د امریکا ولسمشر ډونالډ ټرمپ ویلي، ښايي دغه هېواد د نایجریا د مسیحیانو د وژنو مخنیوي لپاره پوځي اقدام وکړي. نوموړي زیاته کړې، که اړتیا وي، امریکا به یا پوځي ځواک واستوي او یا به هوايي بریدونه وکړي.
د رویټرز د راپور له مخې، ټرمپ دا څرګندونې د فلورېډا له سفر وروسته، د واشنګټن پر لور په الوتکه کې وکړې.
د امریکا ولسمشر، ډونالډ ټرمپ، ټینګار کړی چې د حماس او اسراییلو ترمنځ اوربند په غزه کې «پایښت لرونکی او نهماتېدونکی» دی.
ټرمپ نن دوشنبه، نومبر درېیمه له «سيبياېس» ټلوېزیوني شبکې سره په مرکه کې وویل: «که حماس سم چلند ونهکړي، موږ کولای شو هغوی سمدستي لهمنځه یوسو؛ هغوی په دې ښه پوهېږي.»
د سپوږمکۍ انځورونه او پوځي سرچینې ښيي چې امریکا د پورتوریکو په «روزوېلت رودز» سمندري اډه کې د خپلو پخوانیو تاسیساتو د بیارغونې کار پیل کړی دی.
د «رویټرز» خبري اژانس د تازه څېړنیز راپور له مخې، دا هغه اډه ده چې د سړې جګړې پرمهال د امریکا د سمندري ځواکونو له سترو مرکزونو ګڼل کېده.
د مکسیکو په شمال لوېدیځ ایالت «سونورا» کې د یوه پلورنځيدننه د چاودنې له امله لږترلږه ۲۳ کسان وژل شوي او شاوخوا ۱۱ نور ټپیان شوي دي.
د الجزیره تلویزیون د راپور له مخې، دا پېښه نن یکشنبه، (د لړم ۱۱مه / د نومبر دویمه) رامنځته شوې او ویل کېږي چې ډېری قربانیان یې ماشومان دي.
د روسیې د دفاع وزارت اعلان کړی چې یوشمېر اوکرایني سرتېري د دغه هېواد د ختیځ د پوکروفسک ښار په شاوخوا کې دوی ته تسلیم شوي دي.
د روسي رسنیو د راپور له مخې، یو اوکرایني سرتېری چې د دونتسک ولایت د پوکروفسک ښار ترڅنګ نیول شوی، ویلي چې د اوکراین پوځ هڅه کوله په دې سیمه کې نوې دفاعي کرښې جوړې کړي.
د غزې د روغتیا وزارت عمومي رییس، منیرالبرش ویلي، هغه ۳۰ مړي چې د جمعې پر ورځ ترلاسه شوي، د ازادو شویو د ډلې لهمنځه تر ټولو زیات ځورول شوي او یوازې یې هډوکي پاتې دي.
د فلسطین خبري اژانس صفا د البرش له قوله لیکلي چې ډېری جسدونه په داسې حالت کې دي چې یوازې هډوکي ترې پاتې او ځینې بیا د پېژندنې وړ نهدي، ځکه په وینا یې، د شکنجې، ډزو او په شګو کې د ښخولو له امله د هغوی څېرې لهمنځه تللې دي.
د لبنان د روغتیا وزارت وايي، د دغه هېواد په سوېل کې د اسراییلو د هوایي برید له امله څلور کسان وژل شوي او درې نور ټپیان دي.
دا برید هغه مهال شوی چې یوې اسراییلي بېپېلوټه الوتکې د لبنان سوېل د نبطیه ولایت په کفررمان ښارګوټي کې یو موټر په نښه کړ.
د روسیې د دفاع وزارت وايي چې د جمعې او شنبې ترمنځ شپه کې د اوکراین له لوري توغول شوې ۹۸ بېپيلوټه الوتکې (ډرونونه) د روسیې هوايي دفاعي ځواکونو لهخوا شنډ شوې دي.
د راپور له مخې، ډرونونه د روسیې څو سیمو کې شوي چې پهکې مسکو، بيلګورود، تولا، سامارا، وورونېژ، روستوف او ريازان شامل دي.
د امريکا ولسمشر ډونالډ ټرمپ هغه راپورونه رد کړل چې ګواکې د ده حکومت پرېکړه کړې چې د ونزوېلا دننه پر پوځي اهدافو بریدونه وکړي.
ټرمپ دا څرګندونې جمعه (د لړم نهمه) د خبریالانو د پوښتنې په ځواب کې وکړې او ويې ویل: «نه، هېڅ ډول پرېکړه نه ده شوې.»
د اوکراین ولسمشر، ولودېمېر زېلېنسکي وایي روسي ځواکونو د دغه هېواد پر یو بل حرارتي برښناکوټ برید کړی چې له امله یې دوه کسان وژل شوي او څو نور ټپیان دي.
زېلېنسکي په یوه ویدیويي وینا کې وویل چې برید د دونتسک د اسلوفیانسک ښار برېښناکوټ په نښه کړی، دا هغه ښار دی چې لاهم د کییف تر کنټرول لاندې دی.
د غزې د ملکي دفاع ادارې د راپور له مخې، د اسرائیلو د وروستیو بریدونو له امله لږترلږه ۱۰۴ کسان شهیدان شوي دي. په شهیدانو شویو کې۴۶ ماشومان هم شامل دي.
دا د روانې اکتوبر میاشتې له لسمې نېټې وروسته د تلفاتو تر ټولو لوړ شمېر دی.
د امریکا د جګړې وزیر پیت هیګسټ وایي چې واشنګټن د جګړې د پیل نیت نهلري، خو د هند ـ ارام سمندر په سیمه کې به د خپلو ملي ګټو دفاع په پوره ځواک وکړي.
هغه دا څرګندونې د جمعې پر ورځ (لړم نهمه) د چین دفاع وزیر سره تر لیدنې وروسته پر خپله ایکسپاڼه کړې دي.
غزه کې روغتیايي چارواکي وايي چې د اسراییلي ځواکونو د تېرو ۲۴ ساعتونو د هوایي بریدونو په پایله کې لږترلږه ۷۰ فلسطینیانو خپل ژوند له لاسه ورکړی دی.
دغه سرچینې زیاتوي چې په وروستیو بریدونو کې د مرکزي غزې په دیرالبلح کې د الاقصی شهداء روغتون نږدې د بېځایه شویو دوه خیمې او د ښاروالي په میدان کې یوه بله خېمه په نښه شوې چې له کبله یې څلور فلسطینیان شهیدان شوي او څو نور ټپیان دي.
شماليکوریا ویلي چې څو کروز توغندي یې د خپلو ستراتیژیکو بریدیزو وسلو د وړتیا ارزونې او د هېواد د پوځي ځواک ښودلو لپاره د «دښمنانو» پر وړاندې ازمویلي دي.
دا ازموینې په داسې حال کې شوي چې د امریکا ولسمشر ډونالد ټرمپ سوېليکوریا ته د سفر په درشل کې دی.
د غزې د روغتیا وزارت وايي چې د اوربند له اعلان سره سره، د اسراییلي ځواکونو بریدونه په بېلابېلو سیمو کې نهدي درېدلي او ملکي وګړي یې لاهم په نښه کوي.
د وزارت د معلوماتو له مخې، یوازې د تېرو ۴۸ ساعتونو په ترڅ کې لږترلږه اته فلسطینیان شهیدان شوي او ۱۳ نور ټپیان دي. سرچینې زیاتوي چې د ټپیانو روغتیايي وضعیت نازک دی او ښايي د مړینې شمېر لا لوړ شي.
د اسراییل پوځي چارواکي وایي، د غزې تړانګې پولې ته څېرمه د پوځ د درېوو هاموې موټرو د ټکر له امله له ۱۲ اسراییلي سرتېري ټپیان شوي دي.
د اسراییلو رسنیو د راپور له مخې، په ټپيانو کې د دوو ټپيانو روغتیايي وضعیت نازک او ۱۰ نور بیا لږ ټپيان شوي دي. د اسراییلو پوځ وايي، دغه پېښه د یوې عملیاتي چارې پرمهال رامنځته شوې او د پېښې د لامل په اړه څېړنې روانې دي.
