د امریکا ولسمشر ډونالډ ټرمپ تېره ورځ چهارشنبه د ملي امنیت لپاره د ګواښ په دلیل متحده ایالتونو ته د افغانستان، ایران او سوډان په ګډون د ١٢ هېوادونو د وګړو په سفر بندیز لګولی.
د راپورونو پر اساس، ټرمپ د یوه فرمان په لاسلیک کولو سره له دوشنبې ورځې د جون له ٩مې وروسته د ١٢ هېوادونو د وګړو په سفر بندیز او د ٧ نورو هېوادونو د مسافرینو لپاره جزئي محدودیتونه وضع کړي دي.
د اسراییلو پوځ وايي چې غزه کې له حماس ډلې سره په نښته کې یې، یو سرتېری وژل شوی دی او یو بل ټپي دی.
په یوه بیان کې د اسراییلو پوځ د دغه سرتیري نوم الون فارکاس یاد کړ چې د اسراییلو په شمال کې د کبري کبوتز سیمې اوسېدونکی دی.
د غزې په خان یونس کې د اسراییلي ځواکونو د هوايي برید پرمهال لږترلږه ۱۸ کسانو خپل ژوند له لاسه ورکړی دی.
په دې برید کې یوشمېر نور کسان ټپیان شوي هم دي.
د اسراییلو پوځ وايي چې له سوریې د دوو توغندیو له وېشتلو وروسته هغې هېواد کې د اوسني نظام د وسلو زېرمې په نښه کړي دي.
د سوریې دولتي خبري اژانس او امنیتي سرچینو د اسراییلو د بریدونو راپور ورکړی چې په نږدې یوه میاشت کې لومړي پراخ بریدونه و چې د دمشق په کلیوالي سیمو، قنیطره او درعا کې یې څو ځایونه په نښه کړي دي.
د کاناډا د البرټا ښار یوه اوسېدونکي د څلورم ځل لپاره د لاټري ګټونکی شو او یو میلیون ډالر جایزه یې، ترلاسه کړه.
د کاناډا د رسنیو د راپورونو له مخې، د لیتبریج اوسېدونکی ډیویډ سرکین د ۲۰۲۵ کال د مې په درېیمه مه د ۴۹-۶ ګولډبال په نوم قرعهکشۍ کې یو میلیون ډالر ګټلي دي.
د اسراییلو پوځ وايي چې د غزې په شمال کې له حماس سره په نښته کې یې، درې سرتېري وژل شوي دي.
د پاکستان امنیتي چارواکو ویلي چې د پاکستان د کراچۍ ښار د ملیر زندان څخه ۲۱۶ بندیان تښتیدلي دي.
دا پېښه د دوشنبې په ماښام د زندان دننه د بلوا وروسته او د څو پرلهپسې زلزلې ټکانونو پرمهال رامنځته شوې.
د غزې په سوېل کې د مرستو وېش یوه مرکز ته نږدې پر راټولو شویو خلکو د اسراییلي ځواکونو د ډزو په پایله کې ۲۷ کسانو خپل ژوند له لاسه ورکړی او لسګونه نور ټپیان شوي دي.
هند کې چارواکي وايي چې د دغه هېواد په شمال ختیځ سیمو کې د تېرو څلورو ورځو راهیسې د سختو سېلابونو او له امله یې، د ځمکې ښووېیدنې له کبله لږترلږه ۳۴ کسانو خپل ژوند له لاسه ورکړی دی.
د هند د هواپېژندنې ادارې په یاد هېواد کې د نورو درنو بارانونو وړاندوینه هم کړې ده.
د فلسطین اسلامي جهاد ډلې اړوند څانګې القدس برېګېډز وايي چې د غزې سوېل کې یې، د اسراییلي ځواکونو پر یوې ډلې برید کړی دی.
د سعودي عربستان چارواکي وايي چې تراوسه یې، دغه هېواد مکې ښار ته د حج ادا کولو لپاره د ورتلونکو زرګونه بېاسناده زیارتکوونکو مخه نیولې ده.
د اسوشېټېډپرېس خبري اژانس د راپور له مخې، تراوسه عربستان د حج مراسمو کې د ګډون لپاره د بېاسناده ۲۶۹زره او ۶۷۸ مسلمان زیارتکوونکو مخه نیولې ده.
د راپورونو پر اساس، د روسیې او اوکراین پلاوي به نن (دوشنبه، جوزا ۱۲) د ترکیې هېواد استانبول ښار کې د مخامخ خبرو دویم پړاو
چین د امریکا متحده ایالاتو د دفاع وزیر د څرګندونو په غبرګون کې هغه هېواد ته خبرداری ورکړی چې د تایوان مسلې په اړه «له اور سره لوبې» ونهکړي.
د امریکا دفاع وزیر پیټ هېګسیت په سینګاپور کې د یوې لوړې کچې سرمشریزې پرمهال چین سیمې ته ګواښ وباله.
د فلسطین طبي مرستو ټولنې چارواکو ویلي چې د رفح ښار په لوېدیځ کې د GHF د مرستو وېش ځای ته نږدې د اسراییلو په برید کې لږترلږه ۳۹ فلسطینیان وژل شوي او له ۲۲۰ څخه ډېر نور کسان ټپیان شوي دي.
د امریکا ولسمشر ډونالډ ټرمپ تازه څرګندونو کې ویلي چې باوري دی غزه کې د اوربند لپاره د اسراییل او حماس ترمنځ هوکړه نږدې شوې او ښايي ژر اعلان شي.
هغه وویل: «د هوکړې په اړه به نن یا سبا اطلاع درکړو.»
امریکايي چارواکي د حماس لهخوا د هغه وړاندیز رسمي ځواب ته په تمه دي چې د یوې سرچینې په وینا، غزه کې ۶۰ ورځنی اوربند پهکې شامل دی.
د اسراییلو د کورني امنیت وزیر اتمر بېنګوېر له لومړي وزیر بنیامین نتنیاهو غوښتنه کړې چې د اوربند پر ځای دې د حماس ماتولو باندې تمرکز وکړي.
نوموړي پر خپله اېکسپاڼه لیکلي: «ښاغلی لومړی وزیر! وروسته له هغې چې حماس بېرته د اوربند په اړه وړاندیز رد کړ، نور نو هېڅ پلمه نشته چې غزه کې دې کار ته دوام ورکړي.»
