شمالیکوریا د کوریا ټاپووزمې ختیځ ساحل ته د سمندر پر لور د لنډ واټن وېشتونکي بالیستیک توغندي ازموینه کړې.
د سوېليکوریا پوځ وايي چې شماليکوریا دغه توغندي د پلازمېنې پیونګیانګ له سوېل سرېون سیمې څخه توغولي او ۴۰۰ کیلومټره په واټن مزل یې، کړی دی.
له هغه وخت راهیسې چې د اسراییلو او لبنان کې د ایران له ملاتړ برخمنې حزبالله ډلې ترمنځ نښتې پیل شوي، تر دې مهاله دغه هېواد کې ۳۰۰۰ کسان وژل شوي دي.
د لبنان روغتیا وزارت چارواکي وايي چې یاد کسان یوازې د ۱۳ میاشتو پرمهال وژل شوي دي.
غزه کې د اسراییلو د مرګونو بریدونو په لړ کې یوازې د تېرو ۴۸ ساعتونو پرمهال ۵۰ ماشومانو خپل ژوند له لاسه ورکړی دی.
له اکتوبر راهیسې تر دې مهاله غزه کې د اسراییلو د بریدونو له کبله ۱۶۷۰۰ ماشومان مړه شوي دي. چارواکي وايي، دغه مړینه د وژل شویو څه باندې ۴۳زره کسانو دریمه برخه جوړوي چې د روغتیايي چارواکو له لوري تایید شوي دي.
له لبنان پر اسراییلو د توغندیزو بریدونو پرمهال یوولس اسراییلیان ټپیان شوي دي. دغه کسان پر یوه کور د راکېت لګېدو له امله ژوبل شوي دي.
د اسراییلو د بېړنیو خدمتونو اداره وايي چې دغه توغندی له لبنان توغولی شوی او د اسراییلو مرکزي سیمه کې پر یوه کور لګېدلی دی.
کېیف کې یو لوړپوړی پوځي چارواکی وايي چې اوکرایني ځواکونه پر دغه هېواد د برید له پیل راهیسې د روسیې تر ټولو ستر «برید» د مخنیوي په حال کې دي.
اندونیزیا دغه هېواد کې د ګوګل الفابټ له لوري جوړ شوی «ګوګل پکسل ځیرک» ټيلیفونونو پلور باندې بندیز لګولی دی.
د اندونیزیا د قانون له مخې، هغه بهرني شرکتونه چې دغه هېواد کې خپل موبایلونه پلوري، باید د یاد هېواد ۴۰سلنه توکي یا پرزې پهکې کارول شوي وي.
پر ایران د اسراییلو له هوايي برید وروسته د دغه هېواد چارواکي وايي چې د الوتنو بهیر بېرته عادي حالت ته ګرځېدلی دی.
د ایران د هوايي چلند ادارې CAO ویاند جعفز یازارلو دولتي رسنیو ته ویلي چې الوتنې نن سهار ۹ بجې بېرته عادي حالت ته ګرځېدلي دي.
د ایران له ملاتړ برخمنې ډله، حزبالله وايي چې عیتاالشعیب سیمه کې یې، د اسراییلو پر پوځي مرکزونو او سرتېرو راکېټي بریدونه کړي دي.
دې سیمه کې حزبالله له تېرو دوو اوونیو راهیسې له اسراییلي ځواکونو سره په منظمه توګه په نښته دي.
روغتیايي سرچینې وايي چې د غزې په خان یونس کې د اسراییلو له لوري د مرګونو بریدونو له امله ۳۸ کسانو خپل ژوند له لاسه ورکړی دی.
دغه کسان پر هستوګنیزو کورونو د اسراییلو د بریدونو له امله مړه شوي دي. د سرچینو په وینا، یوازې ۱۴ ماشومانو د اسراییلو له لوري د وېشتل شویو توغندیو د لوګیو له کبله خپل ژوند له لاسه ورکړی.
د حزبالله ډلې په توغندیزو بریدونو کې د اسراییلو ۱۰ سرتېري وژل شوي او ۲۴ نور ټپیان دي.
دغه سرتيري د لبنان سوېل کې وژل شوي او د ټپیانو له ډلې د څلورو روغتیايي وضعیت د اندېښنې وړ ښودل شوی دی.
د چین، روسیې، هند او د برېکس د نورو غړو هېوادونو مشرانو د روسیې په کازان ښار کې د دغه سازمان د غونډې په وروستۍ اعلامیه کې له افغانستان سره د بشري مرستو پر دوام ټینګار کړی او پر ا.ا یې غږ کړی چې له شپږم ټولګي پورته د نجونو پر زدهکړو لګېدلی بندیز لرې کړي.
د روسيې دفاع وزارت مسوولان وایي چې په دونيڅک کې يې له اوکرايني ځواکونو دوه کلي نيولي دي.
د روسیې دفاع وزارت په وينا، په ختیځ دونیڅک سیمه کې د سریبرینکا او مایکولایوکا کلي د دوی تر ولکې لاندې راغلي دي. بلخوا امريکا وايي چې د روسيې نږدې ملګري شماليکوریا دغه هېواد ته خپل ۳۰۰۰ سرتېري لېږلي دي.
د ترکیې ملي راډیو ټلوېزیون مشر وايي چې د دغه هېواد تولید شوي سریالونه پر ۵۰ بېلابېلو ژبو دوبله شوي او د نړۍ په ۱۱۰ هېوادونو کې د ټلوېزیونونو او نورو خپرېدونکو شبکو له لوري خپرېږي. سوباجي په دغه غونډه کې همداراز ادعا کړې چې د ترکي سریالونه او ډرامې، شاوخوا یو میلیارډ لیدونکي لري.
پر غزې او لبنان د اسراییلو د هوايي او ځمکو بریدونو له دوام سره هممهاله، د امریکا بهرنیو چارو وزیر انټوني بلینکین تېر یوه کال کې د جګړې پیل راهیسې منځني ختیځ ته خپل ۱۱م سفر پیل کړی.
د حماس د سیاسي دفتر د مشر یحیی سېنوار له وژل کېدو وروسته، منځني ختیځ کې د کړکېچن وضعیت په اړه اندېښنې لا زیاتې شوي دي.
پر غزې د اسراییلو هوايي بریدونه لاهم دوام لري او د خپرو شویو راپورونو لهمخې، د دغو بریدونو د وروستي هغه برید پرمهال غزه کې لږ تر لږه ۳۳ کسان وژل شوي دي.
د ترکیې دفاع وزارت وايي چې د یوروفایټر ټایفون جنګي جېټالوتکو پېر لپاره یې، ټولې هڅې ګړندۍ کړي دي.
ترکیې تېرکال ویلي و چې د یوروفایټر کنسرسیوم غړیو هېوادونو اسپانیا او برېټانیا سره د ټایفون جېټالوتکو پېر لپاره خبرې پیل کړي چې جرمني پر ترکیې د یادو الوتکو پېر سره مخالفت څرګند کړی.
