د روسیې دفاع وزارت نن یکشنبه، جولای ۲۰مه خبر ورکړی چې بېګاه شپه یې،د اوکراین ۹۳ ډرون شنډ کړي دي.
د سپوتنیک خبري شبکې له لوري د دفاع وزارت له قوله ویل شوي: «د بېګاه شپې په اوږدو کې د مسکو پر وخت د شپې ۱۱:۳۰ بجو څخه د سهار تر ۷ بجو پورې، د هوايي دفاعي سېسټم په مرسته مو د اوکراین ۹۳ ډرون شنډ کړي دي.»
د غزې په بېلابېلو سیمو کې د اسراییلي ځواکونو د مرګونو بریدونو پرمهال یوازې پرون «شنبه، جولای ۱۹مه» ۱۱۶ کسانو خپل ژوند له لاسه ورکړی او ګڼشمېر نور ټپیان دي.
په یادو کسانو ۳۸ هغه مرسته ترلاسه کوونکي هم شامل دي چې رفح ښار کې د مرستو وېش مرکز مخېته د اسراییلو له لوري په نښه شوي دي.
په ویتنام هېواد کې د خراب موسم له امله د سېلانیانو یوه کښتۍ ډوبه شوې چې له امله یې ۳۷ کسانو ژوند بایللی.
د راپورونو پر اساس، په ډوبه شوې کښتۍ «ونډر سي» کې د عملې د ۵ غړو په ګډون ۵۳ کسان سپاره وو چې ۳۷ یې مړه، ۱۱ ژغورل شوي او ۵ کسان لا هم نادرکه دي.
دغه پېښه د ویتنام شمال ته په مشهوره سیاحتي سیمه «هالونګ» خلیج کې شوې.
د سوریې بشرحقونو څاربنسټ وايي چې د یاد هېواد په سویدا ښار کې د وروستۍ یوې اوونۍ پرمهال شاوخوا ۷۱۸ کسان وژل شوي دي.
دغه بنسټ چې مرکز یې، لندن کې دی، همداراز ویلي چې په وژل شویو کې د دروز ټولنې شاوخوا ۱۴۶ وسلهوال، ۲۴۵ ملکیان او ۱۶۵ نور بیا په خپل سري توګه د سوریې د اوسني حکومت د دفاع وزارت له لوري اعدام شوي دي.
غزه کې روغتیايي چارواکي وايي چې د نن ورځې پیل راهیسې د اسراییلو د بریدونو له امله تر دې مهاله ۴۱ کسانو خپل ژوند له لاسه ورکړی دی.
الجزیرې خبري شبکې نن شنبه، جولای ۱۹مه راپور ورکړی چې په وژل شویو کې ۲۹ مرسته ترلاسه کوونکي هم شامل دي.
د اسراییلو اړوند رسنیو راپور ورکړی چې د اسراییلو هوايي ځواک د جمعې په شپه له یمن څخه توغول شوی توغندی شنډ کړی دی.
په راپورونو کې ویل شوي چې د یاد توغندي له امله د اسراییلو په مرکزي سیمو، په تلابیب ښار، د شارون سیمه، د شیفلهټیټې سیمې او د بیتالمقدس شاوخوا سیمو کې د خطر زنګونه غږول شوي دي.
د یاد توغندي د ویشتلو له امله د د اسراییلو بینګوریون نړیوال هوایی ډګر ته الوتنې د لنډمهال لپاره درول شوي دي.
د سوریې د انتقالي حکومت مشر احمدالشرع پر دغه هېواد د اسراییلو بریدونو ته په غبرګون کې ویلي چې له جګړې وېره نهلري، خو په وینا یې، د ویجاړۍ پر وړاندې د ملت ګټو ته ورته لومړیتوب لري.
د اسراییلو پوځ په یوې خبرپاڼه کې ویلي چې غزه کې د نښتو پرمهال یې، دوه سرتېري سخت ټپیان شوي دي.
په خبرپاڼه کې ویل شوي چې دغه سرتېري د غزې شمال کې د نښتو پرمهال ټپیان شوي دي.
د دروز ټولنې مشر شیخ یوسف جربو د اسراییلو له لوري د سوریې پر پلازمېنې دمشق بریدونه غندلي او ویلي یې دي چې د دغه «هېواد پر حکومت برید، پر دروز ټولنې برید دی.»
د سوریې د بشرحقونو څار بنسټ وايي چې پر دغه هېواد د اسراییلو هوايي او ډرون بریدونو له امله تر دې مهاله ۲۵۰ کسان وژل شوي دي.
د راپورونو له مخې، اسراییلو پرون چهارشنبه، چنګاښ ۲۵مه، دوه ځلې د سوریې دفاع وزارت باندې برید وکړ. د یاد بنسټ د معلوماتو پر اساس، په دې بریدونو کې د یاد وزارت ۱۵ کارکوونکي وژل شوي دي.
د سوریې د بشرحقونو څـار سازمان وايي چې د یاد هېواد په سویدا سیمه کې د تېرو دوو ورځو پرمهال ۱۳۵ کسان وژل شوي دي.
دغه سازمان همداراز ویلي چې پرون سهشنبه، جولای ۱۵مه د دولتي ځواکونو له لوري په سویدا کې د دروزي لږکیو اړوند ۱۹ ملکیان اعدام شوي دي.
د سوریې په سویدا کې د روانې جولای پر ۱۳مه دغه نښتې وروسته له هغې پیل شوې چې د سني او دروزي وسلهوالو ترمنځ د انسان تښتونې او نښتې وشوې.
الجزیرې خبري شبکې راپور ورکړی چې د امریکا ولسمشر د اوکراین لهخوا پر مسکو د برید مخالفت کړی دی.
الجزیرې خبري شبکې (چهارشنبه، د چنګاښ ۲۵مه) راپور ورکړی چې ډونالد ټرمپ، پرون په سپینه ماڼۍ کې له خبریالانو سره خبرو کې، د دې پوښتنې په ځواب کې چې «زلنسکي باید مسکو هدف وګرځوي؟» وویل: «نه باید دا کار ونهشي.»
د اسراییلو پوځ وايي چې نن «سهشنبه، جولای ۱۵مه» له یمن څخه پر دوی د ډرون برید شوی دی.
د پوځ په وینا، ویشتل شوی ډرون یې، په هوا کې ویشتلی او شنډ کړی یې دی. دغه ډرون د اسراییلو سوېلي ښار اېلات ته نږدې ویشتل شوی دی.
د اسراییلو پوځ وايي چې غزه کې د نښتې پرمهال یې، درې سرتېري وژل شوي او یو افسر سخت ټپي دی.
د اسراییلو پوځ په یوې خبرپاڼه کې ویلي چې دغه سرتېري د غزې په شمال کې د حماس له لوري په راکېټ د یوه ټانک د ویشتلو له امله وژل شوي دي.
په دې پېښه کې د اسراییلو د پوځ یو افسر سخت ټپي شوی هم دی.
د امریکا ولسمشر ډونالډ ټرمپ د اوکراین جګړې پای ته رسولو په اړه د روسیې ولسمشر ولادېمیر پوتین څخه د ناهیلۍ څرګندونه کړې او ویلي یې دي چې امریکا به اوکراین ته دپاټریوټدفاعي سېسټم ورکړي.
فرانسه کې چارواکي وايي چې د دغه هېواد له یوه زندان څخه یو ۲۰کلن بندي د یوه بل بندي په بیک کې پټ او له
