بدخشان کې د تېرکال په پرتله سږکال د للمي غنمو او وربشو حاصلات د پام وړ کم شوي دي. د یادو حاصلاتو کمښت د اصلاح شویو تخمونو کموالی او ټیټ کیفیت یاد شوی دی.
د دغه ولایت یوه کروندګر وجههالدین سلاموطندار ته وايي، کروندګر د اړوند ادارو ملاتړ او پاملرنې ته اړتیا لري او شته ستونزې یې، باید هوارې شي.
د میدانوردګ د ښاروالي له لوري په مرکز میدانښار کې د تازه مېوې د راکړې ورکړې لپاره لوي سوداګریز مارکېټ پرانېستل شوی دی.
د یاد مارکېټ پرانېستې مراسمو ته د دغه ولایت مرستیال والي مولوي سیدالرحمن حافظ وویل، د میدانوردګ اوسېدونکو په ځانګړې توګه د بڼوالو لپاره دا یوه لویه لاستهراوړنه ده.
د لوګر یوشمېر فرهنګپال سلاموطندار ته وايي چې د پخوا په پرتله دغه ولایت کې د انځورګرۍ او خطاطي هنر کمرنګه شوی دی.
د دوی په وینا، د خطاطي او انځورګرۍ هنر ته د ځوانانو او فرهنګپالو نه پاملرنه، د باتجربه او مسلکي ښوونکو نشتون او د چاپي خدمتونو د مرکزونو زیاتوالی، د دغه هنر د پیکهکېدو مهم لاملونه بولي. د اطلاعاتو او فرهنګ ریاست هرکال د خطاطۍ او انځورګرۍ نندارتونونه او ورکشاپونه جوړوي.
هېواد کې یوشمېر کروندګر وايي، که د سرپرست حکومت له لوري ورته د بدیل کښت زمینه برابره نهشي، اړ دي چې د اقتصادي ستونزو له امله بېرته د کوکنارو کښت ته مخه کړي.
دغه کروندګر چې په تېر یوه کال کې یې د کوکنارو د کرلو پر ځای نورو کښتونو ته مخه کړې، شکایت لري چې د نشهيي توکو بدیل کښت ته لاسرسی نهلري.
د کندهار د کرنې، اوبولګولو او مالدارۍ ریاست مسوولان وايي چې دغه ولایت کې پر ۱۴۹۰ بڼوالو د حاصلاتو د راټولولو اړوند اړین توکي وېشل شوې دي.
د مرستو دغه لړۍ چې څه موده مخکې پیل شوې وه، د یاد ولایت پنجوايي او زېړۍ ولسوالیو کې پر ۳۰۹ بڼوالو د مرستو وېش سره، د مرستو ترلاسهکوونکو شمېر ۱۴۹۰ ته رسېدلی دی.
د لوګر کرنې، اوبولګولو او مالدارۍ ریاست مسوولان وایي چې د ملګروملتونو د خوړو او کرنې نړیوال سازمان (FAO) له لوري په مرکز پلعلم او درې ولسوالیو کې د ۱۹ میلیونه افغانیو په ارزښت د کرنې اړوند ۱۲ رغنیزو پروژو چارې پیل شوې.
د وروستیو ورځو پرمهال په پاکستان کې د امنیتي پېښو ترڅنګ د یوشمېر سیاسي او قومونو ګوندونو اعتراضونو زور اخیستی دی.
د امنیتي پېښو په لړ کې بېګاه شپه د دغه هېواد د کراچۍ ښار هوايي ډګر ته نږدې، پر چینايي وګړو برید شوی چې له امله یې، دوه چینايان وژل شوي او لس نور کسان ټپیان دي.
د پکتیکا محلي چارواکي وايي چې دغه ولایت کې پر ۳۰زره بزګرانو د اصلاح شوي تخم او کیمیاوي سرې د وېش لړۍ پیل شوه.
د پکتيکا ولايت مقام څخه سلاموطندار ته په لېږل شوې خبرپاڼه کې ويل شوي چې د مرکز ښرنې په ګډون په ټولو ولسواليو کې پر ۳۰زره بزګرانو د غنمو اصلاح شوی تخم او کيمياوي سره وېشلو لړۍ پيل شوې.
پکتیا کې د ګردېز ښاروالي مسوولان وايي چې دغه ولایت کې د ۴۰زره امریکايي ډالرو په لګښت د سړکونو د جوړېدو چارې پیل شوې.
د ګردېز ښاروالي د مسوولانو په وینا، د ملګروملتونو پراختيايي ادارې(UNDP) په مالي لګښت د پکتيا په مرکز ګردېز کې د لوړ پوړيزو ودانيو ترمنځ د کوچنيو سړکونو د کانګريټي جوړيدو چارې پيل شوې دي.
د امام ابوحنیفه درېیم نړیوال نندارتون د سوداګرو، کورنیو پانګوالو او د سیمې هېوادونو د استازیو په ګډون نن یکشنبه، تلې ۱۵مه، کابل کې پرانیستل شو چې شپږ ورځې به روان وي.
د امامابوحنیفه درېیم نړیوال نندارتون یوشمېر ګډونوال خپلو محصولاتو ته د بازارموندنې لپاره د دغه ډول نندارتونو ترسره کول ګټور بولي.
په لوګر کې د دولتي ځمکو د غصب مخنیوي کمېسیون مسوولان وایي، د دغه ولایت مرکز پلعلم ښار اړوند په «وزیرکلا» سیمه کې شاوخوا ۱۶۰۰ جریبه ځمکه له غصب را ګرځول شوې.
کاپیسا ولایت کې له لوړو زدهکړو پاتې یوشمېر نجونې زدهکړیالانې وايي، د پوهنتونونو له تړل کېدو وروسته یې، د وزګارتیا له امله کرنې او لاسي صنایعو ته مخه کړې.
د کاپیسا ولایت د مرکز «محمودراقي» اوسېدونکې رویا وايي چې د پوهنتونونو له تړلکېدو وروسته یې، خیاطي ته مخه کړې.
د میدانوردګ د کرنې او مالدارۍ ریاست مسوولان وایي چې د ملګروملتونو د خوړو او کرنې نړیوال سازمان (FAO) له لوري د مرکز میدانښار په ګډون په نهو ولسوالیو کې پر شپاړس نېم زره بزګرانو د غنمو اصلاح شوی تخم او کیمیاوي سره وېشل شوې.
سلاموطندار له ځیرکو ټیلیفونونو د استفادې په پار له ۲۷ نجونو او هلکانو سره مرکې کړې چې د یادو مرکو پایلې ښيي، ډېری دغه ځوانان له ځیرکو موبایلونو د زدهکړو، انلاین پېر، د اطلاعاتو کچې لوړېدو او تفرېح لپاره کاروي. سونم وویل: «له برښنالیک استفاده کوم؛ برښنالیک راته بل چا جوړ کړی دی.»
د پکتيکا ولايت مقام څخه سلاموطندار ته په رالېږل شوې خبرپاڼه کې ویل شوي چې د دغه ولایت د محلي رسنیو ترمنځ د کرېکټ سیالي پیل شوې.
د خبرپاڼې له مخې، دغه سیالي د اطلاعاتو او فرهنګ رياست اړوند ځوانانو چارو امريت له لوري او د کرېکټ امریت په همغږي پیل شوې دي.
د اسلامي امارت د بهرنيو چارو وزارت سرپرست اميرخان متقي د مسکو فارمټ شپږمې ناستې په څنډه کې د روسيې بهرنيو چارو وزير سرگي لاوروف سره لیدلي.
د بهرنیو چارو وزارت د ویاند مرستیال ضیا احمد تکل ویلي، دې ناسته کې دواړو لوريو د افغانستان او روسيې پر دوه اړخيزو سياسي او اقتصادي اړيکو او سيمهييزو چارو خبرې کړي.
