له ۲۵ لوړ عمرلرونکو مېرمنو سره د سلاموطندار د مرکو موندنې ښيي چې دغه قشر له پامه غورځول شوی او له یوې نړۍ غمونو سره اوس د ژوند له پاڼې هم لوېدلې دي.
سلاموطندار په ۱۶ ولایتونو کې له یادو مېرمنو سره مرکې کړي چې د بېوزلي، سرپرست نشتوالي، د زوی یا لور نشتوالي او ټولنیز ملاتړ نشتون له امله، خپل ځان بېارزښته او له هېره ایستل شوی بولي.
د افغانستان لپاره د برېتانیا ځانګړي استازي ریچارد لیندسي، اعلان کړی چې هېواد به یې افغانستان ته څلور میلیونه پونډه مرسته ورکړي.
د کډوالو او بېرته راستنېدونکو چارو وزارت نن پنجشنبه (د لړم لومړۍ نېټه) په یوې خبرپاڼه کې ویلي، ریچارد لیندسي دا خبره د دغه وزارت له وزیر، محمدعبدالکبیر، سره د لیدنې پرمهال کړې ده.
په پرانیستونکو مراسمو کې د کرنې وزارت د اوبولګولو او طبیعي سرچینو مرستیال وزیر مولوي باز محمدفیضان وویل: «اسلامي امارت تل هڅه کوي چې د اوبو د مهار او مدیریت په برخه کې بزګرانو ته هر اړخیزه امکانات برابر کړي. دا ډول پروژې نه یوازې د اوبو د ضایع کېدو مخه نیسي، بلکې د کرنې د پیاوړتیا او اقتصادي ځانبساینې لامل هم ګرځي.»
د لوګر د استیناف محکمي مسوولان وایي چې د ا.ا د مشر د فرمان له مخې، د لوګر له زندان څخه د دوو ښځو په ګډون ۲۴ کسان ازاد او د ۵ ښځو په ګډون د ۲۹ زندانیانو د موده راکمه شوې ده.
د جوزجان د اوبو او انرژۍ ریاست چارواکي وايي، د دې ولایت په قوشتېپه ولسوالي کې د دوو مهمو استنادي دیوالونو د جوړولو چارې د نږدې ۱۲.۵ میلیونه افغانیو په لګښت پیل شوې دي.
د دغو پروژو موخه د سېلابونو د خطرونو مخنیوی او د کرنیزو ځمکو او هستوګنځایونو ساتنه بلل شوې ده.
د اسلامي امارت د ویاند مرستیال حمدالله فطرت سلاموطندار ته په یوه لیکلي پیغام کې ویلي چې د پلاوي راتګ تشې اوازې او د درواغو خبر دی.
له دې وړاندې تېره ورځ ځینو پاکستانیو رسنیو راپورونه خپاره کړي وو چې پر سوداګریزو اړیکو د بحث لپاره یو پاکستانی پلاوی کابل ته ځي چې د پلاوي د ترکیب او یا لیدنو په اړه یې نور جزییات نهوو ورکړي.
د دغه ولایت د ټولګټو چارو ریاست ریيس مولوي جنتګل سراج پلعلم کې په دې اړه جوړو شویو مراسمو ته وویل: «د کابل-ګردېز لویې لارې سړک په بیارغونې کې د سړک داغګیري، د سړک فرش او پینهکاري شامل دي چې په راتلونکو درېوو میاشتو کې به یې کارونه بشپړ او ګټېاخېستنې ته به وسپارل شي.»
کندهار کې د باروړونکو موټرو لپاره د نوي ترمنل د جوړېدو چارې پېل شوې. یاد ترمینل به د کندهار ختځ کې پر ۵۸۲ جریبه ځمکه د درېوو کلونو په موده کې د ۵۰۲ میلیونه افغانيو په ارزښت د ترانسپورت او هوایي چلند وزارت له لوري جوړېږي.
مسوولان وایي، د دې ترمینل جوړېدو سره به کندهار کې ترافيکي ګڼهګوڼه کمه شي.
د ملګروملتونو د خوړو نړیوال پروګرام خبر ورکړی چې په افغانستان کې لوږه ورځ تر بلې د زیاتېدو په حال ده، خو د بودیجې کموالي له امله دغه سازمان یوازې د اړتیا لرونکو یو محدود شمېر خلکو سره مرسته کولای شي.
دغه سازمان د دوشنبې په ماښام، د تلې ۲۸مه، په یوې خبرپاڼه کې لیکلي: «کافي او مغذي خواړه د هر ماشوم حق دی.»
د ملي دفاع وزارت مسوولان وايي چې د یاد وزارت اړوند د ۲۱۵ عزم قولاردو کې ۵۰ عرادې هاموې ټانکونه ترمیم شوي دي.
یاد وزارت نن سهشنبه، تلې ۲۹مه، پر خپله اېکسپاڼه لیکلي چې د ۲۱۵ عزم قولاردو د حمایه کنډک په ورکشاپ کې د تخنیکي او مسلکي پرسونل له لوري دغه ټانکونه بیاځلې ترمیم شوي دي.
د کابل ښار ګڼشمېر اوسېدونکي د برښنا له دوامداره او پرلهپسې پرچاويو شکایت کوي. دوی وایي، د وروستیو ورځو پرمهال، د ورځې برښنا نهلري او د شپې لهخوا هم یوازې د څو ساعتونو لپاره برښنا ته لاسرسی لري.
د دوی په وینا، د برښنا دوامداره نشتوالی د خلکو په ورځني ژوند، زدهکړو او کاروبارونو ناوړه اغېز کړی دی.
د روزګان د ګیزاب ولسوالي د کاغ په سیمه کې د څه باندې څلور میلیونه افغانیو په لګښت، د یوه پُل د جوړېدو چارې بشپړې شوې او ګټېاخیستنې ته سپارل شوی دی.
دا پروژه د(CHA) موسسې له لوري د کلي پراختیا ریاست تر څار لاندې پلې شوې ده. د پرانیستې په مراسمو کې د ګېزاب ولسوال ملاامیرحمزه حنفي، د کلیو پراختیا ریاست رییس محمدغني بلال، د(CHA) موسسې ولایتي مسوول، د سیمې قومي مشرانو او علماوو ګډون درلود.
د امنیه قومنداني د مطبوعاتو امر ملا عزتالله حقاني سلاموطندار ته وویل: «څلورو تنو په دوو عرادو سراچو او يوه عراده لنډګروزر موټرو کي ۶۸۴ کيلوګرامه سود او ۱۵۴کيلوګرامه اېف نشهيي مواد بار کړي و او غوښتل يې غور څخه یې د هلمند نوزاد ولسوالي ته ولیږدوي. د امنیتي ځواکونو د کشفي معلوماتو په اساس ياد کسان د نشهیي توکو سره یوځای ونيول شول.»
د پکتیا د مرکز په ګډون په بېلابېلو ولسواليو کې ۱۵۰زره جریبه ځمکه د ځمکو غصب مخنیوي کمېسیون تر بیاکتنې لاندې ده او خلکو ته پهکې د هېڅ ډول کارکولو اجازه نه ورکول کېږي.
د پکتیا یوشمېر اوسېدونکي وايي، د غصب کمېسیون تر بیاکتنې لاندې ځمکو تصفیه ډېر وخت نیسي چې له همدې امله يې خلک له ستونزو سره مخ کړي او په ډېرو سیمو کې د ودانیزو چارو کارونه هم نیمګړي پاتې دي.
د پکتیکا د ټولګټو چارو ریاست مسوولان وایي چې نن (دوشنبه) د مرکز ښرنې ښار څخه د زرغونښار ولسوالۍ پر لور د ۴۸ کیلومتره اوږد سړک د بیارغونې چارې په رسمي ډول پیل شوې چې ټول لګښت یې ۱۰۶ میلیونه افغانۍ اټکل شوی دی.
د میدانوردګ والي ملاخیراالله خیرخواه د دغه ولایت مقام کې د ناروې اړوند «NEA» ادارې له مشرې انې کترین سره لیدلي او د یادې لېدنې په ترڅ کې د یادې ادارې مشرې ژمنه کړې چې په دغه ولایت کې به یوشمېر پراختیايي پروژې پيل کړي.
