سوېليکوریا کې د دویمې پرلهپسې ورځې لپاره د واورې اورښت الوتنې ځنډولي او د څلور کسانو د مړینې خبر هم ورکړل شوی دی.
له ۱۹۰۷ کال راهیسې د سوېليکوریا پلازمېنه سېول کې دا د ریکارډ کچې واوره بلل کېږي چې له امله شاوخوا ۱۴۰ پروازونه خڼډېدلې دي.
غزه کې روغتیايي چارواکي وايي چې د اسراییلو د بریدونو له امله یوازې د یوې ورځې پرمهال ۱۵ کسانو خپل ژوند له لاسه ورکړی دی.
په وژل شویو کې د حماس مخکیني ویاند دوه زامن هم شامل دي. ډېری کسانو پر یوه ښوونځي د شوي برید پرمهال وژل شوي دي.
د اسراییلو پوځ وايي چې له لبنان څخه د حزبالله ډلې شاوخوا ۳۴۰ توغندي توغولي چې پرمهال یوولس کسان ټپیان شوي او مالي زیانونه یې، هم اړولې دي.
د اسراییلو د پوځ راډیو د معلوماتو له مخې، ډېری توغندي په تلابیب ښار کې لګېدلي چې ویجاړۍ یې هم رامنځته کړي دي.
د اروپايي ټولنې د بهرني سیاست مسوول جوزېپ بورل ویلي چې د اروپايي ټولنې غړي هېوادونه مکلف دي چې د اسراییلو د لومړي وزیر بنیامین نتانیاهو او د دغه هېواد د دفاع پخواني وزیر یواف ګالانت د نیولو په اړه د کیفري نړیوالې محکمې حکم عملي کړي. رویټرز خبري اژانس راپور ورکړی چې بورل دا خبرې پرون-د لیندۍ درېیمه، د شنبې ورځ قبرس ته د سفر پر مهال کړي دي.
د اوکراین هوايي پوځ وايي چې روسیې د لومړي ځل لپاره اوکراین د لویو وچو ترمنځ د واټن وهونکي بالېستیک توغندي باندې وېشتلی دی.
پوځ په وینا، دا لومړی ځل دی چې روسیه په روانه جګړه کې له ورته توغندي استفاده کوي.
کېیف کې د امریکا سفارت وايي چې پر اوکراین د روسیې پراخو هوايي بریدونو معلومات یې، ترلاسه کړي او دوی اړ شوي چې خپل سفارت په لنډمهاله توګه وتړي.
غزه کې د اسراییلي ځواکونو د روانو بریدونو پیل راهیسې تر دې مهاله د وژل شویو سرتېرو شمېر ۷۹۹ ته لوړ شوی دی.
د اسراییلو پوځ وايي چې غزه کې د نښتو پرمهال یې یو سرتېری وژل شوی چې ورسره غزه کې د وژل شویو اسراییلي سرتېرو شمېر ۷۹۹ کسانو ته رسېدلی دی.
په برازیل کې په نړیواله کچه د لوږې مخنیوي په موخه د جي۲۰ هېوادونو د مشرانو دوهورځنۍ غونډه جوړه شوه. د جي۲۰ ډلې مشران وايي، په نړۍ کې باید حکومتي بنسټونه اصلاح شي او د نړۍ پر میلیارډرانو باید محدودیتونه ولګول شي. د جي۲۰ غونډې په پای کې له لوږې سره د مبارزې لپاره یو نړیوال اېتلاف هم جوړ شو.
اوکراین کې چارواکي وايي چې د دغه هېواد په شمال ختیځ سوومي ښار کې پر هستوګنیزو کورونو د روسیې د توغندیز برید پرمهال ۱۱ کسان وژل شوي او ۸۹ نور ټبیان دي.
د اوکراین د بېړنیو خدمتونو ادارې پر خپل ټېلېګرام ویلي چې په ټپیانو کې ۱۱ ماشومان هم شامل دي او پر ښار برښنا هم پرې شوې.
د مالیزیا لومړی وزیر انور ابراهیم وايي چې دغه هېواد د فلسطین له خلکو ملاتړي کوي او اسراییل په رسمیت نهپېژني.
انور دا څرګندونې جمعه، نومبر ۱۵مه په پېرو کې د اسیا – پسیفیک اقتصادی همکارۍ (APEC) په سرمشریزه کې د خبری کنفرانس پرمهال کړې دي.
د لبنان روغتیايي وزارت مسوولان وايي چې دغه هېواد کې د اسراییلو د بریدونو له امله لږترلږه ۵۹ کسانو خپل ژوند له لاسه ورکړی او ۱۸۲ نور ټپیان دي.
دغه کسان د اسراییلو د هوايي او ځمکنیو بریدونو پرمهال وژل شوي دي.
د اوکراین ولسمشر ولودمیر زېلېنسکي د جرمني لومړي وزیر اولف شولز او د روسیې ولسمشر ولادېمیر پوتین ترمنځ پر ټیلیفوني خبرو نیوکه کړې.
زېلېنستکي ویلي چې دغه ډول ټیلیفوني اړیکې د روسیې منزوي کولو او اوکراین کې جګړې پای ته رسولو او د عادلانه سولې ټينګښت په اړه ټولې هڅې کمزورې کوي.
ټاکل شوې چې ډونالډ ټرمپ د امریکا بهرنیو چارو وزارت لپاره مارکو روبیو د نوماند وزیر په توګه معرفي کړي.
ګڼشمېر امریکايي رسنیو راپور ورکړی چې ټرمپ بهرنیوچارو وزیر په توګه د مارکو روبیو ټاکلو ته رضایت ښودلی، خو کولای شي چې خپله پرېکړه بدله هم کړي.
د مالیزیا لومړی وزیر انور ابراهیم وايي چې د فلسطیني وګړو پروړاندې د روانې نسلوژنې پای ته رسولو لپاره دې، پر اسراییلو تسلیحاتي بندیزونه ولګول شي.
نوموړي دغه څرګندونې د عرب ټولنې او اسلامي همکاریو سازمان په غونډه کې کړې. دغه غونډه د سعودي عربستان په کوربهتوب روانه ده.
د غزې په بېلابېلو سیمو کې د تېرې دوو ورځو پرمهال د اسراییلو د هوايي او ځمکنو بریدونو له امله ۳۷ کسانو خپل ژوند له لاسه ورکړی دی.
روغتیايي چارواکي وايي چې د دوشنبې پر ماښام د غزې سوېليښار په خانیونس ته نږدې په یوه کافه کې د اسراییلو د برید له امله اووه کسانو خپل ژوند له لاسه ورکړ.
یمن کې د حوثیانو ویاند یحی سرېع وايي چې پر اسراییلو یې، توغندیز برید کړی او یو پوځي مرکز یې، په نښه کړی دی. د
