د کندهار ولایت د رسنیو دفتر په یوه خبرپاڼه کې لیکلي چې د ا.ا مشر هبتالله اخوندزاده نن (د غبرګولي ۲۸مه، د دوشنبې ورځ) د دغه ولایت په عیدګاه جومات کې د اختر لمانځه د امامت تر څنګ، خلکو ته وینا کړې ده. د خبرپاڼې له مخې، نوموړي د خپلې وینا پر مهال د ښځو پر حقونو د ټینګار تر څنګ، له خلکو غوښتي چې خپلو خویندو او میندو ته د هغوی شرعي حقونه ورکړي.
پخواني ولسمشر حامد کرزي پر خپلې فېسبوکپاڼې ټولو افغانانو ته د لوی اختر مبارکي ورکړې او له ا.ا څخه یې غوښتي چې د نجونو پر مخ د ښوونځیو او پوهنتونونو دروازې پرانېزي.
کرزي د نجونو او هلکانو زدهکړې د هېواد د پرمختګ، هوساینې او خپلواکۍ لپاره لازمې بللي او دا یې له نړۍ سره د سیالۍ یوازینۍ لاره بللې ده.
«نه مې کلچې اخیستي او نه هم ممیز او نه مې هم ماشومانو ته جامې کړي، اوس دومره څه نهلرو چې خېټې مو پرې مړې کړو، نور څه خو پر ځای پرېږده.»
دا د کابل د اوسېدونکي شفیق غږ دی چې د ښار پر یوه سړک یې دېوال ته تکیه کړې او د کارموندلو په تمه ناست دی.
د هلمند دېشو ولسوالي اوسېدونکي وايي چې د ژوندانه له لومړنیو اسانتیاوو بېبرخي او له پراخو ورځنیو ننګونو سره مخ دي.
د دې ولسوالي اوسېدونکي سلاموطندرا ته وايي، څه باندې پنځو لسیزو راهیسې دې ولسوالي ته پام نهدی شوی او په وینا یې، د زدهکړو، روغتیايي او ګڼو نورو ستونزو ترڅنګ يې، ټوله ولسوالي کې د کاروبار او د خلکو د اړتیاوو برابرولو لپاره یوازې شپږ هټۍ فعاله دي.
د لوی اختر په درشل کې د کابل ښار یوشمېر ځوانان سلاموطندار ته وايي چې اختر ته یې ځانګړی چمتووالی نیولی او پلان لري چې د خپلو ملګرو او خپلوانو سره یوځای دغه اختر ولمانځي.
د پکتيا د بدني روزنې او سپورټ رياست مسولان وايي، په احمدخېلو ولسوالي کې د نهه ولايتونو د ۷۰ لوبډلو ترمنځ د والیبال سیالي د ولي حسنخېل لوبډلې په بريا پای ته ورسېدې.
د دې لوبو لومړي مقام ګټونکې لوبډله ته یو کرولا ډوله موټر ورکړل شوی دی.
غزني چې د هېواد یو له لرغونو ولایتونو دی او ګڼشمېر لرغوني اثار او تاریخي سیمې لري، ټاکل شوې چې یوشمېراثار یې په نړیوالو نندارتونونو کې نندارې ته کېښودل شي.
د اسلامي امارت مشر هبتالله اخوندزاده «جمعه، غبرګولي ۲۵مه» د لوی اختر په مناسبت اختریز پیغام کې ویلي چې له ټولو هېوادونو په ځانګړې توګه «اسلامي هېوادونو سره د اسلامي شریعت چوکاټ» کې سیاسي او اقتصادي اړیکې غواړي.
د پکتيا د عامې روغتيا رياست مسولان وايي، د دغه ولايت څمکنيو ولسوالي کې يوه ۲۵کلنه مېرمن پر کانګو ناروغۍ تر اختهکېدو وروسته يې خپل ژوند له لاسه ورکړی دی.
د پکتيا عامې روغتيا رييس خيرمحمد منصور وويل چې ياده مېرمن روغتون ته پر وخت د نهرسېدو له امله مړه شوې.
د افغانستان لپاره د یوناما دفتر سیاسي مرستیال او ورسره مل پلاوي یې میدانوردګ ته سفر کړی او د دغه ولایت اطلاعاتو او فرهنګ ریاست او محلي چارواکو سره یې لیدلي دي.
جوړې غونډې ته د میدانوردګ د اطلاعاتو او فرهنګ رییس حبیبالله مجاهد وویل، د ا.ا له راتګ وروسته په دغه ولایت کې د غږیزو او چاپيزو رسنیو فعالیت غوړیدلی او د محلي رسنیو او ژورنالیستانو ډېری ستونزې هوارې شوي دي.
د فاریاب مرکز میمنې ښار اوسېدونکی نثاراحمد سلاموطندار ته وايي چې تېره ورځ یې د یوې ټرافیکي پېښې له امله د کورنۍ یوولس غړي مړه او څلور نور ټپیان شوې دي.
نثاراحمد وايي چې دغه پېښه د موټرچلوونکي د بېاحتیاطۍ له امله رامنځته شوې چې پرمهال یې د کورنۍ غړي مړه او ټپیان شوې دي.
پکتيا کې د جاپان د خلکو په مالي مرسته او د ماشومانو لپاره ملګروملتونو ملاتړې ادارې یا يونېسف په مشارکت روان ۱۴۰۳کال کې ۱۸ ښوونځيو ته د ودانيو د جوړېدو چارې پيل شوې. د پکتيا د والي مرستيال انعامالله صلاحالدين بيا يادو مراسمو کې وويل، د سرپرست حکومت ژمن دی چې د پوهنې برخې ستونزو ته رسېدنه وکړي.
د خوست ښاروالي مسوولان وايي چې د مرکز متون ښار شپږو ناحيو کې يې د ۳.۳ میلیونه ډالرو په ارزښت د ۲۸ پروژو چارې بشپړې کړې دي.
په بشپړو شویو پروژو کې د ۳۳ کيلومتره په اوږدوالي د فرعي سړکونو او کوڅو کانګريټ پهکې شامل دي.
د پکتیا یوشمېر اوسېدونکي وايي چې د دغه ولایت د اريوبځاځي ولسوالي د «سپينې شګې تفريحي» پارک کې سېلانیانو ته اسانتیاوې برابرې شي.
هرکال د بهرنیانو ترڅنګ زرګونه سيلانيان د هوا په ګرمېدو او د لوی اختر په رانږدېکېدو سره دې سیمې ته د خلکو ورتګ ډېر شوی دی.
دغه وزارت نن پنجشنبه، غبرګولي ۲۴مه پر خپله فېسبوکپاڼه لیکلي چې د دغه وزارت د احصایې او معلوماتو ریاست د شمېرو له مخې، سږکال به له کروندو څخه ۴.۹ میلیونه مټریک ټُنه حاصلات راټول شي چې د تېرکال په پرتله ۱۳سلنه ډېروالی ښيي. د یاد وزارت د معلوماتو له مخې، سږکال د تېرکال په پرتله هېواد کې پر شپږ سلنه ډېرې ځمکې غنم کرل شوې دي.
کابل کې د شهزاده سرای د پولي خدمتونو او د صرافانو ټولنې مسوولان وايي چې د لوی اختر په مناسب به سر له شنبې، د اتو ورځو لپاره «شهزاده سرای» تړلی وي.
د یادې ټولنې لهخوا په خپور شوي یوه مکتوب کې له خلکو غوښتنه شوې چې په یادو ورځو کې دې شهزاده سرای ته له ورتګ ډډه وکړي.
