هرات کې مسوولان وايي چې د دغه ولایت په زندهجان ولسوالي کې زلزلهځپلیو ته د هستوګنې ۳۰ کورونه وسپارل شول.
دغه کورونه چین او ترکیه کې د مېشت افغانانو په مالي لګښت او د هرات د انار درې د اوسېدونکو د شورا په همکاري جوړ او سهشنبه، غبرګولي ۲۲مه زلزلهځپلیو ته وسپارل شول.
پکتیا او خوست کې چارواکي وايي چې د یادو ولایتونو د ځنګمېشتو سیمو پر ۱۷۶ کورنیو باندې «لمریز نغري» وېشل شوې دي.
د پکتیا کرنې، اوبولګولو او مالدارۍ ریاست په يوه خبرپاڼه کې ويلي چې احمدابا ولسوالي کې د ځنګلونو پرېکولو مخنیوي په پار یې، د ځنګلدارۍ ټولنو باندې ۸۸ لمریز نغري وېشلې دي.
د یاد ولایت د سينديزې فرعي حوزې رييس محمدکريم فاتح وويل په دې پروژو کې کانالونه، ګبين ديوالونه، د سربندونو ترميم او د سېلا اوبو ذخیرهکولو دوه لويو حوضونو پاککاري شامل دي چې د ملګروملتونو د خوړو او کرنې موسسې «FAO» لهخوا يې لګښت ورکول کېږي. د یادو رغنیزو پروژو چارې «سهشنبه، غبرګولي ۲۲مه» پيل شوې دي.
د عامې روغتیا وزارت مسوولان وايي چې د تېرو دوو میاشتو پرمهال هېواد کې د کانګو ناروغۍ مثبتې پېښې ۳۸سلنه زیاتې شوې دي.
د یاد وزارت ویاند شرافتزمان امرخېل نن سهشنبه، غبرګولي ۲۲مه سلاموطندار ته وویل چې تېرو پنځو میاشتو کې د کانګو ۲۰۳ پېښې ثبت شوې وې چې له ډلې یې شپږو کسانو خپل ژوند له لاسه ورکړ.
د لوګر امنیه قومنداني چارواکي وايي چې په تېر یوه کال کې د کابل-ګردېز پر لویه لاره د ټرافیکي پېښو له امله ۵۰ کسان مړه او شاوخوا ۱۰۰ نور ټپیان شوې دي. انس زیاته کړه، یادې ټرافیکي پېښې د کابل-لوګر او لوګر-ګردیز پر عمومي سړک کې د موټرچلوونکو د ګړندي تګ او بېاحتیاطۍ له امله رامنځته شوې دي.
د هلمند کرنې، اوبولګولو او مالدارۍ ریاست اړوند د مالدارۍ او حیواني روغتیا امریت کارمندانو له لوري په مرکز لښکرګاه او یوشمېر ولسوالیو کي د کانګو / ویني بهېدونکي تبې ناروغۍ مخنیوي لپاره «د دواپاشۍ» کمپاین پیل شوی دی.
غزني کې چارواکي وايي چې دغه ولایت کې د ۱۹ میلیونه افغانیو په لګښت دوو ښوونځیو ته د ودانۍ د جوړېدو چارې پیل شوې.
د غزني پوهنې ریاست د نشراتو مدیر میاګل صدیق سلاموطندار ته وايي چې دغه دوه ښوونځي د یاد ولایت د قرهباغ ولسوالي په «برله» او «سپین کارېز» کلیو کې جوړېږي.
د ریاستالوزرا اقتصادي معاونیت د «اقتصادي کمېسیون» غونډه کې دولتي ادارې مکلفې وګڼل شوې چې د برښنا سپما لپاره باید له دې وروسته د اوسنیو څراغونو پر ځای له «اېلايډي» څراغونو کار واخلي.
د اقتصادي کمېسیون په نوبتي غونډه کې همداراز ویل شوي چې د یادې پرېکړې پر پليکېدو سره به د کال میلیونونه افغانۍ سپما شي.
د افغانستان لپاره د امریکا ځانګړي استازي توماس وېسټ د بېلابېلو هېوادونو له یوشمېر چارواکو سره د افغانستان په اړه د خپلو کتنو په دوام، دا ځل د اوزبکستان د ملي امنیت شورا له مرستیال عبدالعزیز کاملوف او د افغانستان لپاره د دغه هېواد د ولسمشر له ځانګړي استازي عصمت الله اېرګاشوف سره لیدلي دي.
د لوګر کرنې، اوبولګولو او مالدارۍ ریاست چارواکي وایي چې د کلیوالي سیمو د پراختیا موسسې (RRAA) په مالي ملاتړ په مرکز پلعلم او بره کي برک ولسوالیو کې د ۱۴ د کرنیزو کانالونو د پاکولو چارې پیل شوې.
د غزني اوسېدونکی ۷۲کلن زلمی له شاوخوا ۶۰کلونو راهیسې دغه ولایت کې اهنګري کوي. نوموړي چې خپل شپږ لسیزې عمر دغه صنعت کې تېر کړی، اوس د خپل کاروبار له مخ پر ځوړ وضعیت څخه شکایت کوي. زلمی وايي چې هېواد دننه او بهر کې له پرمختللو تولیدي دستګاوو څخه کار اخیستو د اهنګرۍ صنعت د لهمنځه تلو له ګواښ سره مخ کړی دی.
د پکتیا او پکتيکا ولايتونو محلي چارواکي وايي چې په یادو ولایتونو کې یې د کانګو ناروغۍ د مخنیوي لپاره د دواپاشۍ کمپاین پیل کړی دی.
د پکتيا د کرنې رياست څخه په خپره شوې خبرپاڼه کې ويل شوي چې «یکشنبه، غبرګولي۲۰مه» يې دغه ولایت کې د څارویو د وينې بهوونکې يا کانګو ناروغۍ د مخنيوي کمپاين پيل کړی دی.
د کانونو او پترولیم وزارت مسوولانو نن یکشنبه، غبرګولي ۲۰مه کابل کې د یوې غونډې پرمهال یوه کورني شرکت سره د امو دریا د نفتي حوزې اړوند د انګوت سیمې د ۲۰زره ټُنه خامو نفتو د پلور تړون لاسلیک کړ.
د دغه وزارت سرپرست شهابالدین دلاور وویل، دغه نفت د پروسس لپاره د څه باندې ۱۰ میلیونه ډالرو په ارزښت وپلورل شول.
د لوګر پوهني رياست چارواکي وايي چې د ماشومانو لپاره د ملګروملتونو ملاتړې ادارې یا (UNICEF) له لوري په مرکز پلعلم او محمداغې ولسواليو کې د شاوخوا ۷۲ميليونه افغانيو په مالي لګښت شپږ ښوونځيو ته نوې ودانۍ جوړېږي.
پکتیا کې د کلیو بیارغونې او پراختیا ریاست له لوري د دغه ولایت په اړوند ولسوالیو کې د څلور میلیونه افغانیو په لګښت د اوبولګولو دوه کانالونه جوړ او ګټېاخیستنې ته سپارل شوې دي.
د لغمان پوهنتون د بشري علومو له څلور پوهنځیو څخه فارغ شويو۱۵۰ زدهکړیالانو د فراغت سندونه ترلاسه کړل. دغه زدهکړیالان له «پښتو ادبیات، ژورنالېزم، کتابدارۍ او معلوماتي ساینس او انګلیسي ادبیاتو» څخه فارغ شول. هغه له مسوولانو وغوښتل چې نویو فارغو شویو زدهکړیالانو ته دې د دندو په پیدا کولو کې دوی ته لومړیتوب ورکړي.
