دغه لاریونونه په غزه کې د اسراییلو جګړې پر ضد او له اسرییلو څخه د امریکا د نږدې ملاتړ په مخالفت کې شوي دي.
د غزې د جګړې له پیل راهیسې د فاسټ فوډ ځنځروي پلورنځي، دغه هېواد کې د اسلامي ګوندونو له لوري د لاریونونو پرمهال هدف ګرځېدلي دي. د دوی په وینا، دا برانډ د اسراییلو لپاره د متحده ایالاتو ملاتړ سره تړاو لري.
رویټرز خبري اژانس د یوه اسراییلي او دوو باخبرو سرچینو له قوله راپور ورکړی چې اسراییل لاهم د ایران پر اټومي تاسیساتو د برید په لټه کې دی.
یادو سرچینو زیاته کړې چې پر ایران د اسراییلو برید په تړاو د ډونالډ ټرمپ له مخالفت سره سره، اسراییلو راتلونکې مې میاشت کې پر ایران برید نهدی رد کړی.
یمن په راسعیسی بندر کې د امریکايي ځواکونو د هوايي برید پرمهال ۳۸ کسان وژل شوي او ۱۰۲ نور ټپیان دي.
برید د راسعیسی بندر کې شوی چې د تېلو پراخې زېرمې لري.
د امریکا مرکزي قومنداني «سنټکام» ویلي چې دغه بریدونه یې، د حوثیانو د تېلو او عوایدو سرچینو لهمنځه وړو لپاره کړې دي.
د اسراییلو پوځ وايي چې له یمن څخه د دوی پر لوري توغول شوی توغندی یې، شنډ کړی دی.
د اسراییلو پوځ نن جمعه، اپرېل ۱۸مه، په یوې خبرپاڼه کې ویلي چې دغه توغندی له هغه سیمې د دوی پر لور وېشتل شوی چې د ایران له ملاتړ برخمنه حوثي ډله ترې توغندیز بریدونه کوي.
غزه کې د اسراییلو د بریدونو په لړ کې له نن جمعه سهار راهیسې یوه لسیز کورنۍ په بشپړه توګه لهمنځه تللې ده.
یاده کورنۍ په خانیونس کې د اسراییلي ځواکونو په برید کې خپل ژوند له لاسه ورکړی دی.
د امریکا مخکینی ولسمشر جو بایډن د اوسني ولسمشر ډونالډ ټرمپ حکومت ته په اشارې سره وايي چې نوی حکومت لومړی ډز بیا نښه نیسي.
بایډن د سپینې ماڼۍ تر پرېښودو وروسته د لومړي ځل لپاره په شیکاګو کې وینا کړې او د ټرمپ حکومت یې، ننګولی دی. نوموړي د ټرمپ په مشري حکومت باندې سختې نیوکې کړې دي.
غزه کې د اسراییلو د تازه بریدونو پر دوام د تېرو ۲۴ ساعتونو پرمهال ۱۶ کسانو خپل ژوند له لاسه ورکړی او ۲۳ نور ټپیان شوي دي.
په وژل شویو کې ډېری ښځې او ماشومان دي.
د هند کرېکټ غوره لیګ یا ایپياېل په زړه پورو سیالیو په لړ کې نن چهارشنبه، اپرېل ۱۶مه راجستان رویلز له ډیلي کپېټلز سره سیالي کوي.
ټاکل شوې چې یاده لوبه نن ماښام ۶:۳۰ بجې د هند د ډیلي په «ارون جېټلې کرېکټ لوبغالي کې» پیل شي.
د روسیې پوځي محکمې د دغه هېواد یو سرتېری له جګړې د تېښتې او اوکراین ته په خپله خوښه د تسلیمېدو له امله په ۱۵ کاله بند محکوم کړی دی.
روسیې همداراز پنځه نور کسان چې عمرونه یې، له شلو ښکته دي، د چورلکې او اوسپنې پټلۍ تجهیزاتو ته د اوراچولو په تور د بند سزا ورکړې ده.
د حماس ډلې اعلان کړی چې د اسراییلو وروستي برید د اسراییل-امریکايي د برمته شوي کس له ساتونکې ډلې سره د دوی اړیکه پرې کړې ده.
د امریکا ولسمشر ډونالډ ټرمپ وايي، هغه کډوال چې په ناقانونه توګه دغه هېواد کې اوسېږي، په خپله خوښه ووځي، مالي مرستې به ورسره وشي.
نوموړي له فاکسنیوز سره مرکه کې همداراز ټينګار کړی، دغه ناقانونه کډوال چې په دواطلبانه توګه له امریکا وځي، د مالي مرستې ترڅنګ به د دې فرصت ولري چې له قانوني لارو بېرته امریکا ته راشي.
د پاکستان په بلوچستان کې د پولیسو پر موټر د شوې چاودنې له امله درې پولیس وژل شوي او ۱۹ نور ټپیان دي.
پېښه نن سهشنبه، اپرېل ۱۵مه د بلوچستان ایالت د مستونګ سیمې په شمساباد سیمه کې شوې ده.
د پاکستان «ډان» ورځپاڼې د راپور له مخې، چاودنه د پولیسو بس موټر پسې د نښلوونکي ماین له امله رامنځته شوې.
د اروپايي ټولنې د بهرنۍ پالیسۍ مشرې کایا کالاس پر “ایکسپاڼه” یوه پیغام کې لیکلي: «موږ فلسطینیانو سره خپل ملاتړ پیاوړی کوو. دغه ۱.۶ میلیارد یورو به تر ۲۰۲۷ کال پورې لویدیځه غاړه او غزه کې د وضعیت په ثبات کې مرسته وکړي.»
اروپايي ټولنې ویلي چې ۶۲۰ میلیون یورو د فلسطیني د کورواکه ادارې د ملاتړ او اصلاحاتو لپاره، ۵۷۶ میلیون یورو د لویدیځې غاړې او غزې د بیارغونې لپاره او ۴۰۰ میلیون یورو د پور په توګه ځانګړي شوي دي.
د هند کرېکټ غوره لیګ یا ایپياېل کې نن چینای سوپر کنګز له لکناو سوپر جاینټز لوبډلې سره سیالي کوي.
ټاکل شوې چې یاده لوبه نن دوشنبه، اپرېل ۱۴مه، ماښام ۶:۳۰ بجې د هند د لکناو په «بهارت رتنا شري اتل بېهاري واجپای اکانا کرېکټ لوبغالي» کې پیل شي.
د پاکستان کرېکټ سوپر لیګ کې نن یکشنبه، اپرېل ۱۳مه لاهور قلندرز له کوېټه ګلاډیاټورز سره سیالي وکړي.
ټاکل شوې چې یاده لوبه نن شپه ۷:۳۰ بجې د پاکستان په راولپنډۍ کرېکټ لوبغالي کې پیل شي.
د هند کرېکټ غوره لیګ یا ایپياېل کې نن یو ځل بیا دوه لوبې کېږي چې لومړی سیالي کې به راجستان رویلز له رویال چلنجرز بنګلور سره سیالي وکړي.
ټاکل شوې چې یاده لوبه نن یکشنبه، اپرېل ۱۳مه د هند د جېپور په «سوای منسنګ کرېکټ لوبغالي» کې پیل شي.
