نن د خوب نړیواله ورځ ده
نن شنبه، د مارچ ۱۵مه د خوب له نړیوالې ورځې سره برابره ده. د خوب نړیوالې ټولنې سږکال دغه ورځ د «خوب روغتیا ته لومړیتوب
نن شنبه، د مارچ ۱۵مه د خوب له نړیوالې ورځې سره برابره ده. د خوب نړیوالې ټولنې سږکال دغه ورځ د «خوب روغتیا ته لومړیتوب
د روسیې ولسمشر ولادېمیر پوتین کُرسک کې د اوکراین کلابندو سرتېرو ته ویلي چې یا دې تسلیم شي او یا دې ووژل شي.
پوتین یادو سرتېرو ته په اشارې سره ویلي چې ۳۰ ورځنی اوربند د اوکراین په ګټه دی او روسیې ته هېڅ ګټه نهلري. نوموړي په ښکاره توګه له اوربند سره مخالفت ښودلی.
د فلسطین حماس ډلې د اسراییلو د هغې پرېکړې غندنه کړې چې په الاقصی جومات کې یې، د روژې د دویمې جمعې پرمهال د لمونځکوونکو مخه نیولې ده. حماس په یوې بیانیه کې په روانې روژې میاشت کې د فلسطینیانو پروړاندې ورته اقدامات، د اسراییلو مذهبي جګړه بللې ده.
د امریکا ولسمشر ډونالډ ټرمپ وايي چې د شماليکوریا مشر کېم جونګ اون سره لاهم ښې اړیکې لري.
ټرمپ چې په اووال دفتر کې د ناټو له عمومي منشي مارک روټ سره یوې خبري ناسته کې خبرې کولې، یو ځل بیا شماليکوریا د یوه اټومي ځواک په توګه یاد کړی دی.
د اوکراین ولسمشر ولودېمیر زېلېنسکي وايي چې د روسیې ولسمشر ولادېمیر پوتین د اوربند نه منلو لپاره زمینه برابروي، خو په وینا یې، د ډونالډ ټرمپ له وېرې، نوموړي ته دغه خبره نشي کولای. زېلېنسکي وايي چې روسیه دا مهال د اوربند لپاره شرایطي ټاکي او غواړي چې اوربند وځنډوي او یا هم په بشپړه توګه یې، د پليکولو مخه ونیسي.
د امریکا ولسمشر ډونالډ ټرمپ وايي چې هېڅ فلسطینی وګړی به له غزې ونهاېستل شي، حتا که دی پر یادې سیمې ولکه هم خپله کړي.
نوموړي پرون چهارشنبه په سپینه ماڼۍ کې د ایرلنډ لومړي وزیر مایکل مارټین سره د لیدنې پرمهال د یوه خبریال د پوښتنې په ځواب کې وویل: «هېڅوک هېڅ فلسطینی نهشي شړلی.»
رویټرز خبري اژانس د دوو سرچینو له قوله ویلي چې روسیې د جګړې پای ته رسولو او امریکا سره د خپلو اړیکو بیارغونې لپاره واشنګټن سره د خپلو غوښتنو یو نوملړ شریک کړی دی.
رویټرز نن پنجشنبه، مارچ ۱۳مه په یوه راپور کې ویلي، دا معلومه نهده چې مسکو د خپلو غوښتنو په نوملړ کې څه ځای کړي او په رښتیني توګه غواړي چې اوکراین سره سوله وکړي، که نه؟
د پاکستان په بلوچستان کې بلوڅ بېلتون غوښتونکې ډله وايي چې له پوځ سره په نښته کې یې، څه باندې ۵۰ سرتېري وژلي دي.
د پاکستان امنیتي ځواکونه له تېرو دوو ورځو راهیسې د بلوچستان په بولان سیمه کې له یادې ډلې د هغو مسافرو ته خوشې کولو لپاره عملیات پیل کړي چې بلوڅ بېلتون غوښتونکو له یوه اورګاډي سره یوځای برمته کړي دي.
سپینه ماڼۍ کې د اوکراین او امریکا ولسمشر ترمنځ له جنجالي لیدنې وروسته، د دواړو خواوو پلاویو تېره ورځ د سعودي عربستان په جدې ښار کې غونډه کړې او د سولې او له اوکراین څخه د امریکا د ملاتړ دوام په اړه یې خبرې کړي دي.
د اسپانیا چارواکي وايي چې د یاد هېواد په بارسلونا ښار کې یې، لس پاکستانیان د ترهګرۍ په تور نیولي دي.
د پاکستان جیونیوز رسنۍ په یوه راپور کې ویلي چې دغه نیول شوي شکمن کسان له یوې منظمې جرمي ډلې سره تړاو لري.
د ملګروملتونو د بشري مرستو چارواکي وايي چې غزه کې د اسراییلو کلابندي د څه باندې دوه میلیونه فلسطینیانو ژوند له ګواښ سره مخ کړی دی.
د اسراییلو جېټالوتکو د سوریې په سوېلي ولایت درعا کې د پرځېدلي مخکیني حکومت بشارالاسد د وفاداره ځواکونو پر مرکزونو هوايي بریدونه کړي دي.
الجزیرې خبري شبکې د سوریې دولتي خبري اژانس سنا له قوله راپور ورکړی چې بریدونه دوشنبه شپه د درعا په شمال کې پر دوو ښارګوټو شوي دي.
سوېليکوریا د امریکا او د دغه هېواد د ګډو پوځي تمریناتو پرمهال شماليکوریا بالېستیک توغندي توغولي دي.
د سوېليکوریا د ګډو ځواکونو لوی درستیز دوشنبه، مارچ لسمه ویلي چې روان کال شماليکوریا د پنځم ځل لپاره له لوېدیځ ساحل څخه سمندر ته څو توغندي توغولي دي.
که څه هم د اوکراین ولسمشر د جګړې پای ته رسولو لپاره د امریکا له استازیو سره د خبرو لپاره چمتووالی ښودلی، روسیه وايي، سومي او کرسک سیمو کې یې، د پام وړ پرمختګونه کړي دي.
ټاکل شوې چې سبا سهشنبه، مارچ یوولسمه، د اوکراین او امریکا استازي د سعودي عربستان په جدي ښار کې د روانې جګړې پای ته رسولو لپاره خبرې پیل کړي.
د سوریې د لنډمهالي حکومت مشر احمدالشرع په دغه هېواد کې پر ملي یووالي او د سولې پر پایښت ټينګار کړی دی.
نوموړی دغه څرګندونې داسې مهال کوي چې دا مهال د سوریې په شمال کې د مخکیني پرځېدلي حکومت ولسمشر بشاالاسد پلوي ځواکونه د احمدالشرع تر مشرۍ لاندې لنډمهالي حکومت سره په نښته دي.
د ایران مذهبي مشر ایتالله علي خامنهای وايي چې امریکا له ایران سره د مذاکراتو لپاره نه، بلکې پر دغه هېواد د خپلو غوښتنو د منلو لپاره خبرې اترې غواړي.
علي خامنهای دغه څرګندونې د ټرمپ د هغو خبرو په غبرګون کې کړي چې ویلي یې دي، د ایران مشر ته یې، د اټمي وسلو په اړه د خبرو بیاپیل په موخه لیک استولی دی.