د لوګر د بدني روزنې او ورزش امریت مسوولان وایي چې د دغه ولایت په مرکز پلعلم کې د ۸۰ غوره لوبغاړو ترمنځ د سوکوهنې یوه ورځنۍ سیالۍ پای ته ورسېدې.
د دغه ولایت د بدنې روزنې او ورزش امریت انجینیر مزمل نعیمزي سلاموطندار ته وویل، په جوړو شویو سیالیو کې د مرکز پلعلم او ولسوالیو نونهالانو، تنکیو ځوانانو، ځوانانو او لويانو ورزش کارانو ګډون کړی وو.
یوشمېر حقوقپوهان وایي، د ښځو د ملاتړ لپاره د روښانه او ځانګړو قوانینو نشتون، په بېلابېلو برخو کې په ځانګړي ډول د سوداګرۍ په برخه کې چې د ښځو د فعالیت له لږو فرصتونو څخه شمېرل کېږي، ګڼې ستونزې راولاړې کړې دي.
مېرمنې نه یوازې د کورنیو د لګښتونو برابرولو کې مهمه ونډه لري، بلکې د سپما توان هم لري، خو وزګاره مېرمنې که څه هم اقتصادي پرېکړو کې فعاله ونډه لري، خو بې درامده مدیرانو باندې بدلې کړي چې مالي مدیریت یې د دوی لپاره په یوې پېچلې ستونزې بدل کړی دی.
افغانستان کې د «سرطان د تشخیص او درملنې» یا اینسيسيپي روغتون مسوولان وايي چې د مېرمنو د پوهاوي کچې کموالی، پر وخت د درملنې لپاره روغتونونو ته نه مراجعه او د درملیزو خدمتونو کمښت، لامل شوی چې هېواد کې ښځې د سینې پر سرطان اخته شي.
د اسلامي امارت د صنعت او سوداګرۍ وزارت مسوولان وايي، قزاقستان ته د دې وزارت د وزیر نورالدین عزیزي د سفر پرمهال د یوشمېر افغان سوداګرو هغه ستونزه هم ورسره یاده کړې چې د تېر حکومت پرمهال د دوي پیسې د قزاقي سوداګرو لهخوا نهدي ورکړل شوي.
د اسلامي امارت د صنعت او سوداګرۍ وزیر نورالدین عزیزي د قزاقستان د لومړي وزیر له مرستیال او د ملي اقتصاد وزیر سریک ژومانګارین سره لیدلي دي.
د صنعت او سوداګرۍ وزارت نن چهارشنبه (د لړم اوومه) په خپره شوې خبرپاڼه کې لیکلي چې دواړو لوریو د سوداګریزو اړیکو د پیاوړتیا، د سوداګرۍ د کچې د لوړولو او د دوهاړخیزې همکارۍ د نقشې د عملي کېدو پر موضوعاتو ټینګار کړی دی.
د کورنيو چارو وزارت مسوولان وايي چې په لومړي ځل يې په خوست ولايت کې د پوليس په نوم راډيو نشرات پيل کړل چې د رسنيز ډګر د پياوړتيا لپاره يو غوره ګام دی.
د کورنيو چارو وزارت د عامه اړيکو رییس عبدالحکیم همت اخندزاده وويل چې د پوليس راډيو فعاليت سره به د حکومتي ادارو او خلکو ترمنځ د يو پُل حيثيت ولري او ۲۴ ساعت به خپرونې ولرې.
د میدانوردګ امنیه قومنداني مسوولان وايي چې د دغه ولایت په سیداباد او جغتو ولسوالیو کې شاوخوا ۳۰۰ ملي پولیسو ته مسلکی روزنه ورکړل شوې ده.
د یادو پولیسو فراغت غونډ ته د میدانوردګ ولایت امنیه قوامنداني مرستیال مولوي خلیلالرحمن احمد وویل، دغه پولیسو د یاد ولایت په سیداباد او جغتو ولسوالیو کې درې ورځنۍ مسلکي زدهکړې لیدلي دي.
په پنجشېر کې سلګونه کسانو د پاکستاني رژیم پر وړاندې لاریون وکړ او خبرداری یې ورکړ چې د یاد رژیم پر وړاندې تر مرګه ولاړ دي.
لاریون کوونکو له اسلامي امارت خپل ملاتړ هم اعلان کړ.
د زابل د عامې روغتیا رییس ډاکټر میرویس افغان د مرستو له ترلاسه کولو خوښي څرګنده کړه او ویې ویل: «یاده مرسته د ناروغانو د درملنې په ښهوالي او د روغتیايي مرکزونو د خدماتي معیار په لوړولو کې مهم رول لري. موږ هڅه کوو چې نور روغتیايي مرکزونه هم فعال کړو، څو خلکو ته غوره روغتیایي سهولتونه برابر شي.»
د هلمند محلي مسوولان وايي چې د دوو پرلهپسې ورځو په اوږدو کې د بهرامچې له لارې نږدې ۲۷۷ راستنېدونکې کورنۍ چې ټول ۱۶۱۸ کسان کېږي، بېرته هېواد ته راستانه شوې دي.
د هلمند د مقام ویاند مولوي محمدقاسم ریاض وايي، د ولایت مقام په مشري د استقبال، ثبت او تثبیت کمېټو لهخوا دغو کورنیو ته د هرکلي ترڅنګ د هغوی د ثبت او تثبیت پروسه بشپړه شوې او اړوند اصولي کړنې شوې دي.
کورنیو چارو وزارت ستر امنیتي معین ستر پاسوال ملامحمد ابراهیم صدر د ایکو غونډې په څنډه کې د ترکیې کورنیو چارو وزارت معین او ورسره مل پلاوي سره د ایران په پلازمېنه تهران کې لیدلي دي.
دغه وزارت نن سهشنبه، لړم شپږمه پر خپله اېکسپاڼه لیکلي چې دواړو لوریو په دې لیدنه کې دواړو لورو په بېلابېلو موضوعاتو بحث او خبرې کړې دي.
د کورنيو چارو وزارت لومړی مرستيال نبي عمري وايي چې د اسلامي امارت حکومت د هېچا په کورنیو چارو کې لاسوهنه نهکوي او په وینا یې، له نورو هېوادونو هم ورته تمه لري.
نوموړي دغه څرګندونې نن سهشنبه، لړم شپږمه، خوست کې د تخنيکي انسټيټيوټ د فارغانو په يوه غونډه کې کړې دي. هغه دغهراز وويل اوسنی نظام نه له ګاونډيو او نه هم له نورو هېوادونو سره هېڅ ډول جګړه او ستونزې نهغواړي.
د هرات د صنعت او سوداګرۍ رئیس بشیرمحمد سیرت وايي، په لومړۍ جوپه کې ۲۰ واګُن د ډیزلو تېل له ایران څخه د هرات روزنک تمځای ته رسېدلي او تمه ده چې په راتلونکو ورځو کې ۱۸۰ نور واګنونه هم له همدې لارې هېواد ته وارد شي.
د هغه په وینا، په ټولییزه توګه کې ۲۰۰ واګن ډیزل تېل چې شاوخوا ۱۵ میلیونه ډالر ارزښت لري، د دغه پټلۍ له لارې واردېږي چې دا به په هېواد کې د نفتو د بیو په کمېدو کې مهم رول ولوبوي.
د بيډياېن موسسې ولایتي مسوول ډاکټر سمېعالحق جوړې شوې غونډې ته وویل چې یادو طبي توکي ته په روغتیایي مرکزونو کې ډېره اړتیا لیدل کېدله چې د دغه ولایت عامې روغتیا او ولسونو به وړاندیز او (UNICEF) د شاوخوا سل زره امریکایي ډالرو په لګښت اخېستل شوي چې د مرکز میدانښار په ګدون د یوشمېر لروپرتو ولسوالیو په روغتیایي مرکزونو ووېشل شول.
د میدانوردګ امنیه قومنداني مسوولان وایي چې د کابل-بامیانو پر لویه لاره د حصه اول بهسودو ولسوالي په حاجيګک او سیاسنګ سیمو کې په دو جلا ټرافیکي پېښو کې دوه کسان مړه او اته نور ټپیان شوي دي.
