د پنجشېر محلي چارواکي وايي، د دغه ولایت د ابشار ولسوالي د یوه جومات چارې بشپړې او بل جومات له ترمیم وروسته ګټېاخیستنې ته سپارل شوی دی.
د ابشار ولسوال، محمدعلي حقشناس، (د وږي ۱۷مه) سلام وطندار ته وویل چې د دې ولسوالي نوی مسجدالنور په رسمي توګه پرانیستل شوی او همدارنګه د قلعهبالا د کربهګلابخېل سیمه کې یو بل جومات چارې ترمیم شوي دي.
د سمنګان د کلیوبیارغونې او پراختیا ریاست مسوولان وایي چې د ۲۸میلیونه افغانیو په لګښت د اوبورسولو د څلورو شبکو د جوړولو چارې پیل شوې.
یاد ریاست په یوې خبرپاڼه کې ویلي چې د دغو څلورو شبکو چارې د نړیوال بانک په مالي ملاتړ پرون دوشنبه، (د وږي ۱۷مه) د درهصوف بالا ولسوالي کې پيل شوي دي.
د افغاني سرې میاشتې ټولنې د شمالختیځ ساحوي زون عملیاتي امر، عبدالله هجران وايي چې په کندوز کې د شمالختیځ زون لپاره ځانګړی رواني روغتیايي مرکز په رسمي توګه پرانستل شوی دی.
د پنجشیر د والي ویاند سیفالدین لتون نن دوشنبه، وږي ۱۷، سلاموطندار ته وویل چې د یاد ولایت اوسېدونکي د اقتصادي ستونزو سره مخ دي.
د لتون په خبره، د کرنیزو ځمکو او تولیدي کارخونو نشتوالی او د مخکیني حکومت د بېپروايۍ له امله چې د خلکو پر ځای یې خپل جېبونه ډک کړي وو، د ولایت اوسېدونکي له سختو اقتصادي ستونزو سره مخ کړي دي.
د کندهار د کډوالو او بېرته راستنېدونکو چارو ریاست مسوولان وايي، د سپټمبر له لومړۍ نېټې راهیسې د سپینبولدک له لارې هېواد ته د راستنېدونکو کډوالو شمېر په کمساري ډول لوړ شوی او ورځنۍ شمېر یې تر ۳۰۰ کورنیو ته رسېږي.
ايا تاسې کله فکر کړی چې داسې ملګری ولرئ، چې هېڅکله د ستړیا احساس ونهکړي او تر ټولو مهمه دا چې هر وخت ستاسو د لاسرسي وړ وي؟ زه، عباس پناهي، د کابل پوهنتون د سیاسي علومو محصل، يوه ورځ له داسې ملګري سره اشنا شوم؛ هغه ملګری چې نوم يې «مصنوعي ځیرکتیا» ده.
د کونړ د نورګل ولسوالي «زیړي بابا» او د خاص کونړ ولسوالي «سپین جومات» سیمه کې د تېرې اوونۍ د زلزلهځپلو لپاره لنډمهاله پنډغالي جوړ شوي چې سلګونه کورنۍ پهکې ځای پرځای شوي دي.
دوی په دغه مېشتغالي کې د لومړنیو اسانتیاوو له کمښت شکایت کوي او وایي، شته امکانات په نشت حساب دي.
د میدانوردګ د نوي والي ملا خیراالله خیرخواه د دندې پيل مراسمو کې د کورنیو چارو وزارت مرستیال په ګډون د ا.ا لوړو پوړو چارواکو، دغه ولایت مسوولانو او قومي مشرانو ګډون کړی وو.
نوموړي وویل، اسلامي امارت مشرتابه چې کوم مسؤولیت ورته سپارلی په ښه توګه به یې ترسره کړي.
په غزني کې د اصلاح شويو تخمونو د توليد، پروسس او وېش يوې کارخونې په رسمي توګه په فعاليت پيل وکړ. د دې کارخونې د جوړېدو موخه په دغه ولايت کې د اصلاح شويو تخمونو د پروسس په برخه کې ځانبسیاینې ته رسېدل بلل شوي دي. هغه زياته کړه چې کارخونه په يوې پخوانۍ ودانۍ کې جوړه شوې، خو ډېر ژر به يې د فعاليت کچه نوره هم پراخه شي.
فوټسال زړهراښکونکې او چټکیا لوبه ده چې له قوټبال په کوچني لوبغالي او په کمو لوبغاړو سره کېږي. دغه لوبه د فردي مهارتونو، چټکیا او د لوبډلو ترمنځ د همغږۍ له کبله د ځوانانو ترمنځ پر یوې خورا زړهراښکونکې لوبه بدله شوې. دې راپور کې له اتو هغو مېرمنو سره چې په کور کې د کورنۍ له غړیو یا ګاونډیانو سره فوټسال لوبه کوي، هم خبرې شوې دي.
د هرات محلي چارواکي وايي چې نن یکشنبه، وږي ۱۶مه، په د ګلران ولسوالي په «زیارت بابای فرق» کلي کې د اوبو د یوه بند د جوړولو چارې پیل شوې دي.
دغه ولایت کې د سرې میاشتې د څانګې د دفتر رییس احمدراشد وايي چې دغه پروژه د سره صلیب نړیوالې کمېټې مالي ملاتړ لاندې «د اقلیمي بدلون پر وړاندې هوښیارې کرنې» تر عنوان لاندې پلې کېږي.
د پنجشیر د کانونو او پټرولیم ریاست مسوولان وايي چې د کانونو وزارت تخنیکي او مسلکي ټیم د خپلو وروستیو سروېګانو پرمهال د یاد ولایت په عنابه، رخه، ابشار او پریان ولسوالیو کې تازه د بیروجو لس کانونه تثبیت کړي دي.
د بدخشان د نسيدرواز ولسوالي کې سرچینې وايي چې د پخواني شوروي اتحاد پرو ړاندې د جګړې پرمهال د یادې ولسوالي یو اوسېدونکی د کوف-نسيدرواز ولسوالي پر لویه لاره ورک شوی و چې پرون شنبه، وږي ۱۵مه یې، سالم جسد موندل شوی دی.
د سرچینې په وینا، د نوموړي جسد د ویدغز بند کې ورک شوی و چې تېره ورځ د کنګل شویو یخونو له اوبوکېدو سره د هغه جسد پیدا شوی دی.
د سمنګان محلي مسوولان وايي چې دغه ولایت کې د ۲۱ میلیونه افغانیو په لګښت د دوو پراختیايي پروژو چارې پیل شوې.
د مسوولانو په وینا، په دې پروژو کې د غرونو ښووېیدو او له سېلابونو د سړکونو خوندي ساتلو لپاره د دوو استنادي دیوالو جوړول، شامل دي.
یاد استنادي دیوالونه به ۱۸۰ متره اوږدوالی او ۷.۲۸ متره پلنوالی ولري. ټاکل شوې چې یادې پروژې د سمنګان خُلم ولسوالي اړوند تاشقرغان تنګي او صیاد ګولايي کې رغول کېږي.
د کرنې، اوبولګو او مالدارۍ وزارت مرستیال صدراعظم عثمانی، ترکیې ته د سفر پرمهال د دغه هېواد د کرنې او ځنګلونو د څېړنو عمومي رییس سره کتلي او د دواړو هېوادونو د کرنې برخه کې د همکارۍ په اړه خبرې کړې دي.
د ریاستالوزرا اقتصادي مرستیال ملا عبدالغني برادر له نړیوالې ټولنې او نړيوالو بنسټونو غوښتنه وکړه چې د افغانستان پر وړاندې د بانکي او مالي محدودیتونو لړۍ پای ته ورسوي.
هغه نن (شنبه، وږي لسمه) د «د افغانستان د برښنا سکتور کې د پانګونې جذب او ملاتړ» په کنفرانس کې وویل چې دا محدودیتونه د بهرنیو پانګو د جلب پر بهیر منفي اغېز کړی دی.
