له ۲۱ ښځو سره د سلاموطندار د مرکو موندنې ښيي چې د افغان ښځو پر سپورټ لګيدلي محدودیتونه او د هغو لپاره د پارکونو او کلپونو تړل کېدو دغه ښځې پر اروايي ناروغیو اخته کړې دي. د ۲۱ ښځو له ډلې ۱۷ هغو ویلي چې پر اروايي او څلورو نورو بیا ویلي چې پر جسمي، لکه شکر، د ملا ډېسک او پښو درد باندې اخته شوې دي.
د بدخشان امنیتي مسوولان وايي چې د دغه ولایت په خواهان ولسوالي کې د ټرافیکي پېښې له کبله درې کسان مړه شوي او درې نور ټپیان دي.
افغانستان کې بشري مرستو په ځانګړې توګه خوړو، سرپناه او د څښاک پاکو اوبو ته د اړمنو کچې لوړېدو څخه د نړیوالو د اندېښنو پر دوام، افغانستان کې اړمنو سره د مرستو لپاره د ملګروملتونو وجهي صندوق تېره ورځ افغانانو سره د مرستو د یوه نوي پروګرام له تصویب خبر ورکړی.
جوړې شوې مشاعرې ته د لوګر اطلاعاتو او فرهنګ ریاست ریيس رفېعالله صمیم وویل، سږکال سنځل ګل دودیزه او عنعنوي مشاعره کې د اطلاعاتو او فرهنګ سرپرست په ګډون د یوشمېر وزارتونو مرستیالانو، والیانو او د پلازمېنې کابل په ګډون د شاوخوا لس ولایتونو شاعرانو، لیکوالانو او زرګونه مینهوالو ګډون کړی وو.
د خوست ښاروال قاري بسمالله بلال د يادو پروژو د ګټېاخيستنې مراسمو کې وویل چې دغه څلور پروژې چې په ښار کې پلې شوې، پهکې دوه نيم کيلومتره د ښار داخلي سړکونه او څه باندې پنځه کيلومتره په اساسي ډول د لښتيو جوړول شامل دي.
د لوګر پوهنې ریاست چارواکي وایي چې په مرکز پلعلم او ولسوالیو کې شاوخوا دوه نېم زره نالوستو کسانو ته یې د سواد زده کړې پروګرام پيل کړی ده.
د کانونو او پترولیم وزارت سرپرست شهابالدین دلاور نن پنجشنبه، چنګاښ اوومه، په یوې غونډه کې وویل چې سږکال د امو دریا نفتي حوزه کې ۲۰ نورې څاګانې کیندل کېږي. ده وویل، د دغو څاګانو په کیندلو شاوخوا ۳۵ میلیون ډالره لګښت راځي.
د کابل د پغمان ولسوالي د ارغندۍ سبسټېشن نیمګړې چارې نن پنجشنبه، چنګاښ اوومه په رسمي توګه پیل شوې چې پر جوړېدو به یې څه باندې اته میلیونه امریکايي ډالره لګښت راشي.
د ریاستالوزرا اقتصادي معاونیت نن پنجشنبه، پر خپله اېکسپاڼه لیکلي چې دغه سبسټېشن د بغلان الوان دښتې کابل ته د ترکمنستان برښنا لېږد لپاره جوړېږي.
د لوګر اطلاعاتو او فرهنګ ریاست رییس رفېعالله صمیم وايي، د دغه ولایت ټولې دولتي ادارې مسوولیت لري چې رسنیو او خبریالانو ته پر وخت معلومات ورکړي.
د لوګر اطلاعاتو او فرهنګ ریاست رییس دغه څرګندونې د افغان خبریالانو خوندیتوب کمېټې په همکارۍ د حکومت او رسنیو ترمنځ جوړ شوې غونډه کې کړې دي.
د پکتیا د احمدابا ولسوالي يوشمېر اوسېدونکي دغه ولسوالي کې د مچلغو بند د نيمګړو چارو د پيل غوښتنه کوي. دوی وويل، د اوبو دغه بند د کرنې د ودې لپاره خورا مهم دی او په بشپړېدو سره به يې ډېری ځمکې خړوبې شي.
له نشهيي توکو سره د مبارزې نړیوالې ورځې سره هممهاله، د افغانستان عامې روغتیا وزارت مسوولان وايي چې تېرو نږدې درېوو کلونو کې یې د هېواد په کچه د زرګونو روږدو کسانو درملنه کړې او دامهال هېواد کې پر نشهيي توکو د روږدو د درملنې لپاره ۶۱ مرکزونه فعاله دي.
کابل کې د ماشومانو روغتیا اندراګاندي روغتون ډاکټران وايي چې د وروستیو دوو میاشتو پرمهال دغه روغتون ته پر شري ناروغۍ د اخته ماشومانو شمېر دوه برابره شوی دی.
د افغانستان کرېکټ بورډ د کرېکټ لوبې له مینهوالو غوښتنه کړې چې سبا د افغانستان او سوېلي افریقا کرېکټ ملي لوبډلو ترمنځ د شل اووره سیالیو نړیوال جام نیمه پایلوبې د نندارې لپاره کابل کرېکټ لوبغالي ته ورشي.
کابل کې د یوه خیریه بنسټ لهخوا ۷۲ جوړو «نجونو او هلکانو» ته چې د واده د لګښت پرې کولو توان یې نهدرلود، د ډلهییز واده مراسم نیول شوي دي.
د یاد ډلهییز واده جوړونکي د ډلهییزو وادونو جوړول، د هغو کسانو لپاره یوه لویه مرسته ګڼي چې د واده لپاره د زیاتو پیسو ورکولو توان نهلري. د دوی په وینا، یادو ۷۲ جوړو ته یې دغه ډلهییز واده د یو میلیون افغانیو په لګښت برابر کړی دی.
اومېندواري د مېرمنو د ژوند حیاتي او مهم پړاو بلل کېږي چې ځانګړو مراقبتونو او پاملرنې ته اړتیا لري، څو د مور او جنین روغتیا او سلامتیا تامین شي. د اومېندوارۍ په موده کې د مېرمنو بدن ډېر بدلونونه تجربه کوي چې کولای شي، د مېرمنو د ژوند کیفیت او سلامتیا تر اغېزې لاندې راولي.
د افغانستان د خصوصي سکټور په پرمختیا کې د ننګونو په ګوته کولو او د سوداګرۍ د پرمختګ لپاره بازارونو ته د لاسرسي د غوره تګلارو ارزولو په موخه د خصوصي سکټور او مرستندویه ډونرانو یوهورځنۍ اقتصادي غونډه په کابل کې جوړه شوه.
د سوداګرۍ او صنایعو وزارت سرپرست نورالدین عزیزي په دې غونډه کې له نړیوالې ټولنې وغوښتل چې د بشري مرستو پر ځای، د افغانستان پر بنسټیزو زېرمو پانګونه وکړي.
