د اسراییلو پوځ وايي چې د تېرې یوې شپې او ورځې پرمهال لبنان کې د حزبالله ډلې پر مرکزونو ۲۰۰ توغندي وېشتلي دي.
د اسراییلو د پوځي عملیاتو اصلي تمرکز د لبنان پلازمېنې بیروت ښار په ختیځ بقاع سیمه کې او د سوېل اړوند سیمو کې دی، چېرته چې د اسراییلو ځواکونو او د ملګروملتونو سولهساته ځواکونو ترمنځ ترینګلتیا رامنځته شوې.
غزه کې د اسراییلي ځواکونو د وروستیو بریدونو پرمهال ۴۵ کسانو خپل ژوند له لاسه ورکړی دی.
الجزیري خبري شبکې نن سهشنبه، اکتوبر ۱۵مه راپور ورکړی چې په وژل شویو کې یوه لسیز کسیزه کورنۍ هم شامله ده چې د اسراییلو په بریدونو کې یې، ژوند له لاسه ورکړی دی.
د امریکا متحده ایالتونو ایران ته خبرداری ورکړی چې د ډونالډ ټرمپ پر وړاندې له هر ډول دسسو ډډه وکړي.
رویټرز خبري اژانس د یوه امریکايي چارواکي له قوله راپور ورکړی چې د امریکا حکومت ته دا هم په ډاګه کړې چې واشنګټن به د ټرمپ ژوند ته د ګواښ پېښول، د جګړې په معنی وبولي.
د موټر جوړولو نړیوال شرکت «ټسلا» د روبوټکسي په نوم د خپل نوي برښنايي او له شټرېنګ پرته موټر نندارې ته وړاندې کړ.
د دغه شرکت خاوند اېلن ماسک وايي، دغه موټر چې په مصنوعي ځیرکتیا سمبال دی، شټرېنګ، برېک او رېز نهلري. ماسک ټينګار کړی چې د ټسلا موټر جوړولو شرکت د برښنايي موټرو د تولید کچه دې ته رسېدلې چې موټرچلوونکي ته اړتیا نهپیدا کېږي.
د انګلستان کرېکټ ملي لوبډلې پر وړاندې د پاکستان له سختې ماتې وروسته د دغه هېواد د کرېکټ ملي لوبډلې پخوانی روزونکی میکي ارتر وايي، پاکستاني لوبغاړي ماهره او ښه دي.
د نیکاراګوا حکومت اعلان کړی چې اسراییلو سره خپلې ډيپلوماټیکې اړیکې پرې کوي او غواړي په نړیواله کچه د اسراییلو د انزوا ګواښ ډېر کړي.
وروسته له هغې چې اسراییلو د حزبالله ډلې مشران لهمنځه یوړل او د یادې ډلې پروړاندې یې، لبنان کې ځمکني عملیات پیل کړل، حزبالله یوې اوږدې جګړې ته د چمتووالي لپاره د قومندې نوی مرکز جوړوي.
رویټرز خبري اژانس نن شنبه اکتوبر ۱۲مه د څلورو سرچینو له قوله ویلي، د اسراییلو عملیاتو سره سره د نوې قومندې مرکز جوړولو کارونه روان دي چې د توغندیو د وېشتلو وړتیا ترڅنګ به له دې مرکز جګړه مدیریت کېږي.
د پېرو په ځنګلونو کې د اورلګېدنو له امله یږې او نور وحشي ژوي ښارونو ته راښکته شوي چې د خلکو له لوري وېشتل شوي دي.
ځنګلونو کې د اورلګېدنې له کبله ډېری مرغان، ماران او نور ژوي سوځېدلي او ډېری هغه چې ژوندي پاتې دي، ښارونو ته ښکته شوي دي.
د لبنان پلازمېنه بیروت کې د اسراییلو ځواکونو د هوايي بریدونو پرمهال ۲۲ کسان وژل شوي او له ۱۰۰ ډېر نور ټپیان دي.
رویټرز خبري اژانس نن جمعه، اکتوبر یوولسمه راپور ورکړی چې برید د حزبالله ډلې د یوه لوړپوړي چارواکي وافیق صفا د لهمنځه وړو لپاره شوی دی.
لبنان کې د حزبالله ډله وايي چې پولې ته نږدې یې، اسراییل ځواکونه په توپونو او راکېټونو وېشتلې دي.
د یادې ډلې په وینا، اسراییلي ځواکونه یې، په لبونه کلي کې په نښه کړې دي.
غزه کې روغتیايي سرچینې وايي چې د اسراییلو ځواکونو په نننیو بریدونو کې۴۳ کسانو خپل ژوند له لاسه ورکړی دی.
روغتیايي سرچینې الجزیرې ته ویلي چې ډېری دغه کسان د غزې مرکز او شمال کې د اسراییلو د بریدونو پرمهال په نښه شوې دي.
د حزبالله ډلې مرستیال نعیم قاسم وايي چې د اسراییلو او د یادې ډلې ترمنځ جګړه، هغه نښته ده چې لومړی په څوک وژړوي او په وینا یې، حزبالله به لومړی ونهژاړي.
رویټرز خبري ژانس نن سهشنبه، اکتوبر اتمه راپور ورکړی چې نعیم قاسم ویلي چې د یوه کال جګړې په تېرېدو سره یې، توان لا پرځای پاتې دی.
اسراییلي ځواکونو د غزې شمال په جبالیه کډوالو کمپ کې د یوه هوايي برید پرمهال ۱۹کلن فلسطینی خبریال وژلی چې ورسره په تېر یوه کال کې د وژل شویو خبریالانو شمېر ۱۷۵ ته رسېدلی دی.
پر اسراییلو د حماس او حزبالله ډلې د توغندیزو بریدونو له امله ۱۲ کسان ټپیان شوي دي.
د الجزیري خبري شبکې نن دوشنبه، اکتوبر اوومه راپور ورکړی چې د حزبالله ډلې د اسراییلو پر هایفه ښار توغندي توغولي چې پرمهال یې، لس کسان ټپیان شوې دي.
د پاکستان د خېبرپښتونخوا ایالت اړوند سیمو کې د دغه هېواد پر امنیتي ځواکونو د وسلهوالو بریدونو پرمهال ۱۶ پاکستاني سرتېري وژل شوي او لسګونه نور ټپیان دي.
لومړی برید د یاد ایالت په کُرمه ولسوالي کې شوی چې پهکې اووه پاکستاني سرتېري وژل شوي او دوه نور ټپیان دي.
د هایټي په مرکزي ښارګوټي کې د ګرانګریف ډلې «بانډ» وسلهوالو په برید کې لږ تر لږه ۷۰ کسان وژل شوي او ۳۰۰۰ نور خپلو سیمو پرېښودو ته اړ شوې دي.
د ملګروملتونو د بشري حقونوعالي کمېشنرۍ دفتر «جمعه، اکتوبر پنځمه» وویل چې دا برید د پنجشنبې په ورځ د پورټاوپرنس شمال لویدیز ته په ۱۰۰ کیلومترۍ، په پونټسونډ کې شوی دی.
