د هېواد په شمال کې د روان کال د لړم میاشتې د ۱۲مې نېټې د مرګونې زلزلې له امله، سمنګان کې د یوشمېر خبریالانو او رسنیزو کارکوونکو هستوګنیز کورونه هم ویجاړ شوي دي.
سمنګان کې یوشمېر هغه خبریالان چې تل یې په سختو شرایطو کې د خلکو لپاره اطلاع رسونه کړې، اوس د وراوښتو زیانونو له امله له جدي ستونزو سره مخ دي.
د اسلامي امارت ویاند ذبیحالله مجاهد د بشري حقونو نړیوالې ورځې په مناسبت ویلي، د افغانستان حکومت د اسلامي شریعت په رڼا کې د بشري حقونو رعایت کولو ته ژمن دی.
هغه وویل، اسلامي امارت د افغانانو حقوق رعایت کوي او د هغو بشري حقونو رعایت کولو ته ژمن دی چې اسلامي شریعت منلي.
د ډیسمبر ۹مه له فساد سره د مبارزې له نړیوالې ورځې سره هممهاله، د اسلامي امارت مسوولان وايي، د فساد پر وړاندې په اغېزناکه او جدي اقدامونو سره یې، ادارو کې فساد ټيټې کچې ته رسولی دی.
د اسلامي امارت د ویاند مرستیال حمدالله فطرت وویل، تراوسه یې ګڼشمېر هغه کسان چې فساد او د ځمکو غصب کې لاس درلود، نیولي او قضايي ارګانونو ته یې معرفي کړي دي.
دې وروستیو ورځو کې د فیروزکوه ښار د خوراکي توکو پلورنځي د پخوا په څېر ګڼه ګوڼه نهلري. پخوا به له سهاره تر مازدیګره فیروزکوه ښار د خلکو تګراتګ زیاد وو، خو دې وروستیو اوونیو کې د لومړینو توکو د بیو په لوړیدو سره، د خلکو تګراتګ کمرنګه شوی دی.
د کډوالو ستونزو د حل کمېسیون اعلان کړی چې ایران او پاکستان په یوه ورځ کې ۱،۵۷۹ افغانان بېرته افغانستان ته راستانه کړي دي.
د اسلامي امارت د ویاند مرستیال، حمدالله فطرت نن سهشنبه، د لیندۍ ۱۸مه / د دسمبر ۹مه پر خپله اېکسپاڼه لیکلي چې دغه کسان تېره ورځ افغانستان ته ستانه شوي دي.
یاد سازمان نن (سهشنبه، لیندۍ ۱۸مه/ د دسمبر ۹مه) پر اېکسپاڼه لیکلي، کله چې کروندګرو ته مناسبه مرسته ورسېږي، دوی د خوړو د تولید او عاید ترلاسه کولو توان لري او حتا د سختو شرایطو او پرلهپسې اقتصادي او طبيعي ټکانونو وروسته هم کولای شي خپلې کورنۍ خوندي وساتي.
د لوګر امنیې قومنداني مسوولان وايي چې له دغه ولایت څځه ۳۳روږدي کسان راټول او وروسته پلازمېنې کابل ته د درملنې لپاره لېږدول شوي دي.
د پکتيا محبس رياست مسوولان وايي چې نن سهشنبه ۴۰ زندانيان له درې مياشتنيو حرفوي او کمپيوټي زدهکړو څخه د فراغت سندونه ترلاسه کړل.
د پکتيا محبس رییس مولوي عبدالغني عادل وايي چې په زندان کې ټولو زندانيانو ته ديني او سواد زدهکړو زمينه برابره شوې، خو شاوخوا ۲۵۰ کسان يې بيا په حرفوي او نورې کمپيوټري زدهکړې هم ترسره کوي.
له ایران څخه سمنګان ته راستنې شوې کورنۍ چې تازه یې، د کډوالۍ له ستړیاوو دمه کوله، زلزلې یې، کورونه ویجاړ او د ژوند چارې یې ستونزمنې کړې دي.
شازیه چې د خپل خاوند له مړینې وروسته له ایران اخراج او سمنګان کې ژوند کوي، وايي چې د خپلې کورنۍ سرپرسته ده او د خپلو څلور اولادونو د ژوند د لګښتونو مسوولیت ور تر غاړې دی.
د لړم دولسمه د دوشنبې ورځ د سمنګان د خُلم ولسوالي اوسېدونکي نوراحمد ته د ده د مېوې خرڅلاوو ځای کې د نورو ورځو په څېر پیل شوه. هغه د کابل-مزارشریف ښار پر لویه لاره تازه مېوه خرڅوي، خو د دې ورځې پیل کې یوې زورورې زلزلې د هغه ژوند ته ټکان ورکړ.
د اسلامي امارت د کانونو او پټرولیم وزارت اعلان کړی چې په قشقري سیمه کې د امودریا له نفتې حوزې څخه ۱۸زره ټُنه خام نفت
د پکتيا د طبيعي پېښو پر وړاندې مبارزې رياست مسوولان وايي چې نن دوشنبه په زرمت او روحاني بابا ولسواليو کې يې تازه راستنو شويو ۸۱۶ کورنيو سره د خوراکي او غېرخوراکي توکو مرسته کړې ده.
د روزګان دولتي مسوولان وايي چې د کډوالو لپاره په ترينکوټ ښار کې پر ۱۸۰۰ جريبه ځمکه ټاکل شوي ښارګوټي کې ګڼې پروژې پيل شوې دي.
د کور او ښار جوړولو رياست رییس ملا روحالله ابواحمد وايي، په ياد ښارګوټي کې به د اړتيا وړ بنسټيزې اسانتياوې رامنځته شي.
کابل کې یوشمېر روغتیاپالان وايي چې د هوا په سړېدو سره پلازمېنه کې پر سینهبغل ناروغۍ د اخته ماشومانو شمېر لوړ شوی دی.
د ماشوم روغتیا روغتون مسوولان وايي، یاد روغتون ته ډېری داسې کورنۍ ورځي چې ماشومان یې پر سینهبغل او تنفسي ناروغیو اخته شوي وي.
د شپې ناوخته چې ګړۍ یوې بجې ته نږدې وه، د میرویس کلی زورورو ټکانونو ولړزاوه او د یاد کلي اوسېدونکي یې، له خوبه راویښ کړل. میرویس هم د نورو کلیوالو په څېر له خوبه پاڅېد، خو وړاندې له دې چې له کوټې ووځي، زلزلې چت پرې راوغورځاوه او دی ترې لاندې شو.
افغانستان لپاره د ملګروملتونو سیاسي استازولي (یوناما) اعلان کړی چې د ملګروملتونو امنیت شورا به په روانه اوونۍ کې د افغانستان د وضعیت په اړه ځانګړې غونډه جوړه کړي.
یوناما نن یکشنبه، د لیندۍ ۱۶مه (دسمبر ۷مه) په یوې خبرپاڼه کې ویلي چې دغه غونډه به د روانې اوونۍ د چهارشنبې پر ورځ جوړه شي او د کابل پر وخت به ماښام ۷:۳۰ بجې پیل شي.
