د افغانستان بانک واي، مرکزي زون کې یې څه باندې ۸۸۹میلیونه زړې افغانۍ سوځولې دي.
د افغانستان بانک پر خپله اېکسپاڼه لیکلي چې ۸۸۹میلیونه او ۹۲۰زره افغانۍ په مرکزي زون کې ټولې او سوځول شوې دي. په خبرپاڼه کې همداراز راغلي چې یادې زړې افغانۍ د عدلیې او مالیې وزارتونو د استازیو په شتون کې سوځول شوي.
د هلمند امنیتي مسوولان وايي چې د دغه ولایت بېلابېلو سیمو کې یې درې ډلې وسلهوال غله له وسلو او وسایطو سره یوځای نیولي دي.
سلاموطندار د هېواد په بېلابېلو ولایتونو کې ۳۰ ځوانانو سره د مرکو پرمهال موندلې چې بېلابېل خنډونه لامل شوي چې واده یې وځنډېږي. د جنسیت له پلوه د واده مخنیوي لاملونو په اړه د سلاموطندار موندنې توپیر لري، ۱۲ مرکه کوونکو له ډلې څخه دوه یې د غوراوي حق او لس یې د مالي توان نهدرلودل، هغه لاملونه بللي چې له کبله یې وادونه ځنډېدلې دي.
د پاکستان حکومت وايي چې دغه هېواد کې له مېشت افغان کډوالو سره د مرستو کمښت د خواشینۍ خبر ده او له ملګروملتونو د مرستې غوښتنه کوي. نوموړي دغه څرګندونې د روانې جولای میاشتې پر اتمه، د یاد هېواد پلازمېنه اسلاماباد کې د ملګروملتونو د کډوالو ادارې له مشر فیلیپو ګرانډي سره د لیدنې پرمهال کړې دي.
د لوګر د کلیو پراختیا او بیارغونې ریاست چارواکي وایي چې د دغه ولایت په مرکز پلعلم، برهکي برک او خروار ولسوالیو کې د یونېسف(UNICEF) له لوري د څښاک پاکو اوبو درې شبکې جوړې او ګټېاخیستنې ته وسپارل شوې.
د لوګر کرنې او مالدارۍ ریاست چارواکي وایي چې د دغه ولایت مرکز پلعلم کې د لبنیاتو راټولولو یوشمېر مرکزونو سره د وسایلو مرسته وشوه.
غزني کې یوشمېر بڼوال د خاکسترک ناروغۍ ډېروالي له امله اندېښمن دي او وايي، دې ناروغۍ یې د انګورو تاکونه اغېزمن کړي دي.
د غزني ښار نوغي کلي اوسېدونکی حیاتالله په خپل باغ کې د انګورو ۴۰۰ تاکونه لري. نوموړی هم د خاکسترک ناروغۍ «پوپنک ډوله ناروغي ده» له خپرېدو اندېښمن دی او وايي، دې ناروغۍ یې انګورو ته زیان رسولی دی.
په لغمان کې د کاوون غږ راډیو تر تړل کېدو وروسته د دغه ولایت د اطلاعاتو او فرهنګ ریاست مسوولان وایي چې د کاوون غږ راډیو د بیتالمال او د دولت ملکیت دی. د لغمان د اطلاعاتو او فرهنګ رییس مولوي عبدالنور رسولي وايي، دا راډیو په ۱۳۸۴ کال کې د امریکايانو د «پيارټي» له لوري د انټرنیوز په همکاري جوړه شوې چې په ۱۳۹۵ کال کې د اطلاعاتو او کلتور وزارت له لوري درېکلن جواز ورکړل شوی و..
د ميدانوردګ د اطلاعاتو او فرهنګ رياست له لوري د دغه ولايت نرخ ولسوالي په «صدمردې» سیمه کې د مڼېګل دوديزه او کلني مشاعره جوړه شوه.
جوړې شوې مشاعرې ته د ميدانوردګ د اطلاعاتو او فرهنګ رياست رییس حبیبالله مجاهد وويل، په دغه مشاعره کې د هېواد د بېلابېلو ولايتونو سلګونه شاعرانو او ليکوالانو ګډون کړی.
د کارتهنو اوسېدونکې ثانیه وايي، دې سیمه کې د کوڅهډبو سپیانو له امله خلک تر پوزې رسېدلې دي. «کوڅهډب سپي بېخي زیات دي او غپلو او غږونو له امله یې، په تنګ راغلي یوو؛ کله چې موږ له کوره بهر ځو، نو ډارېږوو چې موږ ته زیان ونهرسوي.» د کابل اوومې ناحیې اوسېدونکی فهم وايي، سیمه کې یې د کوڅهډبو سپیو له امله ناروغۍ خپرې شوي.
د افغانستان د ټرانسپورت او هوايي چلند وزارت د هواپېژندنې ریاست د نن په ګډون راتلونکو درېوو ورځو کې په بدخشان، ننګرهار، نورستان، کونړ، لغمان،. پکتیا، خوست، پکتیکا، غزني او لوګر ولایتونو کې د اورښتونو او له امله یې د سېلابونو راوتلو اټل کړی دی.
د پوهنې وزارت سرپرست حبيبالله اغا وايي چې دغه وزارت په هېواد کې د عصري او ديني زدهکړو د کيفيت ښهوالي لپاره هڅی کوي.
نوموړي یادې څرګندونې نن پنجشنبه، چنګاښ ۱۴مه پکتيکا کې د ۱۷ ښوونځيو لپاره د ودانيو جوړولو چارو پيل په پار په جوړه شوې غونډه کې کړې دي.
د شانګهای همکاریو سازمان د غړیو هېوادونو مشرانو ناسته نن پنجشنبه، چنګاښ ۱۴مه، د قزاقستان پلازمېنې استانه کې پیل شوه.
د سولې او دايمي پرمختګ پياوړتيا، عادلانه نړيوال نظم، له ترهګرۍ او نشهيي توکو سره د مبارزې په برخو کې همکاري، د انرژۍ په برخه کې د شانګهای د همکارۍ سازمان د غړو هېوادونو ترمنځ د همکارۍ پياوړتيا په دې غونډه کې تر بحث لاندې مهم موضوعات دي.
غزني کې د پوهنې ریاست چارواکي وايي چې د یاد ولایت په دوو ولسوالیو کې په ۵۳ میلیونه افغانۍ پنځو ښوونځیو ته ودانۍ جوړېږي
ټاکل شوې چې یاد ښوونځي د دغه ولایت په ګیرو او اندړ ولسوالیو کې جوړ شي چې د جوړېدو ټول لګښت یې د جاپان لهخوا ورکول کېږي. هر یوه ښوونځي کې به شپږ درسي خونې، تشنابونه، د اوبو رسونې سېسټم او پر برښنا سمبال وي چې په اساسي توګه به ورغول شي.
د صنعت او سوداګرۍ وزارت سرپرست نورالدین عزیزي وايي چې اوزبکستاني پانګوال دې په ډاډ افغاستان کې پانګونه وکړي.
د نوموړي په وینا، سرپرست حکومت له خصوصي سکتور څخه ملاتړ ته ژمن دی. هغه له اوزبکستاني پانګوالو وغوښتل چې افغانستان کې د کانونو، صنعت، کرنې، انرژۍ، خدماتو او د خصوصي سکتور نورو برخو کې پانګونه وکړي.
د سرپرست حکومت ویاند ذبېحالله مجاهد نن چهارشنبه، چنګاښ ۱۳مه له قطر بېرته هېواد ته راستون شو او کابل کې یې د یوې خبري غونډې پرمهال د دوحې درېیمې ناستې جزییات له رسنیو سره شریک کړل. سرپرست حکومت ټينګار کوي چې د نجونو زدهکړه کورنۍ مسله ده او له همدې کبله یې ونهغوښتل چې د دوحې ناسته کې پرې بحث وکړي.
