د ایران د پوځ مشر: د اسراییلو ګواښونه لاهم موجود دي
د ایران دولتي رسنۍ د دغه هېواد د پوځ د مشر امیر حاتمي له قوله ویلي چې د اسراییلو ګواښونه لاهم شته دي او باید ورته په کمه سترګه ونهکتل شي.
د ایران دولتي رسنۍ د دغه هېواد د پوځ د مشر امیر حاتمي له قوله ویلي چې د اسراییلو ګواښونه لاهم شته دي او باید ورته په کمه سترګه ونهکتل شي.
د اوکراین اندیپندنت ورځپاڼې د دغه هېواد د هوايي ځواک د معلوماتو پر بنسټ، راپور ورکړی چې روسیې یوازې د ۲۰۲۵ کال د جولای په میاشت کې ۶۱۲۹ د شاهد ډول ډرونونه پر اوکراین توغولي؛ دا شمېر د له جولای وړاندې میاشتې په پرتله له ۵۳۳۷ ډرونونو څخه ډېر دی.
د ایران بهرنیو وزیر مرستیال سعید خطیبزاده وايي چې دغه هېواد له امریکا سره د هر ډول غیرمستقیم تعامل او خبرو ته بېړه نهلري.
د ایسنا خبري اژانس راپور ورکړی چې خطیبزاده ویلي، ایران باید ډاډ ترلاسه کړي چې امریکا سره د خبرو پیل او یوې پایلې ته د رسېدو لپاره کافي تضمینونه شتون ولري.
د غزې په بېلابېلو سیمو کې د اسراییلو د بریدونو له امله یوازې نن «شنبه، اګسټ دویمه» ۲۴ کسانو خپل ژوند له لاسه ورکړی دی.
په وژل شویو کې ۱۳ کسان مرسته ترلاسه کوونکي وو چې د مرستو ترلاسه کولو لپاره د مرستو وېش مرکز مخېته ولاړ وو.
د اسراییلو پوځ وايي چې له یمن څخه د دوی پر لور توغول شوی توغندی یې، شنډ کړی دی.
د اسراییلو پوځ په یوې خبرپاڼه کې ویلي: «د اسراییلو هوايي ځواک له یمن څخه یو توغندی شنډ کړی دی. د توغندي له امله په څو سیمو کې د خطر زنګونه فعال شوي دي.»
د امریکا ولسمشر ډونالډ ټرمپ د روسیې ولسمشر ولادېمیر پوتین د «بندیزونو پروړاندې یو مهار کس» بللی او ویلي یې دي چې نوموړی یو سرسخت سړی دی.
ټرمپ له نیوزمکس شبکې سره د خبرو پرمهال وویل: «پوتین سرسخت کس دی، خو ښې خبرې مو لرلې او درې ځلې نږدې و چې د جګړې پای ته ورسېږو.»
د امریکا ولسمشر ډونالډ ټرمپ غزه کې روان وضعیت ترینګلی او اندېښمنونکی بللی او پر حماس یې تور لګولی چې غزې ته لېږدېدونکي توکي غلا کوي.
حماس تراوسه د ټرمپ د دې ادعا په تړاو کوم غبرګون نهدی ښودلی.
ډونالډ ټرمپ په سپینه ماڼۍ کې خبریالانو ته وویل: «غواړم ډاډ ترلاسه کړم چې مرستې د غزې اوسېدونکي ترلاسه کوي.»
په وژل شویو کې دوه ماشومان هم شامل دي.
د اوکراین ولسمشر ولودېمیر زېلېنسکي تر دې وړاندې په خپله شپنۍ وینا کې د ۱۴ کسانو د وژل کېدو راپور ورکړی و او ویلي یې و چې د ژغورنې عملیات تر ماښامه روان وو. د کورنیو چارو وزارت بیا ویلي، له ۱۲۰۰ ډېر پولیس او ژغورونکي د پېښې ځای ته ورغلې دي.
د ایران ولسمشر مسعود پزشکیان د اسراییلو او امریکا پر وړاندې د ۱۲ ورځنۍ جګړې پر وړاندې خپل ځواکونه ستایلي او زیاته کړې یې ده چې دغه هېوادونو ته یې، ښه ماته ورکړه.
د نوموړي په وینا، «دښمن» نهانګېرله چې دوی به له دومره سخت ځواب سره مخ شي.
د اسټرالیا حکومت اعلان کړی چې دغه هېواد کې یوټیوب د هغو سایټونو په لړ کې شاملوي چې د تنکیو ځوانانو لپاره یې کارونه محدودوي.
دا پرېکړ چې نن «چهارشنبه، جولای ۳۰مه» اعلان شوې د اسټرالیا د مخکینۍ پرېکړې سره په ټکر کې ده چې یوټیوب ته یې معافیت ورکړی و.
د روسیې په ختیځ کې د ریښتر په کچه ۸.۸ درجې زلزلې وروسته د ارام سمندر شاوخوا یوشمېر هېوادونو کې د سونامي خبرداری ورکړل شوی دی.
دغه زلزله چې د روسیې کامچاتکا ټاپو ته نږدې شوې، له امله د سمندر څپې څلور مترو ته لوړې شوي او د ارام سمندر شاوخوا سیمو د تخلیې خبرداری ورکړل شوی.
د امریکا ولسمشر ډونالډ ټرمپ خبرداری ورکړی، که مسکو په راتلونکو لس ورځو کې د اوکراین جګړې پای ته رسولو لپاره هڅې ونهکړي، د ده په وینا یې، د روسیې پر وړاندې به تعرفې او نور ګامونه واخلي.
ټرمپ زیاته کړې چې له دې وړاندې یې، روسیې ته د ۵۰ ورځو وخت ورکړی و چې اوس یې، دغه نېټه لس ورځو ته راښکته کړې ده.
د فلسطین د خپلواکې ادارې لومړی وزیر محمدمصطفی وایي چې د یوه خپلواک، ازاد او پرمختللي هېواد په توګه د فلسطین غوښتونکي دي.
نوموړي همداراز زیاته کړه چې د دوه حکومتي حللارې په اړه نړیوال کنفرانس باید یوازې پر اعلامیو بسنه ونهکړي، بلکې عملي ګامونو ته لاره هواره کړي.
د موټر جوړونې امریکايي شرکت تسلا او د سوېليکوریا تخنیکي شرکت سامسونګ الکترونیکس ترمنځ د ۱۶ میلیارده امریکايي ډالرو ارزښت یو ستر سوداګریز تړون لاسلیک شوی دی.
د تړون له مخې، سامسونګ به تسلا ته پرمختللي چپونه تولیدوي، چې د دې شرکت په برښنايي او له موټرچلوونکي پرته موټرونو کې به وکارول شي.
د امریکا د متحدو ایالتونو ولسمشر، دونالد ټرمپ، له اروپايي ټولنې سره د یوې نوې هوکړې د ترلاسه کولو خبر ورکړی چې له مخې به یې، امریکا د اروپا پر وارداتو ۱۵سلنه ګمرکي تعرفه ولګوي.
ټرمپ دا هوکړه «تر ټولو لویه هوکړه» بللې ده.
ټرمپ دا څرګندونې پرون «یکشنبه، جولای ۲۷مه» په سکاتلند کې له د اروپايي کمېسیون له مشرې، اورزولا فوندېرلاین، سره تر لیدو وروسته وکړې.
د مصر هلالاحمر ټولنې نن دوشنبه، جولای ۲۸مه اعلان کړی چې د دویمې پرلهپسې توګه له دغه هېواده غزې ته له مرستو بار لارۍ روانې شوې دي.
دغه شاوخوا ۱۵۰۰ ټُنه مرستې غزه کې کلابندو اړمنو کسانو ته لېږدول کېږي او د دوی د خوراکي اړتیاو د برابرولو یوه څه بلل کېږي.