د افغانستان لپاره د روسیې ځانګړي استازي ضمیر کابلوف ویلي، مسکو له تروریزم او مخدره توکو سره د مبارزې په برخه کې د همکاریو پراختیا په موخه اسلامي امارت په رسمیت پېژندلی.
دې سره، قطر کې د اسلامي امارت سفیر ضمیر کابلوف د روسیې له دغې پرېکړې هرکلی کړی او ویلي چې د مسکو دغه اقدام د روسیې همنظره هېوادونه هم د اسلامي امارت په رسمیت پېژندو ته وهڅوي.
د لوګر کرنې او مالدارۍ ریاست مسوولان وایي چې د دغه ولایت په مرکز پلعلم او ولسوالیو کې د انجې کرکېلې ته د بزګرانو لېوالتیا ډېره شوې ده.
د لوګر د کرنې، اوبولګولو او مالدارۍ ریاست مطبوعاتي مسوول عبدالبصیر شاهد سلاموطندار ته وویل، د تېر په پرتله دغلته د اینجې کرکېلې ته د بزګرانو لېوالتیا ډيره شوې ده.
د لوګر پوهنې ریاست مسوولان وایي چې د ماشومانو لپاره د ملګروملتونو ملاتړې ادارې (UNICEF) له لوري د ۳۱ میلیونه افغانیو په ارزښت مرسته شوي کتابونه به د ښوونځیو پر زدهکوونکو ووېشل شي.
د بدخشان د خواهان ولسوالي اوسېدونکو د ځمکو خړوبولو لپاره د یوه کرنیز کانال د جوړولو چارې پیل کړې دي.
د خواهان ولسوالي قومي مشر رحمتالله سلاموطندار ته وايي چې د یادې ولسوالي دښتو ته د اوبو برابرولو سره په یوه کال کې دوه فصله د غنمو، وریجو او نورو مېوو حاصلات ترلاسه شي.
د خوست مرکز کې د څلور ميليون امريکايي ډالرو په لګښت په ۱۰ جریبه ځمکه کې د يوه ورزشي کمپلکس د جوړېدو چارې پيل شوې.
د بدني روزنې او ورزش عمومي رييس احمدالله وثیق د ياد ورزشي کمپلکس د چارو پيل مراسمو کې وويل، د دغه کمپلکس ټول لګښت چې شاوخوا ۴ میلیون ډالر کیږي د يوه بهر ميشتي افغان لخوا ورکول کیږي.
د پاکستان پوځ ادعا کوي چې له افغانستان سره ډیورنډ فرضي کرښې ته نږدې یې، هند پورې تړلي، ۳۰ وسلهوال وژلي دي.
د یاد هېواد د پوځ مطبوعاتي څانګې له لوري په خپره شوې خبرپاڼه کې ویل شوي چې دغه وسلهوال هغه مهال ووژل شول چې غوښتل یې، له افغانستان څخه دغه هېواد ته ننوځي.
د هرات محلي مسوولان وايي چې د تېرې یوې شپې او ورځې پرمهال څه باندې ۳۱زره افغانان له ایران څخه بېرته هرات ولایت ته راغلي دي.
د کډوالو په چارو کې د اطلاعاتو او عامه پوهاوي کمېسیون مسوولان همداراز زیاتوي چې د هرات اسلامکلا بندر له لارې تېرو ۲۴ ساعتونو کې له ایران څخه ۳۱زره او ۳۰۳ افغانان بېرته راستانه شوي دي.
د ننګرهار د همېشهبهار سب سټېشن کې د ۶۵ میلیون افغانیو په لګښت د ۳۰ مېګاواټه په ظرفیت د کپسیټر بانک نصبولو چارې پیل شوې.
د لوګر د کرنې، اوبولګولو او مالدارۍ ریاست مسوولان وایي چې د ملګروملتونو د پراختیایي پروګرام(UNDP) له لوري د دغه ولایت په مرکز پلعلم او څلور ولسوالیو کې ۶۵ شنېخونې جوړېږي.
دغه مېرمنې چې تر ډېره یې، د امریکا پراختیايي پروګرام، د خوړو نړیوال پروګرام او د خوړو او کرنې سازمانونو له لوري ملاتړ کېده، وايي، د یادو سازمانونو لهخوا ترلاسه کېدونکې خوراکي او نورو مرستو سره یې، د ژوند اساسي اړتیاوې برابرېدې. د ۴۰ مېرمنو له ډلې یې، ۱۷ لاهم د خوړو نړیوال پروګرام او د خوړو او کرنې ادارې له لوري مرستې ترلاسه کوي.
په خپره شوې خبرپاڼه کې ویل شوي: «اسلامي امارت د امریکا هغه تورونه په کلکه ردوي چې د محمودشاه حبیبي په نوم د یوه افغان د نادرکه کېدو تور یې د افغانستان د استخباراتو پر عمومي ریاست لګولي. د حبیبي د کورنۍ د عریضې په اساس په ټولو اړوندو ادارو کې پلټنه شوې، خو هېڅ داسې نښه نه ده تر سترګو شوې چې نوموړی دې د ا.ا اړوند کوم ارګان له لوري نیول شوی وي.»
د بهرنیو چارو وزارت اداري او مالي مرستیال محمد نعیم اذربایجان ته د سفر پرمهال هغه هېواد سره د اړیکو د لا پراختیا او پیاوړتیا غوښتنه کړې.
د بهرنیو چارو وزارت نن (پنجشنبه، سرطان ۱۲) پر اېکسپاڼه لیکلي چې د دغه وزارت اداري او مالي مرستیال محمد نعیم د ریاست الوزرا د اقتصادی مرستیال ملا عبدالغني برادر په مشرۍ د ګډ سفر په لړ کې، د اذربایجان د بهرنیو چارو وزارت له مرستیال ښاغلي النور محمدوف سره لیدلي.
د کورنیو چارو وزارت نن (پنجشنبه، سرطان ۱۲) ویلي چې د عامه امن ځواکونو د عاشورا مذهبي ورځو په رانږدې کېدو سره، د کابل تکیهخانو او اړونده سیمو کې کلک امنیتي تدابیر نیولي.
د مسوولانو په وینا، دغه تدابیر د هېوادوالو د امنیت ټینګښت، د احتمالي ګواښونو مخنیوي او په ارامه فضا کې د عاشورا مراسمو ترسره کېدلو په موخه نیول شوي.
د کاپیسا امنیتي مسوولان وايي، دغه ولایت کې د دوو کورنیو ترمنځ د شخړې له امله ۳ کسان وژل شوي او یو ټپي دی. د
د اسلامي امارت مشر شیخ هبتالله اخندزاده کندهار کې قاضیانو ته په جوړ شوي درې ورځني اصلاحي او روزنیز سیمینار کې وینا کړې. د اسلامي
د ریاستالوزراء اقتصادي مرستیال ملا عبدالغني برادر د اقتصادي همکاریو سازمان (ایکو) په ۱۷مه سرمشریزه کې د ګډون په موخه اذربایجان ته د سفر په ترڅ کې نن د دغه هېواد لومړي وزیر علي اسدوف سره وکتل.
د دغه لیدنه کې دواړو لورو د افغانستان او اذربایجان ترمنځ د سیاسي، اقتصادي، سوداګریزو او ترانزیټي اړیکو د پراختیا په اړه خبرې وکړې.
