ټاکل شوې د ملګروملتونو امنیت شورا نن شپه «پنجشنبه، لیندۍ ۲۲مه» د افغانستان وضعیت ارزونې په موخه غونډه جوړه کړي.
افغانستان کې د ملګروملتونو د سیاسي استازولۍ یا یوناما له لوري د وړاندې شویو معلوماتو له مخې، د دغه بنسټ مشره روزا اوتنبایووا به یادې غونډې ته د افغانستان وضعیت په اړه معالومات ورکړي.
د بېلاروس ولسمشر الېکساندر لوکاشېنکو اعلان کړی چې ټاکل شوې راتلونکی کال د روسیې ولسمشر دغه هېواد ته د اورشنېک توغندي ورکړي.
نوموړي زیاته کړې چې ده له پوتین د یادو توغندیو د ورکړې غوښتنه کړې او په وینا یې، دغه ګام یې، له پولنډ او لېتوانیا سره د احتمالي ترینګلتیا لپاره اخیستی دی.
امریکايی شتمن اېلن ماسک د تاریخ لومړی کس شو چې شتمني یې، ۴۴۰ میلیونه ډالرو ته ورسېده.
ډېلې مېل ورځپاڼې د بلومبورک له قوله راپور ورکړی چې د نوموړي شتمني د مایکروسافټ شرکت له بنسټاېښودونکي بېل ګېټس او امازون بنسټګر جېف بېزوس څخه خورا زیاته شوې.
د امریکا موټرجوړولو «ټسلا» شرکت وايي، د روان کال ډسمبر میاشتې د لومړۍ اوونۍ پرمهال یې، چین کې ۲۱۹۰۰ برښنايي موټر پلورلې دي.
چین کې د یاد شرکت څانګې ویلي، دغه پلور د روان ۲۰۲۴کال د څلور ربعو په پرتله تر ټولو لوړ پلور دی. چین کې د ټسلا «Model Y» تر ټولو ښه او په لوړه کچه پلور لري چې تېرکال یې، ۵۵۶۰۰۰ موټر پلور شوي.
د اسراییلو لومړی وزیر بنیامین نتنیاهو سهشنبه، دسمبر لسمه د فساد اړوند محکمې ته حاضر شو او وویل چې د خپلو سختو امنیتي تګلارو له امله تر څار لاندې دی.
د امریکا پوځ وايي چې په عدن خلیج کې د حوثیانو له لوري د دوی پر بېړیو د شویو بریدونو مخه یې نیولې.
د امریکا مرکزي قومنداني «سنتېکام» چې منځنی ختیځ کې د امریکا پوځي فعالیتونه څاري، ویلي، دوو کښتیو له یمن توغول شوي توغندي او بېپېلوټه الوتکې په نښه کړي دي.
د اسراییلو پوځ وايي چې د تېرو ۴۸ ساعتونو پرمهال یې، سوریه کې ۴۸۰ بریدونه کړي دي.
دغه بریدونه د سوریې ځواکونو اړوند د وسلو تولید مرکزونو، د هوايي دفاعي سېسټم او جنګي بېړیو لهمنځه وړو لپاره شوې دي.
د اوکراین په ژاپورېژیا ښار کې د روسیې د توغندیز برید له امله د وژل شویو کسانو شمېر شپږ ته لوړ شوی او ۲۲ نور ټپیان دي.
د ژاپورېژیا والي اېوان فیدوروف پر خپل ټېلېګرام ویلي چې برید کې ۲۲ کسان ټپیان دي او په وینا یې، سیمې ته د بېړنیو مرستو ډلې لېږل شوي دي.
د ایران مذهبي مشر ایتالله علي خامنهيي وايي چې د بشارالاسد په مشري د سوریې د حکومت پرځېدو تر شا د امریکا او اسراییلو لاس دی.
نوموړي د بشارالاسد د حکومت نسکورېدو ته په غبرګون کې ویلي، ایران شواهد لري چې د اسد حکومت د امریکا او اسراییلو د ګډ پلان په پایله کې پرځېدلی دی.
د خبریالانو نړیوال فدراسیون وايي چې د روان ۲۰۲۴کال له جنورۍ د ډسمبر تر لسمې د نړۍ په بېلابېلو هېوادونو کې ۱۰۴ خبریالان او د رسنیو کارکوونکي وژل شوي دي.
دغه فدراسیون په خپل کلني راپور کې چې نن سهشنبه، ډسمبر لسمه یې، پر خپل وېبپاڼه خپور کړی، همداراز راغلي چې ډېری خبریالان او د رسنیو کارکوونکي په فلسطین کې وژل شوي دي.
د امریکا ټاکل شوی ولسمشر ډونالډ ټرمپ وايي چې بشارالاسد لاړ او ساتونکې روسیې یې، نور ساتلو ته لېوالتیا نهدرلوده.
هغه پر خپله ټولنیزه رسنۍ لیکلي: «اسد لاړ او د پوتین په مشري روسیې، روسیې، روسیې چې د اسد ساتونکې وه، نور د هغه «بشارلاسد» ساتلو ته لېوالتیا نهدرلوده.»
سوریه کې د بشارالاسد په مشري د حکومت له نسکورېدو وروسته د اسراییلي ځواکونو ټانکونه له ۵۰ کلونو وروسته د لومړي ځل لپاره دغه هېواد ته ورننه شول.
اسراییلو اعلان کړی چې سوریه کې د وسلهوالو مخالفو د بریدونو په غبرګون کې دغه هېواد کې خپل پوځي حضور پیاوړی کوي.
د سوریې په پلازمېنه دمشق کې زېږېدلی ۵۹ کلن بشارالاسد د خپل پلار له مړینې وروسته له ۲۰۰۰ کال راهیسې پر سوریې واکمن و.
د هغه پلار حافظ الاسد له ۱۹۷۱ کال راهیسې پر سوریې واکمني کوله.
د سوېليکوریا ولسمشر یون سوک یول د بېړني پوځي حکومت له اعلان وروسته، له خپلې پرېکړې په شا شوی او اوس د استعفا له پراخو غوښتنو سره مخ دی.
په پلازمېنه سیول کې په زرګونو اعتراضکوونکي چې د پوځي حکومت له اعلان راهيسې د پارلمان مخې ته راټول شوي، د نوموړي د استعفا غوښتنه کوي.
د ملګري ملتونو چارواکي وايي چې غزه کې د جګړې د پیل راهیسې تر دې مهاله ۳۴۱ مرستندویه کارکوونکي وژل شوي دي.
دغه کسان د تېرکال د اکتوبر میاشتې له اوومې راهیسې وژل شوي دي.
د اوکراین پوځ وايي چې د روسي ځواکونو له لوري پر یاد هېواد له وېشتل شویو ۱۱۰ ډرون څخه یې، ۵۲ نسکورې کړې دي.
بلخوا روسیې بیا ویلي چې د یاد هېواد په بېلابېلو سیمو کې یې، بېګاه شپه د اوکراین ۱۵ ډرون لهمنځه وړې دي.
