د کانونو او پټرولیم وزارت مسوولان وايي، د اوزبیکستان د جیولوجي او کانونو د وزیر مرستیال بهزاد مرمودوف او ورسره مل پلاوي کابل کې د دې وزارت له سرپرست وزیر هدایتالله بدري سره لیدلي دي.
دغه لیدنه چې پرون شوې پهکې له افغانستان سره یې د سروې، ډبرو او منرالونو د پروسس لپاره د ټولو مرحلو د ترسره کولو لپاره د همکارۍ ژمنه کړې ده.
د ملي دفاع وزارت چارواکي وايي چې د یاد وزارت اړوند د ۲۰۱ خالد بن ولید قولاردو کې پوځي وسایط او وسلې ترمیم او ګټېاخیستنې ته سپارل شوي دي. په ترمیم شوی وسایطو کې ۲۰۱۰ بېلابېل پوځي موټر او ۲۲۷ مېله بېلابېل ډوله سپکې او درنې وسلې شاملې دي.
د لوګر د اطلاعاتو او فرهنګ ریاست مسوولان وایي چې روان کال د دغه ولایت په مرکز پلعلم او ولسوالیو کې ۳۷زره کسانو له لرغونو او تفریحي سیمو لیدنه کړې ده.
د خوست محلي مسوولان وايي چې یاد ولایت کې د څه باندې ۸۰ میلیونه افغانیو په لګښت د ۳۷ پراختیايي پروژې پیل شوې.
د خوست ولايت مقام څخه نن چهارشنبه، کب ۲۹مه په خپره شوې خبرپاڼه کې ویل شوي چې دغه پروژې د دغه ولایت په نادرشاه کوټ ولسوالي په ۳۷ کلیو کې پلې کېږي.
سلاموطندار له ۲۲ سوداګرو او کاروباري مېرمنو سره د مرکو په ترڅ کې موندلې چې یادې مېرمنې له شته ستونزو سره سره پر دې بریالۍ شوي چې خپل کوچني کاروبارونو ته له کوره پراختیا ورکړي او د پام وړ لاستهراوړنې ولري. د کابل اوسېدونکې ۲۳کلنه قدسیه له درېوو کلونو راهیسې خیاطي کوي.
نږدې یوه میاشت کېږي چې د تورخم دروازه د پاکستان له لوري د هر ډول تګراتګ پر مخ تړل شوې ده. په دې لړ کې د افغانستان د سوداګرۍ او پانګونې خونې مسوولان وايي چې د دې لارې د بیاپرانېستلو لپاره هیلهمندي شته، خو په وینا یې، وروستۍ پرېکړه افغانستان او پاکستان کې د لوړپوړو چارواکو سره ده.
د مالیې وزارت مسوولان وايي چې د روانې اوونۍ پرمهال به د ټولو دولتي کارکوونکو معاشونه ورکړل شي.
د مالیې وزارت نن سهشنبه، کب ۲۸مه، پر خپله اېکسپاڼه د معاشونو د نورم بدلون په اړه خپاره شوي، لېسټونه او په دې تړاو اوازې ناسمې بللې دي.
د هلمند د والي ویاند مولوي محمدقاسم ریاض سلاموطندار ته وايي چې د کرنې ریاست د عامه پوهاوي سربېره، دغه ولایت کې د طبیعي کبانو ښکار په تور یو کس نیولی شوی دی.
د لوګر یوشمېر اوسېدونکي او ناروغان سلاموطندار ته وايي، د مرکز او ولسوالیو په ډېری شخصي درملتونونو کې غیرمسلکي کسان او کمعمره ځوانان یا هم د روغتیايي برخې زدهکړیالان کار کوي.
د افغانستان ۱۴ ولایتونو کې له هغو ۳۰ ځوانانو سره چې له رواني ستونزو کړیږي، د سلاموطندار د مرکو پایلې ښيي چې ۱۲ یې د ټولنې د منفي لیدلوري له وېرې، اقتصادي ستونزو او په رواني خدماتو د باور نهلرلو په دلیل د مشورې ترلاسه کولو لپاره مراکزو ته مراجعه نهده کړې.
د میدانوردګ د چاپېریال ساتنې، ښاروالي او کرنې ریاستونو له لوري د نیالګیو پسرلنی کمپاین پیل شو چې له مخې به یې، د دغه ولایت په مرکز میدانښار او ولسوالیو کې شاوخوا ۳۰زره مېوهلرونکي او غیرمېوهلرونکي نیالګي کېنول شي.
افغانستان کې د ملګروملتونو د سیاسي استازولی «یوناما» ماموریت غځېدو ته په غبرګون کې د ا.ا ویاند وايي چې یوناما باید د بېځایه اندېښنو رامنځته کولو او د افغانستان پر وړاندې پروپاګند ته لاره هواره نهکړي.
د ملي دفاع وزارت لوی درستیز محمدفصېحالدین فطرت وايي چې له ګاونډیو هېوادونو او نړیوالو سره د زور او جګړې اراده نهلري.
نوموړي دغه څرګندونې د ملي دفاع وزارت اړوند د ۷۰۰ منسوبینو د فراغتغونډه کې د وینا پرمهال کړې دي.
د پاکستان یوشمېر رسنیو راپور ورکړی چې دغه هېواد د سرپرست حکومت هغه غوښتنه رد کړې چې پاکستان کې دې د افغان کډوالو د پاتې کېدو موده وغځوي.
په راپورونو کې ویل شوي چې له دغه هېواده به د (ECC) کارټلرونکي، د اپرېل له لومړۍ نېټې څخه به په زوره افغانستان ته ستانه کړل شي.
د نړیوال چاپېریالي اسانتیاوو صندوق «جيایاېف» افغانستان کې د اقلیمي بدلون د اغېزو راکمولو لپاره ۱۰ میلیونه ډالره بودجه ځانګړې کړې ده.
د چاپېریال ساتنې ملي ادارې د اقلیمي بدلون رییس روحالله امین وايي، دغه پروژه به په بدخشان او کونړ ولایتونو کې پلې شي او موخه یې، د اقلیمي بدلون پروړاندې د یادو سیمو د اوسېدونکو لاسنیوی دی.
د لوګر د صنعت او سوداګرۍ ریاست مسوولان وایي چې د امنیتي ځواکونو په ملتیا یې د دغه په مرکز پلعلم کې دوه موټر مالګه نیولې ده.
