د شماليکوریا مشر کېم جونګ اون د یاد هېواد د «ټانک جوړولو» له یوې کارخونې لیدنه کړې او د کوریايي ټانکونو د جوړولو برخه کې یې، د پرمختګ خبر ورکړی دی.
د شماليکوریا دولتي خبري رسنۍ «KCNA» خبر ورکړی چې کېم جونګ اون دې کارخونه کې پوځ ته د وینا پرمهال ویلي چې پر پرمختللو ټانکونو سمبا پوځ د دوی لومړیتوب دی.
د اسراییلو لومړی وزیر بنیامین نتنیاهو وايي چې د سوریې پلازمېنې دمشق کې ولسمشرۍ ماڼۍ ته نږدې یې، بمباري کړې ده.
نوموړي ویلي چې دغه برید یې، دمشق کې له «دروزي لږکیو» څخه د ساتنې او له دوی د ملاتړ لپاره کړی دی.
په یمن کې د حوثیانو ډله وايي چې د حیفا ښار ته نږدې یې، د اسراییلو پوځي اډه په توغندي وېشتلې ده.
د حوثیانو ویاند یحیی سرېع په یوې ټلوېزیوني بیانیه کې اعلان کړی چې د سوېلختیځ حیفا ښار ته نږدې یې، د اسراییلو «رامات دیوید» پوځي اډې ته یې، بالېستیک توغندی، توغولی دی.
غزه کې روغتیايي چارواکي وايي چې له تېرې ورځې راهیسې د اسراییلو بریدونو او روانو عملیاتو پرمهال لسګونه کسانو خپل ژوند له لاسه ورکړی دی.
د روغتیايي چارواکو په وینا، یوازې تېره ورځ د اسراییلي ځواکونو په بریدونو کې ۳۱ کسانو خپل ژوند له لاسه ورکړی او ځینې نور بیا ټپیان شوي دي.
په ورته مهال چارواکي وايي چې نن جمعه، مې دویمه، د غزې په بېلابېلو سیمو له هغې ډلې خانیونس کې د بریدونو پرمهال یوشمېر کسانو ژوند له لاسه ورکړی.
د ایران حکومت د محسن لنګرنشین په نوم یو کس چې اسراییلو ته په جاسوسۍ او ترهګرو اقداماتو کې د همکارۍ په تور نیول شوی و، نن چهارشنبه، اپرېل ۳۰مه اعدام کړی دی.
د پاکستا لومړي وزیر شهباز شریف له امریکا غوښتنه کړې چې پر هند خپل فشار زیات کړي، څو د خبرو پر ځای په مسوولانه توګه عمل وکړي.
نوموړي دغه غوښتنه د امریکا بهرنیو چارو وزیر مارکو روبیو سره د ټیلیفوني اړیکې پرمهال کړې ده.
د اسراییلو په اورشلم «بیتالمقدس» ښار شاوخوا ځنګلونو کې د اورلګېدنې له امله د هستوګنې ګڼشمېر یمې تخلیه شوي او له پلازمېنې تلابیب سره نښلېدونکې لویه لاره هم تړل شوې ده.
د یادې اورلګېدنې له کبله د اسراییلو لومړي وزیر بنیامین نتنیاهو بېړنی وضعیت اعلان کړی او له نورو هېوادونو یې، د اور مهار لپاره د مرستې غوښتنه کړې ده.
د سوېليکوریا چارواکي وايي چې د اوکراین او روسیې ترمنځ په روانه جګړه کې د شماليکوریا شاوخوا ۶۰۰ سرتېري وژل شوي دي.
د سوېليکوریا قانون جوړونکو د یاد هېواد د استخباراتي اژانس له قوله اعلان کړی چې د روسیې په ملاتړ او د اوکراین پر ضد د شماليکوریا شاوخوا ۱۵۰۰۰ سرتيري یادې جګړې ته لېږدول شوي دي.
د امریکا سمندري ځواک وايي چې د دوی یوه جېټالوتکه له بېړۍ څخه سره سمندر ته لوېدلې ده.
په پېښه کې یو کس ټپي شوی هم دی.
د روسیې ولسمشر ولادېمیر پوتین په دویمه نړیواله جګړه کې د شوروي اتحاد او متحدینو د بریا ۸۰ یمې کلیزې په مناسبت اوکراین سره جګړه کې درې ورځنی اوربند اعلان کړ.
رویټرز خبري اژانس نن سهشنبه، اپرېل ۲۹مه په یوه راپور کې ویلي چې دا ۷۲ ساعته اوربند به د راتلونکې مې میاشت له ۸ او ۱۰ پلی شي.
نړیوالو رسنیو نن (سهشنبه، ثور ۹) راپور ورکړی چې د اوسني موقت لومړي وزیر مارک کارني په مشرۍ لیبرال ګوند د دولت جوړولو لپاره اکثریت څوکۍ ترلاسه کړي دي.
که څه هم د څوکیو شمېرل دوام لري، خو لیبرال ګوند د ۳۴۳ ټاکنیزو حوزو له ډلې ۱۶۷ حوزو کې مخکې دی.
د مارک کارني په بریا سره لیبرال ګوند د یوې لسیزې لپاره په واک کې پاتې کیږي.
هغه په اوټاوا کې تر بریا وروسته وینا کې وویل، امریکا سره د کاناډا پخوانۍ اړیکې پایته رسیدلي.
د حزبالله مشر نعیم قاسم د لبنان پر حکومت غږ کړی چې په هېواد کې د اسراییلو د ورځنیو بریدونو د پای ته رسولو لپاره لاډېر کار وکړي.
نوموړي په یوې ټلوېزیوني وینا کې ویلي چې حزبالله د اوربند تړون ته ژمن پاتې شوی، خو په وینا یې، اسراییلو مات کړی او بریدونه یې، روان ساتلي دي.
ټرمپ یکشنبه، اپرېل ۲۷مه په نیوجرسي کې خبریالانو ته ویلي: «د ایران وضعیت په تړاو فکر کوم چې شرایط ښه روان دي. فکر کوم چې هوکړې ته به ورسېږو. ډاډمن یم چې داسې به وشي، موږ به د بمبارۍ له اړتیا پرته یوې هوکړې ته ورسېږو.» په ورته مهال دواړو لوریو ژمنه کړې چې د مذاکراتو راتلونکې ناسته به وکړي.
هندي چارواکي وايي چې د څلورمې ورځې لپاره یې، پوله کې د پاکستاني ځواکونو د ډزو ځواب ورکړی دی.
هندي کشمیر کې پر سیلانیانو له مرګوني برید وروسته د څلورمې پرلهپسې ورځې لپاره پوله کې د دواړو هېوادونو سرتېري وخت ناوخت پر یوه بل د سپکو وسلو ډزې کوي.
د یمن چارواکي وايي چې د یاد هېواد په صعده ښار کې د امریکايي ځواکونو د بمبارۍ له امله ۶۸ کسان وژل شوي او ۴۷ نور ټپیان دي.
برید په صعده ښار کې د افریقايي هېوادونو د کډوالو پر یوه توقیف ځای شوی دی.
حوثیانو پورې تړلی المسیره ټلوېزیون په یوه راپور کې ویلي چې په دې توقیف ځای کې ۱۱۵ بندیان وو چې ۶۸ یې، په برید کې وژل شوي دي.
د یمن پر پلازمېنې صنعا د امریکايي ځواکونو په هوايي برید کې اته کسان وژل شوي او یوشمېر نور ټپیان دي.
حوثي ډلې پورې تړلې المسیره ټلوېزیون راپور ورکړی چې دغه کسان د پلازمېنې صنعا په شمال، الحارث سیمه کې وژل شوي دي.
