د «ځوانانو راډیو» د کرېکټ جام دویم پړاو سیالي د روانې تلې میاشتې پر ۱۸مه، د کندوز په کرېکټ لوبغالي کې پیل شوې چې د بلخ لوبډلې په بریا پای ته ورسېدې.
د «ځوانانو رادېو» مسوول شهزاد شیرزاد وایي چې د شمال زون کرېکټ سیالیو په پایلوبه کې د بلخ لوبډلې د خپلو لوبغاړو په کارکردګۍ سره، د کوربه لوبډلې «شینواري اتلان کندوز» ته د شپږو ویکټو په توپیر ماتې ورکړه او د شمال زون اتلولي یې خپله کړه.
له ایران او پاکستان د بې اسناده افغان کډوالو د ایستلو بهیر له چټکوالي سره هممهاله د اسلامي امارت اقتصادي مرستیال د روان کال د ثور پر لومړۍ نېټه په سپینبولدک ولسوالي کې له راستانه شویو افغانانو سره د لیدنې پرمهال ویلي و چې افغان کډوالو ته د کار کولو زمینه برابروي.
د پکتيا د کار او ټولنيزو چارو رياست مسوولان وايي چې په دغه ولایت کې له بېلابېلو حرفوي زدهکړو شاوخوا ۱۵۳ځوانان له شپږ مياشتنيو زدهکړو وروسته د فراغت سندونه ترلاسه کړل.
د پکتيا کار او ټولنيزو چارو رياست رییس قاري محمدرحیم نصرت د فراغت مراسمو کې وويل چې ياد شمېر ځوانانو ته په څلور خياطي، موبايل ترميم، موټرسایلک جوړونې او برښنا برخو کې شپږ مياشتنۍ زدهکړې ورکړل شوې دي.
د هرات د زندان مسوولان وايي، د اوسني حکومت د مشر د فرمان پربنسټ، نن چهارشنبه د تلې ۱۶مه، ۱۶۰ بندیان له دغه زندان څخه خوشې شوې دي.
د هرات د محبس عمومي رئیس شرافالدین مخلص وایي، خوشې شویو بندیانو کې ښځې، نارینه او ماشومان شامل دي.
د بدخشان د وردوج ولسوالي دوو زدهکوونکو له لرې واټنه کنټرولېدونکې جګړهییزه جېټالوتکه جوړه کړې ده.
د بدخشان د امنیې قومنداني ویاند احسانالله کامګار وايي، دغه زدهکوونکي چې واثقالله او ساحل نومېږي، د «سید نجمالدین واثق» لېسې زدهکوونکي دي او دا الوتکه یې د ډېرو لږو امکاناتو په مرسته طرحه او جوړه کړې.
د چاپېریال ساتنې ملي ادارې نن سهشنبه په کابل کې د «اقلیمي بدلونونو او د بشر راتلونکې» تر سرلیک لاندې یوه علمي ناسته جوړه کړه چې د اسلامي امارت یوشمېر چارواکو، د پوهنتون استادانو او محصلینو پهکې ګډون کړی وو.
د روسیې په پلازمېنه مسکو کې نن د «مسکو فارمټ اوومه ناسته» د اسلامي امارت د بهرنیو چارو وزیر امیرخان متقي په رسمي ګډون پیل شوه.
د روسي رسنیو د راپورونو له مخې، متقي د رسمي بلنې پربنسټ، په دې غونډه کې ګډون کړی دی. ټاکل شوې ده چې ګډونوال د افغانستان پر اوسني وضعیت، د ثبات د ټینګښت پر لارو چارو، سیمهییزو همکاریو، د مخدره موادو پر قاچاق او د ترهګرۍ پر ګواښونو بحث وکړي.
د بلخ اوسېدونکې ۶۰کلنه نجیبه حقاني چې تر څوارلسم ټولګي یې، زدهکړې کړي، د پرلهپسې هڅو سره توانېدلې چې مزارشریف ښار کې یو کوچنی رسټورانټ جوړ کړي.
اووه کاله مخکې، نجیبه حقاني خپل کاروبار د دوه زره ډالرو په پور او له یوې کوچنۍ خونې څخه پیل کړ، خو نن یې رستورانت پراخ شوی او ۱۴ کسان پهکې کار کوي چې ۱۲ یې ښځې او دوه نارینه دي.
زه نقیب صدیقي یم، د ژورنالیزم زدهکړیال او اوس مهال د ګرافیک ډیزاینر په توګه کار کوم. زما له مصنوعي ځیرکتیا (Artificial Intelligence) سره اشنایي د دې ټیکنالوژۍ د خپرېدو او په ټولنیزو شبکو کې زما د طبیعي لېوالتیا له امله رامنځته شوه.
د سرپل د کلیو بیارغونې او پراختیا ریاست د رسنیو مسؤول احمد احمدي، وايي چې د سانچارک، ګوسفندي او سوزمهقلعه ولسوالیو اړوند د اوبو رسولو د دولس شبکو د جوړولو چارې پیل شوې.
د مسوولانو په وینا، یادې شبکې د ۵۸ میلیونه افغانیو په ارزښت د «اوشياچار» او «اکشن اید» موسسو د مالي ملاتړ او د سرپل د کلیو بیارغونې او پراختیا ریاست تر څارنې لاندې جوړېږي.
هېواد کې د روان کال د تلې پر اوومه په ناڅاپي توګه د انټرنټي خدمتونو د پرېکېدو له امله میلیونونه افغانان له اقتصادي، زدهکړو او نورو ستونزو سره لاس او ګرېوان شول.
سلاموطندار په دې راپور کې د انټرنټ پرې کېدو اغېزو ارزونې په تړاو کابل کې له ۳۷ ځوانانو سره چې شل یې هلکان او ۱۷ یې نجونې دي، مرکې کړي دي.
د جمعې پر شپه د هېواد یوشمېر ولایتونه د سختو بارانونو، ږلۍ او سېلابونو شاهدان وو. د کابل، کاپیسا، لغمان، ننګرهار او خوست په ګډون څو ولایتونو کې بارانونو او سېلابونو خلکو ته د پام وړ مالي زیانونه اړولي دي.
د پېښو پر وړاندې د مبارزې ادارې د مسوولانو په وینا، یوازې په کابل، کاپیسا او لغمان کې ۷۲۱ کورنۍ زیانمنې شوې دي، سلګونه جریبه کرنیزه ځمکه ویجاړه شوې او زرګونه څاروي او مرغان هم لهمنځه تللي دي.
د افغانستان بانک مسوولان وايي چې په تېرو څلورو کلونو کې یې ۱۵ میلیارده زړې افغانۍ له بازاره راټولې او سوځولې دي.
د افغانستان بانک ویاند، حسیبالله نوري نن (شنبه، تلې دولسمه) په یوه ویډیويي پیغام کې له هېوادوالو غوښتنه کړې چې د بانکنوټو په ساتنه او سم استعمال کې پام وکړي، څو تر ټاکلي وخت وړاندې لهمنځه لاړې نهشي.
په کابل کې د کرنیزو محصولاتو څلور ورځنی نندارتون چې د تېرې اوونۍ د چهارشنبې پر ورځ پیل شوی و، نن شنبه، تلې دولسمه نېټه پای ته ورسېد.
د «سنبل سلیقه مادر» د خوراکي توکو د شرکت مسؤله ناجیه سلطاني سلاموطندار ته وايي: «نندارتون ډېر اغېزمن و، ځکه خلک د کورنیو تولیداتو په اړه لږ معلومات لري. دا ښه فرصت و، ډېرو کورنیو ګډون وکړ او زموږ پلورنه ښه وه.»
د کندهار د کرنې، اوبولګولو او مالدارۍ ریاست چارواکي وايي، سږکال په دغه ولایت کې شاوخوا ۲۷۴ زره ټُنه د انارو حاصلات ترلاسه کېږي.
د کرنې ریاست ویاند محمدحنیف حقمل سلاموطندار ته ویلي، دا حاصلات د ارغنداب، ارغستان، شاولیکوټ، خاکریز، زېړۍ، پنجوایي، معروف، ډنډ، دامان او میانیشین ولسوالیو له شاوخوا ۱۵زره هکټاره د انارو بڼونو ترلاسه کېږي.
د لوګر پوهنې ریاست مسوولان وایي چې د دغه ولایت په مرکز پلعلم او شپږو ولسوالیو کې د پوهنې وزارت او نړیوالو بنسټونو په مالي ملاتړ ۱۴ رغنیزې پروژې بشپړې او ګټې اخېستنې ته وسپارل شوې.
د دغه ولایت پوهنې ریاست ویاند شاه پور عرب سلاموطندار ته وویل، بشپړو شویو پروژو کې ۱۴ ښوونځیو ته د عصري او مجهزو ودانیو او د حفظالصحې اړینو ملحقاتو جوړول او د لمریزې برښنا او پاکو اوبو منظمو سیسټمونو فعالول شامل دي.
