حوثیانو پر اسراییلو د ډرون بریدونه کړي
په یمن کې د حوثي ډله وايي چې د اسراییلو په بېلابېلو سیمو کې یې، درې اډې په ډرون ویشتلي دي.
د یادې ډلې ویاند یحیی سرېع په یوه بیان کې ویلي چې د اسراییلو په «یافا، عسقلان او بئرالسبع» کې د ډرون بریدونه کړي دي.
په یمن کې د حوثي ډله وايي چې د اسراییلو په بېلابېلو سیمو کې یې، درې اډې په ډرون ویشتلي دي.
د یادې ډلې ویاند یحیی سرېع په یوه بیان کې ویلي چې د اسراییلو په «یافا، عسقلان او بئرالسبع» کې د ډرون بریدونه کړي دي.
د امریکا ولسمشر ډونالډ ټرمپ وايي چې د روانې اګسټ میاشتې په ۱۵مه به د روسیې ولسمشر ولادېمیر پوتین سره په الاسکا کې لیدنه ولري.
هغه تمه ښودلې چې دا لیدنه به د اوکراین جګړه پای ته ورسوي. کرملین دا لیدنه تایید کړې او الاسکا یې، د یادې لیدنې لپاره ښه ځای بللی دی.
د اسراییلو پوځ وايي چې غزه کې یې د نښتو پرمهال د فلسطینۍ «الجهاد» ډلې دوه قومندانان وژلي دي.
د اسراییلو د پوځ ل لوري په خپره شوې خبرپاڼه کې ویل شوي چې د مراد ناصر موسی ابوجراد او محمود شکري الدردساوي په بېلابېلو عملیاتو کې وژل شوي دي.
د اروپا د فوټبال اتحادیې (یوفا) د فلسطین پخواني ملي لوبغاړي سلیمان العبید پر وژنه خواشیني ښودلې چې په غزه کې د خوراکي مرستو ترلاسه کولو پرمهال د اسراییلي له لوري وژل شوی دی.
د اوکراین ولسمشر ولوېمیر زېلېنسکي وايي چې د دغه هېواد اساسي قانون څخه سرغړونه نهشي کولای او په وینا یې، یرغلګرو ته به خپله خاوره ورنهکړي.
زېلېنسکي د پوتین او ټرمپ لیدنې په اړه ویلي چې اوکراین سولې ته د رسېدو لپاره رښتینو حللارو ته اماده دی. د نوموړي په وینا، د کېیف له شتون پرته هر ډول حل لاره به د اوکراین پر وړاندې حللاره وي.
د هند هوايي ځواک وايي چې د روان کال په مې میاشت کې له پاکستان سره د نښتې پرمهال یې، د هغه هېواد پنځه جېټالوتکې ویتشلي او لهمنځه وړي دي.
د هند هوايي ځواک مشر، اېپي سینګ تایید کړه چې د «سندور» په نوم په عملیاتو کې شپږ پاکستانۍ الوتکې چې پنځه یې جنګي جېټ او یوه لویه الوتکه وه، ویشتلي دي.
د سرپرست حکومت د بهرنیو چارو وزارت د اسراییلو له لوري د غزې د نیولو پرېکړه په کلکو ټکو غندلې او هغه یې د اندېښنې وړ بللې ده.
یاد وزارت نن «شنبه، زمري ۱۸مه» په یوې خپره کړې خبرپاڼه کې ویلي چې دغه پرېکړه به غزه کې د جګړې د غځېدو او روان کړکېچ د پراخېدو لامل شي.
د امریکا له لوري پر برازیل د ګمرکي تعرفو د ۵۰سلنې زیاتوالي په غبرګون کې د یاد هېواد ولسمشر لوییز ایناسیو لولا داسیلوا ویلي چې ډونالډ ټرمپ سره د خبرو نیت نهلري.
لولا د چهارشنبې پر ورځ له «رویټرز» سره په یوه ځانګړې مرکه کې وویل، دامهال له ټرمپ سره خبرې «شرموونکي» دي، او تر هغه وخته به خبرې ونهکړي، څو ډاډ ترلاسه کړي چې ټرمپ په رښتینې توګه د خبرو اراده لري.
د غزې په بېلابېلو سیمو کې د اسراییلي ځواکونو د هوايي او ځمکنیو بریدونو له کبله په یوه ورځ ۸۳ کسانو خپل ژوند له لاسه ورکړی دی.
د غزې روغتیا وزارت په وینا، په دې کسانو کې ۵۸ هغه مرسته ترلاسه کوونکي هم شامل دي چې د مرستو وېش مرکزونو مخېته ورټول شوي وو.
پاکستان وايي چې د کشمیري ولس ملاتړ یې د بهرني سیاست یوه اساسي برخه ده او په وینا یې، دغه هڅې به نه کمزورې کېږي.
دا څرګندونې د افغانستان لپاره د پاکستان سفیر عبیدالرحمن نظاماني، د «یومِ استحصال» په مناسبت کابل کې د یاد هېواد په سفارت کې د جوړې شوې ځانګړې غونډې پرمهال کړې دي.
د ویتنام دولتي رسنیو راپور ورکړی چې دغه هېواد کې د «افریقايي خوګ تبې» پېښې په پراخېدو دي او د دوو اوونیو پرمهال پر دې ناروغي د اخته خوګانو شمېر درې برابره لوړ شوی دی.
د پاکستان بهرنیو چارو وزارت د اوکراین جګړه کې د پاکستاني اتباعو د ښکېلتیا په اړه ادعاووې رد کړي او بېبنسټه بللي.
د پاکستان بهرنیو چارو وزارت نن (سهشنبه، اسد ۱۴) یوه بیان کې ویلي، «د اوکراین چارواکو تر اوسه له پاکستان سره په رسمي ډول اړیکه نهده نیولې او نه هم د دې ډول ادعاوو د ثابتولو لپاره کوم تایید شوي شواهد وړاندې شوي دي.»
یمن کې د حوثي ډله وايي چې د اسراییلو پر بېلابېلو سیمو یې، د ډرون بریدونه کړي دي.
د یادې ډلې ویاند یحیی سرېع ویلي چې د اسراییلو حیفا بندر یې، پر ډرون ویشتلی دی. د نوموړي په وینا، د اسراییلو دوه نورې سیمې یې هم وېشتلي دي.
غزه کې چارواکي وايي چې د اسراییلي ځواکونو د هوايي او ځمکنیو بریدونو له امله ۹۲ کسانو خپل ژوند له لاسه ورکړی دی.
دغه کسان یوازې پرون «یکشنبه، اګسټ درېیمه» وژل شوي چې ۵۶ کسان یې، مرسته ترلاسه کوونکي دي.
د ملګروملتونو د کډوالۍ سازمان وايي چې د یمن په سواحلو کې د یوې کښتۍ د ډوبېدو له امله ۶۸ افریقايي کډوالو ژوند له لاسه ورکړی او ۷۴ نور ټپیان شوي دي.
یمن کې د ملګروملتونو د کډوالۍ سازمان «IOM» مشر عبدالستار ایسویوف اسوشیډېډپرېس خبري اژانس ته ویلي چې په دې کښتۍ کې د ایتوپیا ۱۵۴ وګړي سپاره وو او د یمن ابین ښار ته نږدې په اوبو کې ډوبه شوې ده.
د اسراییلو لومړي وزیر بنیامین نتنیاهو غزه کې له سره صلیب غوښتنه کړې چې له حماس سره یرغمل شویو ته بېړنۍ مرستې ورسوي.
نتنیاهو د سره صلیب نړیوال سازمان سیمهییز مشر جولیان لیریسن سره د خبرو پرمهال پر هغه غږ کړی چې غزه کې د حماس له لوري یرغمل شویو ته خواړه برابر او طبي مرستې ورسوي.