سلاموطندار د نسايي-ولادي برخې له څلور متخصصو مېرمنو سره مرکې کړي چې د مرکو پر مهال موندل شوې چې له حیواني محصولاتو استفاده او له حیوان سره د مستقیم تماس پر مهال روغتیايي سپارښتنو ته نهپام، په مېرمنو کې د «حیواني محرقې» د رامنځته کېدو لامل کېږي.
د کلیو پراختیا او بیارغونې وزارت له لوري د نړیوال بانک په مالي ملاتړ د میدانوردګ په جغتو ولسوالي کې د اوبو مدیریت او ټرانسپورت برخو کې د ۲۰۳ میلیونه افغانیو په ارزښت د ۶۶ ټولګټو پروژو کار چارې پیل شوې چې په راتلوونکې یوه کال کې به بشپړې شي.
د افغانستان لپاره د ملګروملتونو ځانګړي امانتي صندوق اعلان کړی چې سوېليکوریا له دې صندوق سره یو میلیون ډالر مرسته کړې چې افغانستان کې به اړمنو سره د بشردوستانه مرستو برابرولو برخه کې ولګول شي.
په کندهار کې د اروپايي ټولنې په مالي ملاتړ د اقتصادي ستونزو د کمولو په موخه، شلو بېوزله کورنیو ته د تار جوړولو ماشینونه ورکړل شول.
د کندهار د کرنې ریاست ویاند محمدحنیف حقمل وایي: «یاد تجهیزات له مسلکي روزنې وروسته ورکول شوي، څو مستحقې کورنۍ د خپل کار د لارې خپل ژوند تمویل کړي.»
د هلمند امنیتي چارواکي وايي، تېرې یوې میاشتې کې یې، ۹۸ میله وسلې او نظامي تجهیزات نیولي دي.
د هلمند امنیه قومنداني ترهګرۍ سره د
مبارزې مدیریت مسوولانو سلاموطندار ته وویل، دا وسلې او تجهیزات د لښکرګاه ښار ترڅنګ، د یوشمېر ولسوالیو په بېلابېلو سیمو کې د کشفي معلوماتو پربنسټ د عملیاتو پرمهال نیول شوي دي.
د حج او اوقاف وزارت چارواکي وايي چې سږکال د حج ادا کولو لپاره د افغان زیارتکوونکو لومړۍ ډله سعودي عربستان ته رسېدلې ده.
بېګاه ناوخته د کابل هوايي ډګر کې د افغان زیارتکوونکو د لومړنۍ الوتنې په اړه جوړې شوې غونډې ته د یاد وزارت چارواکو وویل چې دغه بهیر سعودي عربستان سره په همغږۍ پیل شوی دی.
د کډوالۍ نړیوال سازمان وايي چې د روان ۲۰۲۵کال د اپرېل میاشتې له لومړیو تر دې مهاله له پاکستان څخه نږدې ۱۰۰زره افغانان بېرته افغانستان ته ستانه کړل شوي دي.
یاد سازمان پر خپله اېکسپاڼه لیکلي چې یاد شمېر کډوال د دوی له لوري د اپرېل له څلورمې د همدې میاشتې تر ۲۸مې نېټې پورې ثبت شوي دي.
رضا سلحشور چې ۲۹ کاله عمر لري، په خپل نوښت یې، د کرنې برخه کې بېلابېل وسایل جوړ کړي دي. هغه ۲۲ ټراکټور، یو حرارتي جنراټور او د برښنا تولید یوه دستګاه جوړه کړې ده. سلحشور وايي، د یادو وسایلو د جوړېدو انګېزه یې، هېواد ته له بهره د واردېدونکو توکو او وسایلو څخه اخیستې ده.
د کابل په پُلسرخ کې یوې کوچنۍ کارخونې څخه د رنګ او تېلو بوی او د هنر د زدهکولو لپاره د زدهکونکو غږونه اورېدل کېږي.
د نقاشۍ دا کارخونه چې څلور دیوالونه یې رنګین انځورونه لري او نجونې د پنسلونو او برسونو په مرسته نقاشي کوي. ماه ګل وايي چې د انځورګرۍ په دې ورکشاپ کې، هغې هڅه کړې چې خپل او په ټولنه کې د ښځو شتون وساتي.
سلاموطندار د هېواد ۱۱ولایتونو کې له ایران او پاکستان بېرته راستانه شویو ۳۹ مېرمنو سره د دوی د ستونزو په تړاو مرکې کړې دي.
دې مرکو کې یادو مېرمنو ویلي، د ژوند له بېلابېلو کړاونو سره مخ دي. د مېرمنو له ډلې یې، ۲۲ له ایران او ۱۷ له پاکستانه بېرته هېواد ته راستنې شوي چې د سرپناه، روغتیايي خدمتونو نشتوالي او نامعلومې راتلونکې سره مخ دي.
د چاپېریال ساتنې ملي ادارې د کابل ښاروالي او د پلازمېنې یوشمېر اوسېدونکو په همکاري نن پنجشنبه، غويي څلورمه د ښار پاکولو په موخه له شپږمې ناحیې څخه عمومي حشر پیل کړ.
مسوولان د دغه حشر له پیل څخه موخه د پاک چاپېریال خوندي ساتل دي.
نوریه هغه مور ده چې څلورم ماشوم یې تازه نړۍ ته راغلی او دامهال د خوراځواکۍ درملنې لپاره روغتون کې بستر ده. هغه د خپل بد اقتصادي وضعیت په اړه سلاموطندار سره خبرو کې وايي، اقتصادي ستونزې او د اومیندوارۍ پرمهال د مناسبو خوړو نهشتون لامل شوی چې نوی زېږېدلی ماشوم یې په خوارځواکۍ اخته شي او خپله هم ښه وضعیت نه لري.
د پکتیکا په برمل ولسوالي کې د ۱۸ میلیونه افغانیو په لګښت د درېوو ښوونځیو د ودانیو د جوړېدو چارې پیل شوې.
د یاد ولایت د پوهنې رياست څخه نن پنجشبنه، غويي ۴مه، په لېږل شوې خبرپاڼه کې ویلي، ابتدایه، لاړ ابتدایه او لواړګې اډه ابتدایه هغه ښوونځي دي پخوا يې ودانی نه درلودې، اوس يې د ودانیو جوړولو کار پیل شوی دی.
د افغنستان بانک په هېواد کې د افغانۍ ارزښت ساتنې لپاره راتلونکې شنبه، غويي شپږمه، ۱۵ میلیونه ډالر د لیلام په توګه بازار ته وړاندې کوي.
د افغانستان بانک نن (پنجشبنه، غويي ۴مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به راتلونکې «شنبه، غويي ۶مه» ۱۵میلیونه امریکايي ډالر لیلام کړي.
کابل کې کتابلرونکي او کتابپلورونکي وايي چې ټولنه کې ډېر کم کسان د کتاب لوستلو ته مخه کوي او وروستیو کلونو کې د کتاب لوستلو دود د پاوړ کم کمرنګه شوی دی.
یوشمېر ځوانان وايي، هڅه کوي چې د کتاب لوستلو دود ته وده ورکړي او د هېواد له فرهنګي ريښو ساتنه وکړي. که څه هم نوموړي هیله درلوده چې دا چاره به یې، ګټوره وي، خو ټولنه کې د واکمن فقر له امله اغېزمنه نهوه.
د نجونو پرمخ د پوهنتونونو له تړلکېدو وروسته، بدخشان کې د پوهنتون یوې زدهکړیالې د فیضاباد ښار په یوه څنډه کې د جامو او د ښځو وسایلو پلورنځي پرانېستلو سره، نورو نجونو ته هم د کار زمینه برابره کړې. هغې د بدخشان پوهنتون د اقتصاد پوهنځي د درېیم کال زدهکړیاله وه چې د نجونو پر زدهکړو بندیز ولګول شو.
