اسراییلو کې چارواکي وايي چې د جولان پر لوړو کې د فوټبال پر لوبغالي د توغندیز برید له امله ۱۲ کسان وژل شوي دي.
اسراییلو د دې برید پړه پر حزبالله وراچولې او ګواښ یې کړی چې غچ به یې واخلي. دغه برید چې تر ټولو خونړی بلل کېږي، حزبالله ډلې پهکې خپل لاس لرل، رد کړي دي.
د ۲۰۲۴ کال د اوړي المپیک سیالۍ پرون د فرانسې په پاریس ښار کې پرانېستل شوې او ټاکل شوې چې درې اوونۍ دوام وکړي.
د المپيک د نړيوالې کمېټې د معلوماتو له مخې، په دغو سياليو کې به د ٢٠٦ هېوادونو د بېلابېلو لوبو څه باندې لسنیم زره لوبغاړي برخه واخلي.
د امریکا پخوانی ولسمشر ډونالډ ټرمپ د اسراییلو لومړي وزیر بنیامین نتنیاهو سره په لیدنه کې ویلي، که دی په ولسمشریزو ټاکنو کې بریالی نهشي، ښايي درېیمه نړیواله جګړه به رامنځته شي. ډونالډ ټرمپ په دې لیدنه کې د ډموکراټ ګوند په غړیو هم کلکې نیوکې وکړې او هغوی یې بېکفایته مسوولان وبلل.
ملګري ملتونه وايي چې د غزې په خان یونس ښار کې د روانې سختې بمبارۍ او جګړې له امله د تېرو څلور ورځو پرمهال له دغه ښاره شاوخوا ۱۸۰زره خلک بېځایه شوې دي.
د اسراییلو لومړی وزیر بنیامین نتنیاهو چې امریکا ته په سفر تللی، د دغه هېواد کانګرېش ته په وینا کې ویلي چې غزه کې د روانې جګړې بری، د امریکا لپاره هم بریال شمېرل کېږي.
کانګرېس د نوموړي په وینا، لسګونه اعتراض کوونکي هم ورټول شوي وو او د نتنیاهو وینا ته له اعتراض سربېره یې، د اوربند غوښتنه کوله. نتنیاهو د وینا پرمهال له امریکا غوښتنه وکړه چې هېواد سره یې، څنګ په څنګ ودرېږي.
اېنبېاې «نېشنل باسکېټبال اسوسیشن» د لوبېدو خپرېدو ۱۱کلن هوکړهلیک چې ارزښت یې، ۷۷ میلیارډ ډالر دی، له امازون، ډیزني او کامکاسټ شرکتونو سره لاسلیک کړ.
اېنبياې په وروستیو شېبو کې د وارنر بروز وړاندیز ونهمانه او له دغه رسنیز شرکت سره یې، د شاوخوا ۴۰کلنو کار وروسته، هوکړهلیک لغوه کړ.
د نیدرلنډز دفاع وزارت وايي چې دغه هېواد او ډنمارک به د روسې پر وړاړندې جګړې لپاره اوکراین ته «لیوپارډ ۲» ۱۴ نوي ټانکونه وسپاري.
دغه وزارت نن پنجشنبه، جولای ۲۵مه یوې خبرپاڼه کې ویلي چې دغه ټانکونه د جرمني د « Rheinmetall» لهخوا جوړ او تر ازمایښت وروسته، دې ته اماده شوي چې اوکراین ته ولېږدول شي.
د چین موټر جوړولو «بایډ کمپنۍ» د روان کال لومړیو شپږو میاشتو کې په سینګاپور کې خپل سیال «ټسلا» شاته پرېښی دی.
سینګاپور کې د بایډ برښنايي موټرو د پلور کچې زیاتوالی د دې ښکارندوي کوي چې دغه شرکت د سوېلختیځې اسیا د برښنايي موټرو پر بازار ولکه لري او لاهم ټسلا نهدی بریالی شوی چې دې بازار کې ځای پیدا کړي.
د غزې پر خان یونس ښار د اسراییلي ځواکونو له برید راهیسې تېره ورځ د یادو بریدونو تر ټولو خونړي، برید کې ۹۰ کسان وژل شوي دي.
د الجزیزې خبري شبکې د راپور له مخې، دغه کسان یوازې تېره ورځ سهشنبه، د اسراییلو لهخوا په شویو بریدونو کې وژل شوي دي.
د نیپال پلازمېنې کټمنډو کې د یوې مسافر وړونکې الوتکې د لوېدو له امله ۱۸ کسان مړه شوي دي.
پېښه نن چهارشنبه، جولای ۲۴مه وروسته له هغې رامنځته شوه چې د نیپال سوریا هوايي شرکت دغه الوتکه له الوتنې لږه شېبه وروسته، ولوېده او اور یې واخیست.
د امریکا د ولسمشریزو ټاکنو لپاره له نوماندۍ د جو بایډن له تېرېدو سره هممهاله، د هغه مرستیالې کامله هېرس لیکلي چې د ولسمشریزو ټاکنو لپاره نومانده شي.
هېرس نن (د زمري لومړۍ، د دوشنبې ورځ) پر اېکس لیکلي چې د امریکا د ۲۰۲۴ کال په ټاکنو کې به د بریا لپاره هڅه وکړي.
روزګان کې د استرالیا د ځانګړو ځواکونو لهخوا د جنګي جنایتونو د قربانیانو یوشمېر کورنۍ سلاموطندار ته وايي، اسټرالیايي ځواکونو به د شپې مهال د دوی پر کورونو چاپه وهله او د کورنۍ بې ګناه غړي یې ور وژلي دي.
د یاد ولايت د چورې ولسوالي اوسېدونکى نبي، وايي چې د اسټراليايي ځواکونو د بريد په پايله کې يې د کورنۍ شپږ غړي وژل شوي او درې نور ټپيان دي.
دغه شرکت پاریس کې یوه نندارتون پرمهال ویلي، د سامسونګ ګلکسي ګوتمۍ په تېرو څو میاشتو کې خپله ازمایښتي دوره پای ته رسولې او په وینا یې، دغه ګوتمۍ سپک وزن لري او پر مصنوعي ځیرکتیا سمبال ده. د یاد شرکت د معلوماتو له مخې، ګوتمۍ بېلابېل حسګر لري او یوه کس ته دا توان ورکوي چې په ۲۴ ساعتونو کې د خپلې سلامتیا وضعیت وڅاري.
د کډوالۍ نړیوال سازمان «ایاواېم» وايي چې د هایټي هېواد ۴۰ اوسېدونکي د کښتۍ اور اخیستلو پېښه کې خپل ژوند له لاسه ورکړی دی.
د یاد سازمان په وینا، پېښه کې یوشمېر کسان ټپیان شوي هم دي.
د امریکا ولسمشریزو ټاکنو ته نوماند ډونالډ ټرمپ د اوکراین ولسمشر ولودمیر زیلینسکي سره د ټیلیفوني اړیکې پرمهال ژمنه کړې چې د یاد هېواد او روسيې ترمنځ روانه جګړه به د خبرو له لارې پای ته ورسوي.
د پاکستان په بلوچستان ایالت کې د دوو بمي چاودنو پرمهال، یو پولیس وژل شوی او د ۹ پولیسو په ګډون ۱۳ کسان ټپیان شوې دي.
پاکستاني رسنیو د پولیسو له قوله خبر ورکړی چې لومړۍ پېښه نن جمعه، جولای ۱۹مه د یاد ایالت، د توربت په بلیده سیمه کې شوې چې یو سرتېری پهکې وژل شوی او اووه نور ټپیان شوې دي.
