د چین د برښنايي موټر جوړونې «بایډ» شرکت په ټایلنډ کې د دې شرکت نوې څانګه پرانېستله.
دا په سوېلختیځه اسیا کې د برښنايي موټر جوړولو لومړنی شرکت دی چې پرانېستل کېږي او ورسره دې سیمه کې د برښنايي موټرو بازار د ودې لامل به شي.
د انګلستان په پلازمېنه لندن کې د «مصر ته تېښتې» په نوم د نقاشۍ تابلو چې د رنسانس دورې مشهوره نقاشي بلل کېږي، د ۲.۶ میلیونه یورو په ارزښت وپلورل شوه.
دغه نقاشي د رنسانس دورې وتلي انځورګر، تیسین اثر دی او د ۱۶مې پېړۍ اړوند ده چې پلور یې نړیوال ریکارډ بلل کېږي.
د ټلګرام پلټفرم یوه بنسټګر پاول دوروف وايي چې د روان کال تر پایه به د یاد پلټفرم د میاشتني فعال کاروونکو شمېر یو ملیارډ کسانو ته ورسېږي.
ټلګرام د نړۍ شپږم مشهور اپلېکېشن دی چې نړۍ کې یې د کاروونکو شمېر ورځ ترې بلې په ډېرېدو دی.
د روسیې په شمال داغستان کې چارواکو د لنډ مهال لپاره د ښځو پر نقاب اغوستلو بندیز ولګاوه.
چارواکي وايي چې ښځې یې د لنډمهال لپاره د ټول مخ پټولو او نقاب اغوستلو څخه منع کړې دي.
د هند په اترپردېش ایالت کې د «ستسنګ» مذهبي مراسمو پرمهال د ګڼېګوڼې له امله ۱۲۱ کسان مړه شوي دي.
دغه پېښه سهشنبه، جولای دویمه د اترپردېش ایالت په هاتراس ولسوالي کې رامنځته شوې.
د ولکسواګن موټر جوړولو شرکت وايي چې د روان میلادي کال د لومړیو درېوو میاشتو پرمهال په اروپايي هېوادونو کې د دغه شرکت د برښنايي موټرو پېر کم شوی دی.
د یاد شرکت د مسوولانو په وینا، په اروپا کې د دغه هېواد د برښنايي موټرو پېر ۲۴سلنه کم شوی او چین کې بیا ۹۱سلنه د تېرکال په پرتله لوړ شوی دی.
د ونزویلا ولسمشر نیکلاس مادورو د دغه هېواد ولسمشریزو ټاکنو په درشل کې د امریکا لهخوا د خبرو وړاندې شوې، طرحه منلې.
مادورو چې د درېیم ځل لپاره ولسمشریزو ټاکنو کې د بریالیتوب په لټه کې دی، له امریکا غوښتنه کړې چې پر دې هېواد لګول شوي بندیزونه لرې کړي. نوموړی دغه بندیزونه د ده د حکومت ړنګولو لپاره بللي دي.
د سوېليکوریا د «چېپ جوړولو» اېسکا «SK» شرکت وايي چې د مصنوعي ځیرکتیا په مرسته به تر ۲۰۲۸کال پورې د چېپ جوړولو برخه کې ۷۴.۶ میلیارډ ډالره پانګونه وکړي.
دغه پانګونه به دې شرکت سره مرسته وکړي چې د مصنوعي ځیرکتیا په مرسته خپل چیبونه پیاوړي او پرمختللي کړي.
د روسیې د یاکوتیا د شمال ختیځ په یوې لرې پرته سیمه کې د یوه «لېوه جسد» موندل شوی چې د څېړونکو په وینا، ۴۴ زره کاله مخکې یې دې سیمه کې ژوند کاوه.
دغه لېوه د دې سیمې دایمي یخونو کې کنګل شوی و او د خپل ډول لېوانو لومړی هغه دی چې کشف کېږي.
د یاد لېوه جسد په ۲۰۲۱کال کې په ناببره توګه د یاکوتیا د ابیسکي سیمې اوسېدونکو لهخوا پیدا او اوس د څېړونکو لهخوا تر څېړنې لاندې دی.
د عراق په شمال موصل ښار کې د «النوري تاریخي جومات» په یوه دیوال کې پنځه ستر بمونه پیدا شوې دي.
دغه جومات چې د ۱۲مې پېړۍ پورې تړاو لري، د منار له امله یې مشهور دی چې د ۲۰۱۷کال پرمهال د داعش وسلهوالې ډلې لهخوا نړول شوی دی.
په اوکراین کې د روسي ځواکونو د بریدونو پرمهال د څلورو ماشومانو په ګډون لږ تر لږه ۱۲ کسان وژل شوي دي.
الجزیرې خبري شبکې نن یکشنبه، جون ۳۰مه د اوکراین ولسمشر ولادیمیر زیلنسکي له قوله راپور ورکړی چې د ژااپوریژیا مرکز ته څېرمه د ویلنینسک په کلي کې ښايي د وژل شویو شمېر له دې هم ډېر شي.
د امریکا او وېسټانډیز په کوربهتوب د روان ۲۰۲۴کال د شل اووره سیالیو نړیوال جام نیمه پایلوبه سبا د هند او سوېليافریقا کرېکټ ملي لوبډلو ترمنځ کېږي.
د افغانستان کرېکټ ملي لوبډله د شل اووره سیالیو نړیوال جام په نیمه پایلوبه کې سبا پنجشنبه، جون ۲۷مه له سوېليافریقا سره لوبېږي.
ټاکل شوې چې یاده تاریخي لوبه سبا د افغانستان پر وخت د سهار ۵ بجې پیل شي.
د افغانستان کرېکټ ملي لوبډله د شل اووره سیالیو نړیوال جام د اتو غوره لوبډلو پړاو په اول ګروپ کې سبا له بنګلهدېش سره برخلیک ټاکونکې لوبه کوي.
ټاکل شوې چې یاده لوبه سبا سهشنبه، جون ۲۵مه «ارنوس وېل ګرونډ» کې ترسره شي.
د شل اووره سیالیو نړیوال جام د اتو غوره لوبډلو پړاو په ۱ ګروپ کې نن د هند او اسټرالیا کرېکټ ملي لوبډلې د یوه بل پر وړاندې سیالي کوي.
ټاکل شوې چې یاده لوبه نن دوشنبه، جون ۲۴مه د اېسټي لوسیا د «ډېرن سمي ملي کرېکټ لوبغالي» کې ترسره شي.
د شل اووره سیالیو نړیوال جام په ۱ ګروپ کې د افغانستان لهخوا د اسټرالیا له تاریخي ماتې وروسته، نیمه پایلوبې ته د افغان لوبډلې دریځ پیاوړی شوی دی.
له دې لوبې وروسته دغه ګروپ کې نیمه پایلوبې د افغان لوبډلې ترڅنګ د نورو لوبډلو تګ هم په زړه پوری شوی دی.
