د اسراییلو او ایران ترمنځ د اوربند له ټينګېدو یوه ورځ وروسته تهران د اسراییلو موساد استخباراتي ادارې ته د جاسوسۍ په تور درې کسان په دار ځړولي دي.
د فرانسې خبري اژانس د راپور له مخې، دغه درې کسان نن چهارشنبه، جون ۲۵مه، اعدام شوي دي.
د غزې په خان یونس سیمه کې د یوې چاودنې پرمهال د اسراییلو اووه سرتېري وژل شوي دي.
د اسراییل ټایمز خبري رسنۍ نن چهارشنبه، جون ۲۵مه، راپور ورکړی چې دغه سرتېري مهال وژل شوي چې یوه کس د دوی موټر ته چاودېدونکي توکي وروغورځول.
د اسراییلو پوځ وايي چې د ټرمپ له لوري د تلابیب او تهران ترمنځ د اوربند پر پليکولو له ټينګار سره سره، لاهم د ایران پروړاندې برید پای ته نهدی رسېدلی.
د اسراییلو د پوځ مشر ایال زامیر پرون سهشنبه، جون ۲۴مه له پوځي چارواکو سره په ناسته کې وویل: «موږ د یوه مهم فصل پای ته رسېدو حال کې یوو، خو د ایران پر وړاندې مو بریدونه لا پای ته نهدي رسېدلي.»
د اسراییلو سوېل په بئرالسبع کې د ایران له لوري د ویشتل شویو توغندیزو بریدونو له کبله اووه کسان وژل شوي دي.
د اسراییلو د بېړنیو خدمتونو ادارې د مسوولانو په وینا، دغه کسان د هستوګنې پر یوه کور د ایران د توغندي د لګېدو له امله وژل شوي.
غزه کې چارواکي وايي چې په بېلابېلو سیمو کې د اسراییلو بریدونو پرمهال ۳۷ کسانو خپل ژوند له لاسه ورکړی او یوشمېر نور ټپیان شوي دي.
دغه کسان نن سهشنبه، جون ۲۴مه، سهار راهیسې د اسراییلي ځواکونو په ډزو کې وژل شوي دي.
د الجزیرې خبري شبکې د راپور له مخې، یوازې ۲۹ کسانو د مرستو وېش مرکز ته نږدې خپل ژوند له لاسه ورکړی دی.
الجزیرې خبري شبکې راپور ورکړی چې د اسراییل لومړي وزیر بینیامین نتنیاهو د ایران او اسراییل ترمنځ د امریکا ولسمشر ډونالډ ټرمپ د اوربند تړون منلی دی.
نتانیاهو وايي، دوی په ایران کې خپلو موخو ته رسېدلي دي او د پیل کړې جګړې هدف چې د ایران اټومي تاسیسات او توغندیز ګواښ و، له منځه ولاړ.
نتنیاهو ویلي چې نن به په دې اړه یوه اعلامیه هم خپره کړي.
د امریکا ولسمشر ډونالډ ټرمپ ویلي چې د اسراییل او ایران ترمنځ “بشپړ” اوربند شوی دی.
ان بي سي شبکې نن )سهشنبه، سرطان ٣) راپور ورکړی چې ټرمپ د قطر له امیر څخه مننه کړې چې “په سیمه کې یې د سولې لپاره هڅې کړي دي.”
د راپور پر اساس، ټرمپ تمه ښوولې چې اوربند “د تل لپاره” دوام وکړي.
پر ایران د امریکا برید ته په غبرګون کې د پاکستان حکومت د نوبل جایزې ته د ټرمپ له نوماندۍ یوه ورځ وروسته پر ایران د هغه برید غندلی دی.
پاکستان د امریکا ولسمشر ډونالډ ټرمپ د نوي ډیلي او اسلاماباد ترمنځ شوي کړکېچ کې د نوموړي د منځګړیتوب له امله د نوبل سولې لپاره نومولی و.
د اوکراین پر بېلابېلو سیمو د روسیې د بېپېلوته الوتکو د بریدونو پرمهال اووه کسان وژل شوي او لسګونه نور ټپیان دي.
د اوکراین لوړپوړو چارواکو نن دوشنبه، جون ۲۳مه، ویلي چې روسیې بېګاه شپه د کېیف او شاوخوا سیمو دغه بریدونه کړي دي.
ځانمرګی برید هغه مهال شوی چې د دمشق «دویله» سیمې په مارالیاس کلیسا کې ګڼشمېر خلک پر عبادت بوخت وو.
که څه هم تراوسه د یاد برید مسوولیت کوم چا یا ډلې پر غاړه نهدی اخیستی، خو د سوریې کورنیو چارو وزارت ویلي، داعش وسلهوال کلیسا ته ننوتی او ځان پورې تړلو چادوېدونکو توکو ته له چاودنې ورکولو وړاندې یې، پر خلکو ډزې کړې دي.
پر ایران د اسراییلو او امریکا بریدونو ته په غبرګون کې شماليکوریا وايي چې منځني ختیځ کې د روان تاوتریخوالي او ترینګلتیا اصلي لامل واشنګټن او تلابیب دی.
د شماليکوریا دولتي خبري اژانس نن دوشنبه، جون ۲۳مه پر ایران شوي بریدونه غندلي او هغه یې، د یوه هېواد د ملي ګټو او ارضي تمامیت نقض بللی دی.
پر ایران د اسراییلو او امریکا د هوایي بریدونو په لړ کې د ایران حکومت وایي چې اسراییلو ته د جاسوسۍ په تور یې، یو کس اعدام کړی دی.
د ایران نیمه دولتي رسنۍ فارس نن دوشنبه، جون ۲۳مه په یوه راپور کې ویلي چې د یاد هېواد حکومت محمدامین مهدوي شایسته اسراییلو ته د جاسوسۍ په تور په دار زړولی دی.
دغې رسنۍ دغه کس د اسراییلو د موساد سایبري ډلې مشر یاد کړی چې په ۲۰۲۳کال کې نیول شوی و.
د اسراییلو پوځ ادعا کړې چې د ایران په بېلابېلو سیمو کې یې، پر شپږو هوايي ډګرونو بریدونه کړي دي.
الجزیرې خبري شبکې نن دوشنبه، جون ۲۳مه، راپور ورکړی چې په دې بریدونو کې د ایران د پوځ اړوند ۱۵ الوتکې او چورلکې لهمنځه وړل شوي دي.
د امریکا بهرنیو چارو وزارت یوه خبرپاڼه کې ویلي چې پر ایران د برید له امله ښايي منځني ختیځ کې د امریکا ګټو او یا
د پاکستان حکومت ویلي چې د امریکا ولسمشر ډونالډ ټرمپ یې د هند او پاکستان ترمنځ د کړکېچ پرمهال د مهم رول لوبولو له امله،
د امریکا ولسمشر ډونالډ ټرمپ پر ایران تر برید وروسته وینا کې وایي، ایران اوس باید سوله وکړي کنه نو په خبره یې، “راتلونکي بریدونه به تر دې سخت وي.”
هغه وویل، د ایران په دريو اټومي تاسیساتو یې بریالي عملیات کړي او په بشپړ ډول له منځه وړي دي.
هغه د خپلې وینا یوه برخه کې ایران د منځني ختیځ قُلدر وباله او زیاته یې کړه چې که دغه هېواد سوله ونه کړي، تر ننني سهار لا ډېره ستره ستراتیژي عملي کېدونکې ده.
