د افغنستان بانک په هېواد کې د افغانۍ ارزښت ساتنې لپاره سبا «پنجشنبه، غبرګولي ۲۹مه»، ۱۵ میلیونه امریکايي ډالر د لیلام په توګه بازار ته وړاندې کوي.
یاد بانک نن (چهارشنبه، غبرګولي ۲۸مه) پر خپله اېکسپاڼه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا پنجشبنه، ۱۵میلیونه امریکايي ډالر لیلام کړي.
د پنجشېر محلي مسوولان وايي چې دغه ولایت کې څلور زره او ۷۷۶ قیراط زمرد د مزایدې له لارې په ۴۶۸زره او ۶۰۰ ډالرو پلورل شوي دي.
د پنجشېر د والي ویاند سیفالدین لټون نن سهشنبه، غبرګولي ۲۷مه، ویلي چې د زمردو په دې پلور کې کورنیو او بهرنیو سوداګرړ ګډون کړی وو.
د ټولګټو وزارت مسوولان وايي چې د سالنګ لویې لاره کې یې، د باروړونکو موټرو لپاره یې، اسانتیاوې برابرې کړي او کولای شي، پر دې لارې تګراتګ وکړي.
یاد وزارت نن سهشنبه، غبرګولي ۲۷مه، ویلي چې دغه پرېکړه یې، د سوداګرو او هېوادوالو لپاره د اسانتیاوو برابرېدو په موخه کړې ده.
د پکتيا ولايت مقام څخه سلاموطندار ته په رالېږل شوې خبرپاڼه کې ویل شوي چې د لوړو زدهکړو وزارت له لوري د پکتیا پوهنتون انجنیري پوهنځي لابراتوار لپاره د د دوه نيم میلیونه افغانیو په ارزښت مهم وسایل، یاد پوهنتون لابراتوار ته سپارل شوي دي.
د سرپرست حکومت د ریاستالوزرا اداري مرستیال عبدالسلام حنفي د یوه پلاوي په مشري د چین-سوېلياسیا نندارتون کې د ګډون لپاره چین ته تللی دی.
د ریاستالوزرا عمومي ریاست نن سهشنبه، غبرګولي ۲۷مه پر خپله اېکسپاڼه کې د یوې خبرپاڼې په خپرولو سره ویلي چې په دې پلاوي کې د عبدالسلام حنفي سربېره، د صنعت او سوداګرۍ وزارت وزیر نورالدین عزیزي او د بهرنیو چارو
افغانستان له سعودي عربستان سره د شوې هوکړې له مخې، هر کال د حج مراسمو ادا کولو لپاره له ۱۳ تر ۳۰زره کسانو لپاره سهمیه ترلاسه کوي. دغه سهمیه د مسوولو بنسټونو له لوري د ښځو او نارینهوو ترمنځ ټاکل کېږي.
افغانستان کې مېرمنې له تېرو کلونو راهیسې د بېلابېلو لاملونو له کبله د یادې فریضې ادا کولو لپاره له ستونزو سره لاس او ګرېوان دي.
سلاموطندار د ښځو د رواني وضعیت څېړلو لپاره د هېواد په ۲۶ ولایتونو کې د ۴۰۱ ښځو ترمنځ د خپګان کچې ارزولو پاڼې وېشلي. د دغې څېړنې پایلې ښيي چې ۴۹.۶۷ سلنه ګډونکې ښځې په منځنۍ سطحه خفګان او ۵۰.۳۳ سلنه نور له رواني روغتیا برخمنې دي. دغې موضوع هغه له رواني او روحي پلوه اندېښمنه کړې ده.
ملګروملتونو افغانستان کې د ماشومانو او ښځو د خوارځواکۍ پروړاندې د مبارزې لپاره د ګډ ستراتیژیک اقدام غوښتنه کړې ده.
دغه سازمان د یوې ګډې خبرپاڼې په خپرولو سره ویلي، یاده غوښتنه د بېړنیو، ګڼو سکتورونو او د خوارځواکۍ له ټولو ډولونو سره د مبارزې او د زیانمنو ماشومانو او ښځو د لاډېر زیانمنېدو مخنیوي لپاره د اقداماتو ملاتړ دی.
د ټولګټو وزارت چارواکي وايي چې د سالنګ لویې لارې د سړکونو د ځینو برخو د کېښناستلو اوازې بېبنسټه دي.
د یاد وزارت ویاند محمداشرف حقشناس نن «پنجشنبه، غبرګولي ۲۲مه سلاموطندار ته وویل چې د یادې موضوع ارزونې لپاره د ټولګټو وزارت سرپرست د سالنګ لویې لارې د تېرکال پرمهال د جوړ شوي سړک ځینې برخې له نږدې لیدلي دي.
د ایران د بهرنیو چارو وزیر سیدعباس عراقچي د اسلو نړیوالې ۲۲مې ناستې په څنډه کې د ناروې د بهرنیو چارو وزیر سپن بارتایده سره د افغانستان، سیمهییزو دوه اړخیزو اړیکو او نورو موضوعاتو په تړاو خبرې کړې دي.
د طبیعي پېښو پروړاندې د چمتووالي ملي ادارې مسوولان وايي چې افغانستان لاهم له د هغو هېوادونو په ډله کې دی چې پراخه سیمه یې، پر ناچاودو توکو پوښلې ده.
د یادې ادارې د مسوولانو په وینا، د روان میلادي کال له پیل راهیسې هېواد کې د تېرو جګړو څخه د پاتې ماینونو او ناچاودو توکو د ۶۵ چاودنو په پایله کې ۱۳۸ کسان مړه او ټپیان شوي دي.
د لوګر اطلاعاتو او فرهنګ ریاست مسوولان وایي چې د دغه ولایت په مرکز پلعلم او ولسوالیو کې د لوي اختر پرمهال شاوخوا ۴۰زره کورنیو سیلانیانو له لرغونو او تفریحي سیمو لېدنه کړې ده.
د سپينې شګې تفريحي پارک قرار دادي شرکت مسوولان وايي چې د لوی اختر له لومړۍ تر دې مهاله «دوشنبه، غبرګولي ۱۸مه» له يادې تفريحي سيمې څخه شاوخوا ۳۰۰زره سيلانيانو ليدنه کړې ده. په ورته وخت يادې تفريحي سيمې ته يوشمېر ورغلي سيلانيان هم خوښي څرګندوي چې په دې سيمه کې اسانتياوې برابرې شوې.
د سرپرست حکومت لوړپوړی پلاوی د تاشکند څلورمې نړیوالې ناسته کې د ګډون لپاره نن «دوشنبه، غبرګولي ۱۹مه» اوزبیکستان ته روان شوی دی.
د صنعت او سوداګرۍ وزارت پر خپله اېکسپاڼه لیکلي چې د یاد وزارت سرپرست نورالدین عزیزي او د امارتي شرکتونو عمومي رییس احمدجان بلال د دې پلاوي غړي دي.
د خوست امنیه قومنداني وياند طاهر احرار وايي، د امنيه قومنداني اړوند امنیتي او کشفي بنسټونو له نورو نظامي ارګانونو سره یوځای په ښار او ولسوالیو کې د لوی اختر د مراسمو ښه ترسرهکېدو په موخه منظم امنیتي تدابیر نیولي دي.
د کاپیسا د عامې روغتیا ریاست مسوولان وايي چې دغه ولایت کې د کانګو ناروغۍ له کبله دوه کسان مړه شوي او د ۲۱ مثبتو پېښو ترڅنګ ۴۱ مشکوکې پېښې ثبت شوي دي.
د یاد ولایت د عامې روغتیا رییس نیازمحمد مخلص نن جمعه، غبرګولي ۱۶مه سلاموطندار ته وویل چې دغه پېښې د وروستیو اوونیو پرمهال کاپیسا کې ثبت شوي.
