاست مسوولان وايي چې دغه ولایت کې د څه باندې ۲۳ میلیونه افغانیو په لګښت د سبزیجاتو شنېخونې جوړېږي.
دغه شنېخونې په مرکز ګردېز او څلورو ولسواليو کې د ملګروملتونو د خوړو او کرنې سازمان له لوري د څه باندې ۲۳ ميليونه افغانيو په لګښت جوړېږي.
د لغمان د مرکز مهترلام ښار اوسېدونکې وجیه هغه نجلۍ ده چې د عمر ۲۲م پسرلی یې زرغون شوی، خو سترګې یې کار نه کوي او تراوسه یې هېڅ نهدي لیدلي. د هغې دوه ورونه او دوه خویندې هم ړندې دي، خو یوازې دا د مهترلام ښار د نابینایانو په لېسه کې زدهکړې کوي.
د پاکستان د بهرنیو چارو وزارت په یوه خبرپاڼه کې ویلي چې دغه هېواد به د روانې زېږدیزې میاشتې په ۱۵مه او ۱۶مه د شانګهای همکاریو سازمان د ۲۳مې سرمشریزې کوربه وي. د پاکستاني رسنیو د راپور له مخې، ا.ا دې غونډې ته نهدی ور بلل شوی. د خبرپاڼې له مخې، په یاده غونډه کې به د شانګهای همکاریو سازمان غړي هېوادونه پر اقتصادي، سوداګریزو، د چاپېریال اړوند او فرهنګي همکاریو خبرې وکړي.
په اسلاماباد کې د افغانستان سفارت وايي، د ډبرو سکرو په یوه کان کې د اوو افغان کارګرو جسدونه یې د هغو کورنیو ته سپارلي دي.
دغه سفارت پرون ناوخته (د تلې ۲۱مه، شنبه) پر اېکس لیکلي چې د څلورو افغان کارګرو جسدونه یې افغانستان ته لېږدولي او د درېوو نورو یې په کویټه کې د هغو کورنیو ته سپارلي دي.
