خوست کې د غلامخان بندر د کمېساري مسوولان سلاموطندار ته وايي چې د پاکستاني او افغان ځواکونو ترمنځ د شوې جګړې له امله دغه لار له تېرو دوو ورځو راهیسې تړلې.
د غلامخان بندر کمېسار مولوي بهاييجان بلال «شنبه، وږي ۳۱مه» سلاموطندار ته وویل چې لاره د وړمې شپې جګړې له کبله تړل شوې.
سلاموطندار هېواد کې د ځوانانو ترمنځ د «عمرخوړلو کسانو» اړوند ناروغیو ډېرېدو په اړه له ۲۹ ځوانانو او پنځو ډاکټرانو سره مرکې کړې دي.
دغه ۲۹ ځوانان پر هغو ناروغیو اخته دي چې د عمر لوړې کچې یا هم د زړښت پرمهال انسان ته پیدا کېږي. ۳۲کلنه سهیلا او ۲۱کلن حسین جعفري دواړه اضافه وزن او د وینې غوړ ناروغي لري.
د کانونو او پټرولیم وزارت مسوولان وايي چې دامهال هېواد کې له ۱۸۰ کوچنیو او لویو کانونو څخه د استخراج چارې روانې دي.
د یاد وزارت مسوولانو نن شنبه، وږي ۳۱مه کابل کې د خپلو یو کلنو لاستهراوړنو د تشرېح پروګرام کې کړې دي.
د لوګر کرنې، اوبولګولو او مالدارۍ ریاست له لوري په مرکز پلعلم کې د لومړي ځل لپاره د کروندې ورځ ولمانځل شوه.
جوړې شوې غونډه کې د لوګر د کرنې او مالدارۍ ریاست مسوولانو سربېره ګڼشمېر کروندګر ګډون کړی وو.
ټاکل شوې د روانې اوونۍ د سهشنبې پر ورځ د امریکا نیویارک ښار کې د ملګروملتونو سازمان ۷۹مه کلنۍ غونډه جوړه شي.
غزې او اوکراین کې د روانو جګړو په څېر د سترو نړیوالو ننګونو ترڅنګ به، د افغانستان مسله هم د ملګروملتونو سازمان د غړو هېوادونو د کلنۍ غونډې د بحث وړ موضوع واوسي.
د زابل مرکز کلات ښار یوشمېر اوسېدونکي دغه ښار کې د ککړتیا او ناپاکۍ له امله شکایت کوي.
د کلات اوسېدونکی اخترګل له ښاروالي غوښتنه کوي چې د ښار پاکوالي ته جدي پاملرنه وکړي. د ده په وینا، اوس د ښار ډېری واټونه او واړه کانالونه د کثافاتو ډک دي او خلک له ګڼو روغتیايي ستونزو سره مخ دي.
د کورنيو چارو وزارت سرپرست سراجالدین حقاني وايي چې افغانستان کې امن ټينګ شوی او دا امن پر افغانانو د چا نه لورېږي.
نوموړي دغه څرګندونې د پکتیا سیدکرم ولسوالي کې یوې ولسي غونډې ته د وینا پرمهال کړې دي. هغه د سيدکرم ولسوالي اوسېدونکو ته ژمنه ورکړه چې يادې ولسوالي ته برښنا ورکړه او ځینې نورې پروژې به په نږدې ورځو کې پیل شي.
د بهرنیو چارو وزارت چارواکي وايي چې د سرپرست حکومت د اغېزناکه ډیپلوماسۍ په رڼا کې د بندیزونو د لرېکولو او له تورنوملړ څخه د یوشمېر افغان چارواکو د نومونو اېستلو برخه کې د پام وړ پرمختګ شوی دی. د یاد وزارت مسوولان دغه څرګندونې نن پنجشنبه، وږي ۲۹مه کابل کې د خپلو یو کلونو لاستهراوړنو د تشرېح پروګرام کې کړې دي.
د پکتیکا محلي مسوولان وايي چې دغه ولایت کې د شاوخوا اووه میلیونه افغانۍ د دوو چکډېمونو چارې بشپړې شوې دي.
د پکتيکا ولايت مقام څخه نن پنجشنبه په خپره شوې خبرپاڼه کې ويل شوي چې د خوشامند ولسوالۍ لوی زموک چکډېم او د وړممی ډمزکي چکډېم د شاوخوا ۷ ميليونه افغانيو په لګښت جوړ او ګټېاخيستنې ته سپارل شوې دي.
د لبنان هېواد د روغتیا وزارت مسوولان وايي چې دغه هېواد کې د مخابراتي وسایلو په چاودنو کې لږ تر لږه ۲۰ کسان وژل شوي او ۴۵۰ نور ټپیان دي.
د راپورونو له مخې، پرون چهارشنبه، سپټمبر ۱۸مې راهیسې لبنان کې تر ډېره د حزبالله د غړیو په مخابراتي وسیلو کې چاودنې شوې دي.
د منځنۍ اسیا د یوشمېر هېوادونو او جرمني چارواکو په قزاقستان کې د یوې غونډې پرمهال د څو اړخیزو همکاریو د پیاوړتیا پر لارو چارو خبرې کړې دي.
یاده غونډه چې پرون سهشنبه، وږي ۲۷مه جوړه شوې وه، په خبرپاڼه کې یې، له افغانستان سره د بشري مرستو پر دوام ټينګار شوى دی.
د روزګان محلي مسوولان وايي چې دغه ولایت کې یوې مېرمنې خپل ورور د توپانچې په وسیله وژلی دی.
پېښه تېره ورځ د یاد ولایت د دهراود ولسوالي بازار سیمه کې رامنځته شوې او لامل یې هم، د ښځې لهخوا له خپل ورور د خاوند غچ اخیستل بلل شوي دي.
پکتیکا کې د لومړي ځل لپاره په ۶.۵ میلیونه افغانۍ د یوه معیاري مسلخ د جوړېدو چارې پیل شوې.
د پکتيکا ولايت مقام څخه نن « چهارشنبه، وږي ۲۸مه» سلاموطندار ته په رالېږل شوې خبرپاڼه کې ويل شوي چې دغه مسلخ د ښرنې ښاروالي ریاست په مالي لګښت جوړېږي.
بلخ کې چارواکي وايي چې له دغه ولایت څخه د لومړي ځل لپاره د فومېکېشن له لګښت پرته اوزبیکستان ته ۲۵۰ ټُنه کچالو صادر شوي دي.
د بلخ ولایت مقام د رسنیو دفتر څخه په خپره شوې خبرپاڼه کې راغلي چې ۲۵۰ ټُنه کچالو په لسو باروړونکو موټرو کې پرون سهشنبه، وږي ۲۷مه د حیرتان بندر له لارې اوزبیکستان ته لېږدول شوې دي.
۴۵کلنه رونا چې د تقاعد پر پیسو به یې، د کور کرایه او د خپلو اولادونو اړتیاوې برابرولې، اوس اړ ده چې د نورو په کورونو کې د جامو وېنځو له لارې د ژوند اړتیاوې پوره کړي.
رونا د خپلې کورنۍ سرپرسته ده او خاوند مړ شوی دی. دې شاوخوا لس کاله په ښوونځیو کې د ښوونکې په توګه دنده کړې او پنځه کاله وړاندې تقاعد شوې.
د کورنيو چارو وزارت لومړی مرستيال محمد نبي عمري وايي چې سرپرست حکومت د ولس نېکو او ښو مشورو ته اړتيا لري.
نوموړي دغه څرګندونې نن سهشنبه، وږي ۲۷مه، خوست ولایت کې د پخواني جهادي قومندان جلالالدين حقاني په ياد جوړې شوې غونډې کې د وینا پرمهال کړې دي.
