د اسرایلو پوځ اعلان کړی چې د یمن له لوري توغول شوی یو توغندی یې شنډ کړی دی. د اسرایلي پوځ په وینا، د برید پرمهال څو سیمو کې د خطر زنګونه هم وهل شوي دي.
پوځ ویلي: «د یمن له خاورې توغول شوی توغندی د اسراییلود هوايي ځواک لهخوا څارل شوی او لهمنځه وړل شوی دی.»
د بشارالاسد د رژیم له نسکورېدو وروسته سوریه سوریه نن «یکشنبه، اکتوبر پنځمه» خپلې لومړۍ پارلماني ټاکنې کوي. دا ټاکنې د دغه هېواد د نوي سیاسي پړاو یوه مهمه مرحله بلل کېږي چې چارواکي یې د «وطن یووالي او د ټول ولس د استازیتوب» پر لور یو ګام ګڼي.
په اوکراین کې چارواکي وايي چې پر دغه هېواد د روسي ځواکونو پرلهپسې بریدونه یو ځل بیا ملکیان په نښه کړي دي.
د اوکراین چارواکو نن یکشنبه، اکتوبر پنځمه ویلي چې د هېواد په شمال سومي سیمه کې دوه روسي بېپیلوټه الوتکو د اورګاډي تمځای په نښه کړی چې له امله یې یو کس وژل شوی او شاوخوا ۳۰ نور ټپیان شوي دي.
د اوکراین ولسمشر ولودېمیر زېلېنسکي روسیه په «ترهګرۍ» تورنه کړې او ویلي یې دي چې مسکو په قصدي توګه ملکي وګړي په نښه کوي.
د اندونیزیا د ناورینونو د مدیریت ملي ادارې مسوولان وايي چې د اسلامي دیني مدرسې د ودانۍ د نړېدو له پېښې وروسته د مړو شویو زدهکوونکو شمېر له ۱۶ څخه ۳۶ ته لوړ شوی دی.
دا پېښه د تېرې اوونۍ په پای کې رامنځته شوې او د ژغورنې ډلې لاهم د ورکو شویو کسانو د موندلو هڅې روانې ساتي دي.
د شماليکوریا مشر کیم جونګ اون، ژمنه کړې چې د هېواد پوځ به لاپیاوړی کړي او د نویو ستراتیژیکو وسلو او پوځي تګلارو پر پراختیا به تمرکز وکړي. دا څرګندونې هغه مهال شوي چې پیونګیانګ د خپل نظام د کلیزې د نمانځنې لپاره یوه لوی پوځي parade ته چمتووالی نیسي.
غزه کې طبي سرچینې وايي چې د اسراییلي ځواکونو د پرلهپسې هوایي او توپچي بریدونو له امله لږترلږه ۷۰ فلسطینیانو خپل ژوند له لاسه ورکړی دی.
که څه هم د امریکا متحده ایالتو ولسمشر ډونالډ ټرمپ له اسراییلو غوښتنه کړې چې غزه کې باید خپل بریدونه ودروي، خو ښکاري چې دې غوښتنې ته لاهم پام نهدی شوی.
راپورونه ښيي چې د حماس ډلې د ټرمپ د ۲۰ مادو د سولې له طرحې څخه ځینې برخې منلې دي، خو بیا هم د جګړې اور نهدی مړ شوی.
د ایران دولتي رسنیو راپور ورکړی چې نن شنبه سهار (تلې دولسمه) د دغه هېواد د اهواز په سپیدار زندان کې د شپږو عرب سیاسی بندیانو د اعدام حکم عملي شوی دی.
د قضائیه قوې اړوند میزان خبري اژانس لیکلي، دغه کسان په ۱۳۹۷ او ۱۳۹۸ کلونو کې نیول شوي وو او «په یوه برید کې د څلورو امنیتي ځواکونو د وژلو» په تور محکوم شوي وو.
د اسراییلو لومړي وزیر بنیامین نتنیاهو نن (شنبه، اکتوبر څلورمه) پوځ ته امر کړی چې د غزې ښار د اشغال عملیات ودروي. دا پرېکړه وروسته له هغه شوې چې د امریکا ولسمشر ډونالډ ټرمپ د سمدستي اوربند غوښتنه وکړه.
د اسراییلي پوځ راډیو راپور ورکړی چې سیاسي مشرتابه پوځ ته لارښوونه کړې، څو په غزه کې د یرغل عملیات راکم کړي.
د اندونیزیا حکومت اعلان کړی چې ټولنیزې شبکې ټیکټاک د برښنايي خدماتو د وړاندې کوونکي په توګه د دې اپلیکیشن د راجستر حالت یې ځنډولی
د روسیې ولسمشر ولادېمیر پوتین د امریکا د ولسمشر ډونالډ ټرمپ هغه څرګندونو ته په غبرګون کې چې روسیه یې «د کاغذي زمري» په نوم یاده کړې وه، وویل چې ښايي ناټو خپله د داسې یوه نوم وړ وي.
پوتین پرون پنجشنبه، اکتوبر دویمه خبرداری ورکړ، که واشنګټن اوکراین ته د توماهاک توغندیو د لېږلو پرېکړه وکړي، نو دا به د جګړې په کرښه کې نوی خطر لوړ کړي.
د ونزویلا حکومت د متحده ایالاتو د جنګي الوتکو له لوري خپلو پولو ته نږدې د «ناقانونه یرغل» په اړه اندېښنه څرګنده کړې او واشنګټن یې د «پوځي ځورونې» او د هېواد د ملي امنیت د ګواښلو په تور تورن کړی دی.
د اسراییلو پوځ ادعا کړې چې د لبنان سوېل په بوفور قلعه سیمه کې یې د حزبالله هغه تاسیسات په نښه کړي چې د دې ډلې د « بریدونو او دفاعي سېسټم» د مدیریت لپاره کارول کېدل.
د پوځ په خپره شوې خبرپاڼه کې راغلي: «په یاد ځای کې د ترهګریزو فعالیتونو نښې لیدل شوې وې او د وسلو زېرمتونونه، پوځي جوړښتونه او ځمکېلاندې تاسیسات بمبار شوي دي.»
د پاکستان د بهرنیو چارو وزیر، اسحاق ډار، ویلي چې د امریکا د ولسمشر ډونالډ ټرمپ له لوري د غزې په تړاو اعلان شوی ۲۰ مادهییز پلان د هغو مسلماناکثریت هېوادونو له مسودې سره سمون نهلري چې وړاندې یې ګډه طرحه وړاندې کړې وه.
غزه کې د اسراییلي ځواکونو د هوايي او ځمکنیو بریدونو له امله لږترلږه ۲۰ کسانو خپل ژوند له لاسه ورکړی او یوشمېر نور ټپیان شوي دي.
د روغتونونو سرچینې الجزیرې خبري شبکې ته ویلي چې د اسراییلو بریدونه د غزې په شمالي او مرکزي سیمو لاهم روان دي.
د ایران ولسمشر، مسعود پزشکیان، پر دغه هېواد د نړیوالو بندیزونو د بېرته راګرځېدو په اړه ویلي چې د هېواد اقتصاد باید د نفت او ګاز پر صادارتو ونه تړل شي.
د «ایرنا» د راپور له مخې، پزشکیان چې د پنجشنبې پر ورځ د بندرعباس ښار ته سفر کړی، په یوې ناستې کې وویل: «موږ هره ورځ شاوخوا ۸ میلیونه بوشکې نفت او ګاز تولیدوو. که یوازې ۱۰سلنه سپما په مصرف کې وکړو، دا د ۸۰۰زره بوشکو معادل دی.»
د ترکیې حکومت د نړیوالو بندیزونو په لړ کې د ایران د اتومي پروګرام اړوند شتمنۍ کنګل کړې دي.
د ترکیې دولت د نړیوالو بندیزونو په چوکاټ کې د ایران د اتومي پروګرام له اړوندو ۲۰ کسانو او ۱۸ بنسټونو شتمنۍ چې پهکې د ایران د اتومي انرژۍ سازمان هم شامل دی، کنګل کړي دي.
