د میدانوردګ د عامې روغتیا ریاست چارواکي وایي چې د جمال خان په نوم د یوې کورنۍ له لوري د دغه ولایت سیداباد ولسوالي په «اونخي درې» سیمه کې تخصصي روغتون ته د یونیم میلیون امریکایي ډالرو په ارزښت ودانۍ جوړه کړې.
د جمهوریت له پرځېدو او هېواد کې د وزګارتیا کچې پراخېدو وروسته، ګڼشمېر ځوانانو کوچنیو اقتصادي فعالیتونو ته مخه کړې او له دې لارې ښه ګټه وټه ترلاسه کوي.
په دې راپور کې له لسو نجونو او هلکانو سره خبرې شوې چې د تېرو نږدې درېوو کلونو پرمهال یې په بېلابېلو برخو کې کوچني کاروبارونه پیل کړې دي.
د ملګرو ملتونو سازمان ویاند سټیفان دوجاریک وايي چې دغه سازمان به د دوحې په درېیمه غونډه کې د افغانستان سرپرست حکومت په منظمه او همغږه توګه له نړۍ سره تعامل ته وهڅوي.
د قطر پلازمېنې په دوحه کې د افغانستان په تړاو درېیمه غونډه به د روانې چنګاښ میاشتې پر لسمه پیل شي.
A person drowned while swimming in Maidanvardag and died
د کابل ښار اوسېدونکی ملک سلاموطندار ته وايي چې د اختر شپو او ورځو کې د مېلمنو د کوربهتوب له امله د تازه او وچې مېوې او خوږو د پې لپاره ښار ته راغلی دی.
د ننګرهار د عامې روغتیا ریاست د عامه تغذیې مسوول ډاکتر میرویس عابد وايي چې دغه ولایت کې ۳۳سلنه ماشومان پر خوارځواکۍ اخته شوې دي.
نوموړي دغه څرګندونې د یونېسف ادارې په مالي او هدف موسسې په تخنیکي همکاري د یوشمېر رسنیو مسوولانو ته په جوړ شوي ورکشاپ کې کړې دي.
د افغانستان بانک مسوولان وايي چې سبا «سهشنبه، چنګاښ پنځمه» به «۱۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (دوشنبه، د چنګاښ څلورمه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا سهشنبه «۱۵» میلیونه امریکايي ډالر لیلام کړي.
بادغیس کې امنیتي مسوولان وايي چې دغه ولایت کې د ځنګلونو ساتنې امنیتي قطعې شپږ کسان د ارچه ونو د پرې کولو په تور نیولي دي.
د دغه ولایت پوهنې ریاست ویاند شاهپور عرب سلاموطندار ته وویل، دا پروژې د پوهنې وزارت سره په همغږۍ د ملګروملتونو د ماشومانو ملاتړ صندوق(UNICEF) له لوري پیل شوي چې په راتلونکو شپږو میاشتو کې به د ۱۱۵میلیونه افغانیو په مالي لګښت بشپړې او ګټېاخیستنې ته وسپارل شي.
نوموړي دغه راز زیاته کړه، د یادو پروژو له بشپړېدو سره به شاوخوا ۱۵ زره زده کوونکو ته د لیک لوست خوندي چاپیریال او اسانتیاوې رامنځته شي.
پکتيا کې د نښتر دوديزه کلنۍ مشاعره په لومړي ځل د اريوبځاځي ولسوالي د «سپينې شګې تفريحي سيمه» کې د ګڼو شاعرانو، ليکوالانو، حکومتي مسوولانو او عامو خلکو په ګډون جوړه شوه. نښتر مشاعره د تېرو کلونو پرمهال مرکز ګردېز ښار کې جوړېده چې سږکال د اریوبځاځیو د نښترو سيوري لاندې جوړه شوه. ځينو شاعرانو د نښتر ونې په ستاينه کې ځانګړي ليکل شوي شعرونه هم ولوستل.
د اطلاعاتو او کلتور وزارت مسوولان وايي چې د پکتيا د اريوبځاځي ولسوالي د سپينې شګې تفريحي سيمه کې د کتابونو او هنري تابلو ګانو نندارتون جوړ شوی چې یوه اوونۍ به دوام وکړي.
دغه نندارتون «پنجشنبه، غبرګولي ۳۱مه» جوړ شوی چې تر راتلونکې اوو ورځو به دوام ولري.
هلمند کې د بيبي تاریخي کلا چې د دغه ولایت سوېل خانشین ولسوالي کې موقعیت لري، د لهمنځه تلو ګواښ سره مخ ده.
تاریخپوهان وايي، دغه کلا شاوخوا ۱۰۰۰کاله تاریخ لري چې د حکومتونو د نهپاملرنې له امله اوس د لهمنځه تلو ګواښ سره مخ ده. د سیمي اوسېدونکي وايي، که حکومت دغه کلا ته پاملرنه ونهکړي، په یومخیز ډول به لهمنځه لاړه شي.
د لوګر اطلاعاتو او فرهنګ ریاست چارواکي وایي چې د محمدمنصور څاروان په نوم یوه افغان له جرمني څخه افغانستان ته په موټرسایکل راغلی دی.
د دغه ولایت د اطلاعاتو او کلتور ریاست رییس رفېعالله صمیم سلاموطندار ته وویل، محمدمنصور څاروان له اته کاله ځنډ وروسته له جرمني څخه افغانستان ته په موټرسایکل راغلی دی.
د جرمني یوې خیریه موسسې او د ایټالیا ساحلي ساتونکو ویلي، د دغه هېواد په سوېليسواحلو کې د دوو کښتیو د ډوبېدو پېښه کې لسګونه افغان، ایراني او کردي پناهغوښتونکو ته مرګژوبله اوښتې.
د بېپولې ډاکټرانو سازمان چارواکي وايي چې د افغانستان په بېلابېلو سیمو کې روغتیایي مرکزونه په دوامداره توګه ملاتړ نهلري.
د بېپولې ډاکترانو سازمان په یوې خپره کړې خبرپاڼه کې ویلي چې افغانستان کې د روغتیا له سکتوره د دوامداره ملاتړ نشتوالي روغتیايي مرکزونه له سختو ستونزو سره مخ کړي دي.
د بهرنیو چارو وزارت سرپرست امیرخان متقي وايي چې افغانستان خپلواک هېواد دی او په چارو کې یې لاسوهنه د هېڅ لوري په ګټه نهده.
د بهرنیو چارو وزارت ویاند عبدالقهار بلخي پر خپله ایکسپاڼه لیکلي چې متقي د ایران بهرنیو چارو وزیر سره ټلیفوني خبرو کې ویلي، افغانستان یو ازاد او خپلواک هیواد دی او په چارو کې یې لاسوهنه د هېڅ لوري په ګټه نهده.
