په داسې حال کې چې د امریکا د ۲۰۲۴ کال ولسمشریزې ټاکنې د جمهوري غوښتونکو ګوند د نوماند ډونالډ ټرمپ او د ډیموکراټ ګوند د نوماندې کاملا هرېس ترمنځ روانې دي، یوشمېر کارپوهان وايي، د ټاکنو پایلې به د نړۍ پر اوسني وضعیت بنسټیز اغېز ونهلري. سرپرست حکومت تمه لري چې د افغانستان په اړه باید د امریکا نظر رښتینی وي.
د لوګر پوهنې ریاست چارواکي وایي چې د ماشومانو لپاره د ملګروملتونو ملاتړې ادارې (UNICEF) له لوري د شاوخوا ۲۲ میلیونه افغانیو په ارزښت د پوهنې ریاست اړوند څلور رغنیزې پروژې پرانېستل شوې.
د صنعت او سوداګرۍ وزارت مسوولان وايي، د تېرو ۹میاشتو پرمهال افغانستان له چین سره د ۵۴۸میلیونه ډالرو په ارزښت سوداګریزه راکړه ورکړه کړې.
دې سوداګریزه راکړه ورکړه کې تر ډېره افغانستان له چین توکي وارد کړي. د اقتصادي چاروشنونکي نړیوال تجارت کې د چین ونډې ته په پام سره وايي، چین سره اقتصادي نږدېکېدا د هېواد په ګټه دی.
د افغاني سرې میاشتې ټولنې مسوولان وايي چې د جرمني د سولې کلي خیریه بنسټ په همکارۍ به ۸۹ ماشومان چې سوځېدلي او د هډوکو میکروب لري، جرمني ته د درملنې لپاره ولېږي.
په دې نظرپوښتنه کې ۶۴۷ ځوانانو ګډون کړی چې ۳۷۰ یې، هلکان او ۲۷۷ یې، نجونې دي. ۸۴.۷ سلنه ګډونوالو ویلي چې ژوند کې یې، د ځان لپاره الګو ټاکلي دي. د دې سروې پایلې ښيي چې د ۷۷.۹سلنه ځوانانو الګو د دوی له لوري او۵۴.۹سلنه بیا مشهورې او پېژندل شوې څېرې د ځان لپاره د الګو په توګه ټاکلي دي.
د لوګر د مخابراتو او معلوماتي ټکنالوژۍ ریاست چارواکي وایي چې د ا.ا له راتګ سره سم د دغه ولایت په مرکز پلعلم او لروپرتو ولسوالیو کې مخابراتي او انټرنېټې خدمات پراخه شوې دي.
د سرپرست حکومت مرکزي ویاند د پاکستان هغه ادعا رد کړه چې ګواکې د ټيټيپي ډلې «پاکستاني طالبانو تحریک» غړي افغانستان کې شتون لري.
ذبېحالله مجاهد وايي چې بهرنیو وګړو او ډلو ته اجازه نهورکوي چې افغانستان کې شتون ولري او له افغان خاورو د نورو هېوادونو پر ضد فعالیت وکړي. په ملګروملتونو کې د پاکستان د دایمي استازي مرستیال عثمان جاودن ویلي چې افغانستان د ترهګرۍ پر مرکز د بدلېدو په حال کې دی.
د کاپیسا په الهسای ولسوالي کې د کرېکټ ۱۲ اووره سیالیو په پایلوبه کې د عقابان الهسای لوبډلې «اتحاد چهارقوم الهسای» ته ماته ورکړه او د یادو سیالیو اتلولي یې، خپله کړه.
د کاپیسا د بدني روزنې او امر عنایتالله هلال نن دوشنبه، لړم ۱۴مه سلاموطندار ته وویل چې دغه ۱۲ اووره سیالي په الهسای ولسوالي کې پیل شوې وې چې ۲۰ ورځې یې، دوام وکړ.
د کورنیو چارو وزارت اړوند پېښو ته د رسېدو او اطفایې عمومي رییس نورالله انصار وايي چې د کابل پغمان ولسوالي اړوند حیدرخان سیمه کې د ګازو وېش شرکت کې د اورلګېدنې له امله شپږ کسان مړه او نهه نور ټپیان شوي دي.
دغه پېښه د روانې اوونۍ د شنبې او یکشنبې پر ورځ رامنځته شوې.
د ملګروملتونو سازمان د پرمختیايي پروګرام «UNDP» مسوولان وايي، تېرو درېوو کلونو کې د دغه بنسټ له لوري د شاوخوا ۷۵ زره کسبګرو ښځو ملاتړ شوی دی.
افغانستان کې د ملګروملتونو د پرمختیايي پروګرام مشر سټیفن روډریګز سلاموطندار ته وویل، دغې ښځې د خیاطۍ، غالۍ اوبدلو، د خوراکي توکو تولید او پروسس او ځینو نورو برخو کې فعالیت لري.
د ایران بشرحقونو سازمان له لوري په یوه راپور کې ویل شوي چې د سرپرست حکومت په واکمنېدو سره ایران کې د افغانانو د اعدام بهیر چټکی شوی دی.
دغه سازمان همداراز ویلي چې د روان کال په لومړیو لسو میاشتو کې لږترلږه ۴۹ افغانان ایران کې اعدام شوي چې یوازې ۱۳ هغه یې، د روان کال اکتوبر میاشت کې وو. په دغه راپور کې همداراز راغلي چې د تېرو درېوو کلونو پرمهال د ایران په زندانونو کې څه باندې ۹۰ افغانان اعدام شوي دي.
د خوست امنيه قومنداني مسوولان وايي چې دغه ولایت کې یې، يوه اندازه وسلې او مهمات نيولي دي.
د خوست امنيه قومنداني څخه نن یکشنبه، لړم ۱۳مه په لېږل شوې خبرپاڼه کې ويل شوي چې د تېرې يوې مياشتې پرمهال دغه وسلې او مهمات ترهګرۍ سره د مبارزې ځواکونو له لوري د عملياتو په ترڅ کې نيول شوي دي.
د افغانستان لپاره د ملګروملتونو ځانګړی رپورټر ریچارډ بنټ وايي، که دغه هېواد کې ځینو بشري ستونزو ته رسېدنه ونهشي، کډوالي به ترې پراخه شي.
نوموړي دغه څرګندونې جمعه، لړم یوولسمه د ملګروملتونو راډیو سره د مرکې پرمهال کړې دي. هغه زیاته کړه چې افغانستان کې امنیتي وضعیت ښه شوی، خو یاد هېواد د متخصصو کسانو د له لاسه ورکولو سره مخ دی.
د افغاني سرې میاشتې ټولنې د «ملک سلمان» او د «البصر» خصوصي خیریه بنسټونو په مالي مرسته کابل کې د یوې اوونۍ پرمهال د سترګو د څه باندې اته زره ناروغانو وړیا درملنه کړې.
یوشمېر ناروغان چې د سترګو عملیات یې کړی، وايي، له عملیاتو وروسته یې، د سترګو لید بېرته ترلاسه کړی دی.
د پکتيا پوهنې رياست مسوولان وايي په مرکز ګردېز او درېوو ولسواليو کې شپږو ښوونځيو ته د ۳۱ نيم ميليونه افغانيو په لګښت د پاکو اوبو سېسټمونه، د احاطې ديوالونه او تشنابونه جوړ شول. د نوموړي په وینا، يادې پروژې د یونېسف نړيوالې موسسې له لوري د ۳۱ نيم ميليونه افغانيو په لګښت بشپړې شوې دي.
د میدانوردګ ولایت محلي مسوولان وايي چې دغه ولایت کې لېوانو ۱۴ پسونه لهمنځه وړي او شپږ نور یې، ژوبل کړي دي.
پېښه جمعه، شپه، لړم ۱۱مه د یاد ولایت د دایمیرداد ولسوالي په «صدوخېل» کلي کې رامنځته شوې.
