کندهار کې پېښو ته د رسېدنې رییس عبدالسلام عمري وایي، د افغان او پاکستاني ځواکونو ترمنځ د سپین بولدک په جګړه کې شاوخوا شل زره کورنۍ له خپلو مېنو بېځایه شوې دي.
د هغه په وینا، د پاکستان له لوري شوې ړندې بمبارۍ نه یوازې خلکو ته دروند زیان اړولی، بلکې د سپینبولدک ګڼې سیمې یې ویجاړې کړې دي.
د افغانستان او پاکستان ترمنځ د وروستیو نښتو له امله د پاکستان پر لور د الوتنې ټکټونو بیې په بېساري ډول لوړې شوي دي. د کابل اوسېدونکي، په ځانګړي ډول ناروغان، وايي د ټکټونو لوړې بیې او د لارو تړل کېدلو، له جدي ستونزو سره مخ کړي.
کابل کې د هوايي ټکټ پلورنځیو شرکتونه وايي، د کابل ـ اسلاماباد ټکټ بیه له ۱۴۰ ډالرو څخه ۵۲۵ ډالرو ته لوړه شوې ده.
باوري سرچینو سلاموطندار ته ویلي چې د افغانستان او پاکستان ترمنځ د سپین بولدک یوه فرعي دروازه نن د جمعې پر ورځ د افغان کډوالو د بېرته راستنېدو په موخه د لنډمهال لپاره پرانېستل شوې ده.
د سرچینو په وینا، دا دروازه نږدې یوه اوونۍ وړاندې د پاکستان له لوري هغه مهال وتړل شوه چې د افغان ځواکونو له لوري د ډیورنډ کرښې په اوږدو کې د پاکستاني پوځ پر پوستو غچ اخیستونکي بریدونه وشول.
د اوکراین ولسمشر ولودېمیر زېلېنسکي وايي، روسیې تېره شپه پر اوکراین د بېساري بریدونو لړۍ پیل کړې چې پهکې تر ۳۰۰ ډرونونو او ۳۷ توغندیو څخه کار اخیستل شوی دی.
د بریدونو موخه د اوکراین په مختلفو سیمو کې د زیربناوو ویجاړیلپاره ټاکل شوي وې. ولسمشر زیلنسکي په ځانګړې توګه د وینیټسیا، پولتافا، سومي او خارکوف سیمو یادونه وکړه چې په مرکز او شمال ختیځ کې یې زیانونه رسولي دي.
د کندهار د سپینبولدک ولسوالي په یو لړ هوايي او توپچي بریدونو کې لږترلږه ۴۰ کسان شهیدان شوي او ۱۷۰ نور ټپیان دي.
په شهیدانو او ټپیانو کې ښځې او ماشومان هم شامل دي. د سیمهییزو چارواکو په وینا، دا بریدونه د پاکستاني ځواکونو له لوري پرون چهارشنبه، تلې ۲۳مه شوي دي.
د پکتيکا چارواکي وايي چې نن پنجشنبه په مرکز ښرنه کوټوالو سيمه کې د ۹۵ ميليونه افغانيو په لګښت د يوې سړېخونې د جوړيدو چارې پيل شوې.
د پکتيکا مرستيال والي مولوي مخدوم عبدالسلام سعادت د يادې پروژې د چارو پيل مراسمو کې وويل چې دغه سړهخونه د کرنې اوبولګولو او مالداري وزارت په بوديجه جوړيږي چې چارې به يې د يونيم کال په موده کې بشپړې شي.
دا دوره له جسمي او رواني اړخه خپلې ستونزې لري او له ټولنیز او طبي پلوه کولای شي چې پر مېرمنو ډېر فشار راوړي. هغه مېرمنې چې له څلوېښت کلنۍ وروسته فاریاب کې اومېندواره شوي، له جسمي ستونزو سربېره، د مالي او معنوي ملاتړ نشتوالي او کورنیو شکایت لري.
د کندهار سپینبولدک ولسوالي د عامه اړیکو مسوول علي محمدحقمل وایي، د افغان او پاکستاني لوري ترمنځ جګړه تېره شپه پیل شوې چې د چهارشنبې تر سهار پورې يې دوام وکړ.
د نوموړي په خبره، په دې نښته کې پاکستاني ځواکونو ته ډېر تلفات اوښتي، خو لا تراوسه یې کره شمېر نهدی څرګند شوی. نوموړی زیاتوي چې جګړه د پاکستاني لوري لهخوا پیل شوې وه او د سهار تر شاوخوا اتو بجو یې دوام وکړ.
د اسلامي امارت چارواکي وايي چې د کندهار سپین بولدک ولسوالي کې له پاکستاني لورې سره د تازه نښتو پرمهال د افغان لورې په ځوابي برید کې د پاکستان د امنیتي ځواکونو پوښتې په نښه شوي دي.
د اسلامي امارت ویاند ذبیح الله مجاهد پر ایکسپاڼې لیکلي چې ګڼشمېر پاکستاني متجاوز نظامیان وژل شوي، پوستې او مرکزونه یې نیول شوي، وسلې او ټانګونه ترې لاسته شوي او نظامي تاسیسات هم لهمنځه وړل شوي دي.
د بېرته راستنېدونکو د ستونزو حل عالي کمېسیون اعلان کړی چې ۳۶۰۰ افغانان له ایران او پاکستان څخه افغانستان ته راستانه شوي دي.
دغه کمېسیون نن (چهارشنبه، د تلې ۲۳مه) په یوې خبرپاڼه کې ویلي چې یاد کسان پرون د هرات – اسلامقلعه، نیمروز د ورښم پل او د کندهار د سپینبولدک د سرحدي دروازو له لارې افغانستان ته راغلي دي.
پسته د بادغیس له مهمو او مشهورو کرنیزو محصولاتو شمېرل کېږي چې د باغونو په جوړولو سره یې، د دې ولایت زرګونه کورنۍ خپلې اړتیاوې پوره کوي.
خو د ځايي اوسېدونکو په وینا، د بارانونو کمښت او اقلیمي بدلونونو په وروستیو کلونو کې د پستې پر حاصلاتو د پام وړ منفي اغېز کړی او تولید یې کم شوی دی.
د بدخشان د کرنې، اوبولګولو او مالدارۍ ریاست اعلان کړی چې (د ژوند لپاره نړیوالې رېښې) موسسې سره په همکارۍ بریالي شوي، څو د دې ولایت په جرم، شهدا او بهارک ولسوالیو کې ۱۹ شنېخونې جوړې کړي.
دغه اداره وايي، له دې شنو خونو به د یادو ولسوالیو ۲۰۰ کورنۍ ګټه واخلي. یادې شنې خونې د کورنیو باغچو د پروژې تر چتر لاندې جوړې شوي چې د سبزیو تخمونه، کېمیاوي سرې او کاري وسایل هم ورکړل شوي دي.
ټاکل شوې چې د سوریې ولسمشر احمدالشرع نن (چهارشنبه، د تلې ۲۴مه) مسکو ته سفر وکړي.
د سوریې دولتي خبري اژانس سانا تایید کړې چې ولسمشر الشرع به په دې سفر کې د روسیې له ولسمشر ولادیمیر پوتین سره وګوري او دواړه مشران به د دوه اړخیزو اړیکو او سیمهییزو موضوعاتو په اړه خبرې وکړي.
د ټولګټو وزارت معین محمداسحق صاحبزاده وايي چې د اقینې د اوسپنې پټلۍ د غځولو د دویم پړاو چارې پیل شوې دي. دا پروژه له اقینې بندر څخه د اندخوی ولسوالي د شاه مردان سیمې پورې غځول کېږي چې لس کیلومتره اوږدوالی لري.
کندوز کې ځوان ګرافیک ډیزاینر احمدجاوید هنرمند وايي، له شپږ کلنۍ یې له هنر سره مینه درلوده او له همدې کبله د ګرافیک نړۍ ته راغلی دی.
د نوموړي په وینا، ګرافیک یوازې یوه دنده نه، بلکې هنر دی چې ژوند ته مانا ورکوي. هغه په ګرافیک ډیزاین کې له مصنوعي ځیرکتیا ګټه اخیستنه مثبت ګام بولي.
د هرات د ارشاد، حج او اوقاف ریاست چارواکي وایي، نن (سهشنبه، د تلې ۲۲مه) د دې ولایت د رباط سنگي ولسوالي په تورغنډۍ بندر کې د یوه جامع جومات د جوړولو چارو پیل شوې.
د ارشاد، حج او اوقاف رییس بازمحمد نایاب وايي، دغه جومات د یاد وزارت د پراختیايي بودیجې په لګښت، د اسلامي امارت د مشر د فرمان له مخې، د دیني مرکزونو د پراختیا او آبادۍ په هدف جوړېږي.
