لوګر کې د «کلتوري خوځښت» په نوم مشاعره جوړه شوه

 د لوګر  اطلاعاتو او فرهنګ ریاست له لوري د لومړي ځل لپاره د دغه ولایت په لرې پرتې ازرې ولسوالي کې د «کلتوري خوځښت» په نوم مشاعره جوړه شوه.

په جوړې شوې مشاعره کې د لوګر اطلاعاتو او فرهنګ ریاست ریيس په ګډون د ملکي او نظامي ادارو مسوولانو، ګڼو شاعرانو، لیکوالانو او د شعر مینوالو ګډون کړی وو.

د احصایې او معلوماتو ملي اداره: تېرکال د هېواد ناخالص تولید ۱۷.۲۳ میلیارډ ډالر و

د احصایې او معلوماتو ملي ادارې مسوولان وايي، تېرکال د هېواد ناخالص تولید ۱۷.۲۳ میلیارډه ډالر و.

د یادې ادارې د موندنو پر بنسټ، دې شمېرو ته په کتو، د مخکیني کال په پرتله ۲.۷ سلنه زیاتوالی ښيي.
یادې څرګندونې د دغې ادارې مسوولانو نن چهارشنبه، زمري ۱۷مه کابل کې د «امارتي ادارو د یو کلنو لاسته‌راوړنو د تشرېح پروګرام» کې کړې دي.

کابل کې د لاسي‌توکو پلورونکې: بې‌وزلي پر سړک د توکو پلور ته اړ کړي یوو

کابل کې د سړکونو پر غاړه د لاسي توکو پلورونکې وايي چې د بې‌وزلي له امله هره ورځ له سهار تر ماښامه د یوې مړۍ ډوډۍ پیداکولو لپاره خپله ټوله ورځ پر سړکونو تېروي.

دوی سلام‌وطندار ته وايي چې ستونزې یې ډېرې او ژوند یې له کړاوونو ډک دی. یادې مېرمنې زیاتوي چې مجبوریت او تنګسیې اړ کړې چې یوې مړۍ ډوډۍ پسې له کوره بهر راووځي.

د افغانستان بانک څه باندې ۵۵۹ میلیونه زړې افغانۍ وسوځولې

د افغانستان بانک مسوولان وايي چې هرات ولایت کې یې، څه باندې پنځه میلیونه زاړه افغاني بانک‌نوټونه چې د چلښت وړ نه‌وو، سوځولې دي.

دغه بانک نن دوشنبه، د زمري ۱۵مه پر خپله اېکس‎‌پاڼه لیکلي چې د هېواد په لوېدیځ زون هرات کې پنځه سوه نهه پنځوس میلیونه او ۱۴۱زره، زړې افغانۍ سوځولې دي.

زابل کې د سېلابونو له امله لس کسان مړه شوي

د زابل محلي مسوولان وايي چې دغه ولایت کې بېګاه شپه د شویو اورښتونو له امله سېلابونه راوتلي چې پرمهال یې، لس کسان مړه او یو بل ټپي شوی دی.

سېلابونه د دغه ولایت په مرکز او یوشمېر ولسوالیو کې راوتلي دي. د مسوولانو  په وینا، دغه کسان د شینګۍ ولسوالي اړوند سیمو کې مړه او ټپیان شوې دي.

پنجشېر کې څاروي‌لرونکي: د لبنیاتو پلور لپاره دې راته بازار جوړ شي

پنجشېر یو‌شمېر څاروي‌لرونکي وايي چې د لبنیاتو پلور لپاره بازار نه‌‌لري او دې چارې له خپل کاروبار ستړي کړې دي.

د پنجشېر د درې ولسوالي اوسېدونکی خال‌‌مراد ابراهیمي وايي، د لبنیاتو پلور له امله یې، عواید کم دي او نه‌شي کولی چې د خپلې کورنۍ اړتیاوې پرې برابرې کړي.

پکتيا کې سږکال د غنمو حاصلات ۱۹ سلنه زيات شوي

د پکتيا د کرنې، اوبولګولو او مالداری رياست مسوولان وايي چې سږکال په دې ولايت کې د غنمو په حاصلاتو کې زیاتوالی راغلی دی.

د مسوولانو په وینا، سږکال دغه ولایت کې ۲۷زره او پنځه سوه هکتاره للمي او ابي‌ځمکه باندې غنم کرل شوي وو چې تېرکال ته په پرتله ۱۹سلنه زياتوالی ښيي. د هغه په وينا، روان کال د موسسو په مرسته په ډېری سيمو کې اصلاح شوي تخمونه وېشل شوي چې ښه پایله یې ورکړې.

مطالعې ته د لېوالتیا کمښت؛ یو‌شمېر ځوانان: کتاب‌لوستلو ته انګېزه نه‌لرو

سلام‌وطندار د ځوانانو ترمنځ د مطالعې کچې ارزونې او مطالعې ته د انګیزې کمښت لاملونو موندلو په موخه له ۶۸ زده‌کوونکو او زده‌کړیالانو سره مرکې کړي چې پرمهال یې، موندل شوې، ډېری دغه ځوانان مطالعې سره لېوالتیا نه‌لري. د تخار اوسېدونکی حسیب‌الله چې زده‌کړیال دی، وايي، د پخوا په پرتله یې، مطالعې ته انګېزه کمه شوې او اوس ډېره کمه مطالعه کوي.

د دشت‌قلعه اوسېدونکي د ای‌خانم چینې له خرابېدو اندېښمن دي

د تخار د «دشت‌قلعه» ولسوالي یوشمېر اوسېدونکي د «ای‌خانم» چینې ویجاړېدو څخه اندېښنه ښيي او له اړوند مسوولانو او ادارو غواړي چې دغه چینه او شاوخوا دیوالونه یې، بېرته ورغوي.

د دشت‌قلعه ولسوالي اوسېدونکي اسدالله سلام‌‌وطندار ته وویل چې سرپرست حکومت باید دې چینې ته ځانګړې پاملرنه وکړي.

د تورخم دروازه د باروړونکو موټرو پرمخ تړل شوې

د افغانستان او پاکستان ترمنځ د تورخم لاره یو ځل بیا د باروړونکو موټر پرمخ تړل شوې چې له امله یې، دواړو لوریو ته سلګونه موټر ایسار دي.

پاکستاني او د افغانستان سرپرست حکومت چارواکي وايي، د باروړونکو موټروچلوونکو د اړینو اسنادو د نه‌لرلو له امله له کرښې د اوښتو اجازه نه ده ورکړل شوې. له دې وړاندې هم د تورخم دروازه په وار وار تړل شوې چې د دواړو لوریو ترمنځ د خبرو او ځینې وخت د هوکړو له مخې، بېرته پرانېستل شوې ده.

بامیان کې ټرافیکي پېښې پرمهال پنځه کسان مړه شوي

د بامیان محلي مسوولان وايي چې دغه ولایت کې د یوې ټرافیکي پېښې پرمهال پنځه کسانو خپل ژوند له لاسه ورکړی او دوه نور ټپیان شوې دي.

پېښه نن جمعه، زمري ۱۲مه له غرمې مخکې د یاد ولایت د شبیر ولسوالي په پای‌موري سیمه کې رامنځته شوې. پېښه کې یوه کرولا ډوله موټر له یوه باروړونکي موټر سره ټکر کړی دی. په مړو شویو کې دوه مېرمنې هم شاملې دي.

د هوا ګرمښت؛ د انتاني روغتون ډاکټران: د ورځې ۳۰۰ ناروغان مراجعه کوي

د کابل د انتاني روغتون ډاکټران وايي، د وروستیو ورځو پرمهال د ګرمۍ په ډېرېدو سره پر بېلابېلو ناروغیو د اخته‌کېدو ناروغانو شمېر لوړ شوی دی.

کابل کې ډېری د اسهالاتو، محرقې، تبې، ټوخي او د زېړي ناروغان، روغتونونو او د درملنې مرکزونو ته مراجعه کوي.

کندهار کې له ۴۵ کلونو وروسته دوه تولیدي کارخونې فعاله شوې

کندهار کې چارواکي وايي چې دغه ولایت کې له ۴۵ کلن ځنډ وروسته، د رخت او وړینو توکو دوه تولیدي کارخونې بیافعالې شوې دي.

دغه ولایت کې د رخت اوبدلو فابريکې ریيس محمد‌سليم صابر سلام‌وطندار ته وویل، دغه کارخونه کې دامهال شاوخوا ۳۰۰۰ ماشينونه موجود دي، خو یوازې ۴۰۰ یې، فعاله دي.