د حماس او اسراییلو ترمنځ د اوربند هوکړې وروسته، ایران وايي چې دغه اوربند د فلسطین مقاومت لپاره «ستره بریا» ده.
د ایران سپاه پاسداران په یوې خبرپاڼه کې ویلي چې د فلسطین لپاره دا یوه ستره بریا ده او د اسراییلو له لوري د اوربند هوکړې د احتمالي سرغړونې په تړاو یې، خبرداری هم ورکړی دی.
د اوکراین پوځ وايي چې روسیې د دغه هېواد لوېدیځې سیمې پر کروز او بالېسټیک توغندیو وېشتلي دي.
پوځ زیاتوي چې پر دې سیمو روسي ځواکونو ۴۳ بالېسټیک او کرویز توغندي او ۷۴ ډرون بریدونه کړي دي. روسیې کې چارواکو منلې چې یاد بریدونه د اوکراین د تېرې ورځې د بریدونو په غبرګون کې شوي دي.
هندي رسنۍ وايي چې د یاد هېواد د بالوود سینما ستوری سیفعلي خان په خپل کور کې شپږ ځایه په چاقو وهل شوی او دا مهال روغتون کې بستر دی.
د هند ANI رسنۍ راپور ورکړی چې نوموړی بېګاه ناوخته په خپل کې د یوه کس له لوري په چاقو وهل شوی. په راپور کې ویل شوي چې د نوموړي دوه ټپونه ژور دي.
که څه هم غزه کې د اوربند ټينګښت لپاره منځګړو د حماس او اسراییلو ترمنځ هوکړې ته د رسېدو خبره کوي، خو له بېګاه راهیسې د اسراییلو بریدونو له امله ۴۴ کسانو خپل ژوند له لاسه ورکړی دی.
بېګاه شپه ناوخته منځګړو اعلان وکړ چې اسراییل او حماس غزه کې د اوربند پر ټينګښت هوکړه کړې. له دې اعلان وروسته غزه کې ګڼشمېر کسان لارو او کوڅو ته راووتل او د اوربند نمانځنه یې وکړه.
د اوکراین چارواکي ادعا کوي چې د جګړې له پیل راهیسې یې، پر روسیې تر ټولو لوی هوايي برید کړی دی.
د اوکراین او د روسیې ترمنځ د روانې جګړې نږدې درې کاله پوره کېږي.
غزه کې چارواکي وايي چې نن چهارشنبه، جنورۍ ۱۵مې سهار راهیسې په بېلابېلو سیمو کې د اسراییلو د بریدونو له امله ۲۲ کسانو خپل ژوند له لاسه ورکړی دی.
د سوېليکوریا چارواکي وايي چې د اوکراین پر ضد روانه جګړه کې د شماليکوریا ۳۰۰ سرتیري وژل شوي او ۲۷۰۰ نور ټپیان دي.
د سوېليکوریا د ملي استخباراتو ادارې دغه معلومات خبریالانو سره شریک کړي دي.
د غزې په شمال کې د اسراییلي ځواکونو د روانو بریدونو او کلابندۍ له امله شاوخوا ۵۰۰۰ کسان وژل شوي او یا هم ورک دي.
د الجزیرې خبري شبکې نن دوشنبه، جنورۍ ۱۳مه راپور ورکړی چې د یادو بریدونو له امله څه باندې ۹۵۰۰ کسان ټپیان شوي دي.
د اوکراین چارواکي وايي چې د روسیې په کُرسک کې یې، د جګړې پرمهال د شماليکوریا دوه سرتېري ژوندي نیولي او کېیف ته یې، لېږلي دي.
د اوکراین امنیتي ادارې «اېسبيیو» په یوې خبرپاڼه کې ویلي چې له نیول شویو دوو سرتېرو یې، یو بېاسناده او دویم کس د روسیې د پوځ کارټ لري چې له منګولیا سره نږدې سیمې اوسېدونکی دی.
ملګري ملتونه وايي چې د میانمار په ختیځ راخین ایالت کې د پوځ هوايي بریدونو له امله ۴۰ کسان وژل شوي او شاوخوا ۵۰ کورونه ویجاړ شوي دي.
ملګرروملتونو جمعه، جنورۍ ۱۰مه په یوې خبرپاڼه کې ویلي چې دغه کسان د راخین ایالت اړوند د رامري ښارګوټي په «کیا نيماوو» کلي کې د پوځ هوايي بریدونو پرمهال وژل شوي.
غزه کې د اسراییلي ځواکونو د هوايي او ځمکنیو بریدونو پرمهال څه باندې ۲۱ کسانو خپل ژوند له لاسه ورکړی دی.
دغه کسان د غزې په بېلابېلو سیمو کې د اسراییلو په بریدونو کې خپل ژوند له لاسه ورکړی دی. غزه کې د وروستیو څو میاشتو پرمهال د اسراییلو بریدونو او کلابندۍ له امله روغتونونه د تېلو، روغتیايي او نورو توکو له جدي کمښت سره مخ دي.
اندونیزیا کې د اپل موبایل جوړولو شرکت څانګې مسوولان وايي، که څه هم د یاد هېواد له حکومت سره هوکړې ته رسېدلي، خو د ایفون۱۶ پلور ته لاهم اجازه نهده ورکړل شوې.
اندونیزیا تېرکال د یاد شرکت نوی ایفون۱۶ موبایل پلور له دې امله بند کړی چې د دغه هېواد د قانون له مخې باید، یاد شرکت په خپل تولید شویو توکو کې د اندونیزیا ۳۵سلنه مواد وکاروي.
د برازیل فوټبال ملي لوبډلې پیاوړی لوبغاړی نیمار وايي چې د ۲۰۲۶کال د فوټبال نړیوال جام کې به د وروستي ځل لپاره ولوبېږي.
د نوموړي په وینا، ډاډه دی چې برازیل به د شمالي امریکا په کېدونکي نړیوال فوټبال جام کې پایلوبې ته ورسېږي.
نیمار دا مهال د سعودي عربستان فوټبال لیګ کې له الحلال لوبډلې سره لوبېږي.
د پاکستان په پلازمېنه اسلاماباد کې د جرمني سفارت دویم سکرټر ټامس جورګن په خپل کور کې مړ موندل شوی دی.
پولیسو رسنیو ته ویلي چې نوموړی له دوو ورځو راهیسې خپلې دندې ته نهوو تللی او د لټون پرمهال په خپل کور کې مړ پیدا شوی.
د ملګروملتونو د سرمنشي مرستیال ولکر ټرک وايي چې د تېر ۲۰۲۴کال پرمهال په ایران کې څه باندې ۹۰۰ کسان اعدام شوي دي.
ولکر ټرک چې د ملګروملتونو د بشرحقونو عالي کمېشنر هم دی، همداراز ویلي، د یادو کسانو له ډلې، یوازې ۴۰ کسان یې، د یوې اوونۍ پرمهال اعدام شوي.
د اوکراین ولسمشر ولودیمیر زېلېنسکي وايي چې په کُرسک سیمه کې د جکړې پرمهال روسي او د شمالي کوریا ګڼشمېر سرتېرو ته یې، درنه مرګژوبله اړولې.
اوکراین او لوېدیځ ادعا لري چې په دې سیمه کې د شمالي کوریا شا خوا ۱۱۰۰۰ سرتېري مېشت دي او د اوکراین پر ضد جګړه کوي.
