د چين دولتي رسنۍ راپور ورکړی چې د شنبې په شپه د شمالي چين په انرموګولیا کې د سېلاب له امله لږترلږه اته کسان مړه شوي او څلور نور لادرکه دي.
دغه پېښه د ختيځې اسيا د مونسن سختو بارانونو پرمهال رامنځته شوې چې د نړۍ دويم ستر اقتصاد لرونکي هېواد ته یې ګډوډي رامنځتهکړې ده.
د روسیې د ورونژ سیمې چارواکي وايي چې د اوکراین د بېپیلوټه الوتکې په وروستي برید کې د اورپټلۍ یو کارکوونکی ټپي شوی او د برښنا یوه مزی زیانمن شوی دی.
د ورونژ والي الکساندر ګوسېف د یکشنبې په ورځ پر خپل ټیلیګرام ویلي: «د لومړنیو معلوماتو له مخې، د ریل پټلۍ یو تخنیکي کارکوونکی د برید پرمهال ټپي شوی او روغتون ته لېږدول شوی دی.»
د ازادو سیالیو لوبغاړی خمزات چماييف د UFC په منځني وزن کې خپل سیال ډرېکس ډوپلېسس ته ماته ورکړه او د اتلولۍ کمربند یې خپل کړ.
دغه سیالي د شنبې په شپه د امریکا د شیکاګو په یونایټډ سنټر لوبغالي کې وشوه چې پهکې نوموړي د سوېليافریقا اتل ډرېکس ډوپلېسس مات کړ.
په اندونیزیا کې د پېښو د مديريت ملي ادارې (BNPB) اعلان کړی چې د یکشنبې په سهار د مرکزي سولاوېسي په سیمه کې د ریښتر په کچه د ۶ درجې زلزلې له امله لږترلږه ۲۹ کسان ټپیان شوي دي.
د سيمه ييزو چارواکو په وينا، دغه ناورین د خيبرپښتونخوا په غرنیو او لرې پرتو سيمو کې د دوو ورځو د سختو بارانونو، ناڅاپي سېلابونواو د ځمکې ښوېدنو له امله رامنځته شوی دی.
چارواکي دا پېښه د روان کال د موسمي بارانونو تر ټولو مرګونې پېښه بولي او زياتوي چې د مرګژوبلې شمېر لاهم د زياتېدو په حال کې دی.
د یمن پلازمېنه صنعا کې نن سهار د برښنا یوې فابریکې ته نږدې لږ تر لږه د دوو چاودنو غږونه اورېدل شوي. رویټرز اژانس راپور
د امریکا ولسمشر ډونالډ ټرمپ او د روسیې ولسمشر ولادیمیر پوتین آلاسکا کې له نږدې ۳ ساعته خبرو وروسته د اوکراین جګړې په تړاو کومې هوکړې ته ونه رسېدل.
خو د راپورونو پر اساس، ټرمپ دغه ناسته ګټوره بللې او ویلي، ډېرو مواردو کې پرمختګ شوی، خو یو څو مهم اختلافات لا هم پر ځای پاتې دي.
پوتین هم د خبرو فضا ښه بللې او ټینګار یې کړی چې د اوکراین کړکېچ د تلپاتې حل لپاره باید د جګړې اصلي لاملونه له منځه یوړل شي.
د بهرنیو چارو وزیر امیرخان متقي کابل کې د اسلامي امارت د بیاواکمنېدو د څلورمې کلیزې په مناسبت جوړې شوې غونډې ته د وینا پرمهال وویل چې غزه کې د بشرحقونه نفض شوي او هر ډول ظلم پرې روان دی.
غزه کې روغتیايي چارواکي وايي چې د نن سهشنبه، اګسټ ۱۳مې سهار راهیسې تر دې مهاله د اسراییلو په بریدونو کې ۳۹ کسانو خپل ژوند له لاسه ورکړی دی.
سرچینې زیاتوي چې لږترلږه ۱۹ کسان د مرستې غوښتلو پرمهال ویشتل شوي او وژل شوي دي.
د نیوزیلنډ لومړي وزیر کریسټوفر لکسون، د اسراییلو پر لومړي وزیر بنیامین نتانیاهو توندې نیوکې کړي او ویلي یې دي چې هغه «خپل عقل له لاسه ورکړی» دی.
لکسون د غزې پر تازه بریدونو سخت غبرګون ښودلی او دا یې «په بشپړ ډول د نه منلو وړ» بللي دي.
د روسیې ولسمشر ولادیمیر پوتین د شمالي کوریا له مشر کېم جونګ اون سره ټیلیفوني خبرې کړي او هغه ته یې د دې اوونۍ په جریان کې په الاسکا کې د امریکا له ولسمشر ډونالډ ټرمپ سره د پلان شویو خبرو تازه معلومات ورکړي دي.
د امریکا د بهرنیو چارو وزیر وايي چې د فلسطین حماس ډلې ته اجازه نهشو ورکولای چې پر غزې خپلې واکمنۍ ته دوام ورکړي.
د بهرنیو چارو وزیر، مارکو روبیو، په خپلو وروستیو څرګندونو کې ویلي: «نشي کېدای حماس ته اجازه ورکړو چې پر غزې خپلې واکمنۍ ته دوام ورکړي.»
د هنګري لومړي وزیر، ویکتور اوربان د جمعې د ورځې د ټاکل شوې لیدنې په درشل کې چې د امریکا ولسمشر ډونالډ ټرمپ او د روسیې ولسمشر ولادیمیر پوتین ترمنځ کېږي، ویلي دي چې روسیه د اوکراین په جګړه کې بریالۍ شوې ده. اوربان وویل: موږ داسې خبرې کوو لکه دا چې دا یوه نه ختمېدونکې جګړه وي، خو داسې نه ده. اوکراینیانو جګړه بایللې ده، روسیې دا جګړه ګټلې ده.
د سعودي ولیعهد شهزاده محمدبن سلمان د اوکراین له ولسمشر ولودیمیر زېلېنسکي سره تلیفوني خبري کړې دي.
د سعودي رسمي خبري اژانس «واس» د راپور له مخې، محمدبن سلمان او زېلېنسکي په دې تلیفوني خبرو کې د اوکراین د کړکېچ وروستي پرمختګونه څېړلي او پر نورو موضوعاتو یې هم خبرې کړې دي.
ملګري ملتونه وايي چې غزه کې د روانې جګړې او کلابندۍ له امله شاوخوا سل ماشومانو د لوږې له امله خپل ژوند له لاسه ورکړی دی.
د ملګروملتونو د بشردوستانه مرستو د همغږۍ دفتر اوچا دغه وضعیت له شرمه ډک او ویجاړونکی بللی او د بېړني اقدام غوښتنه یې کړې ده.
د اسراییلو لومړی وزیر بنیامین نتنیاهو وايي چې غزه کې به ډېر ژر نوي پوځي عملیات پیل کړي او ټينګار یې کړی چې دغه لړۍ به په چټکۍ پای ته ورسېږي.
د رویټرز خبري اژانس د راپور له مخې، نتنیاهو په امنیتي کابینه کې د غزې د نیولو جنجالي طرحې له تصویب وروسته د حماس پر ماتې او برمته شویو پر ازادېدو ټينګار کړی دی.
