د هلمند په واشېر ولسوالي کې د کابل-هرات پر لویه لاره د ټرافیکي پېښې له امله ۱۱ کسانو خپل ژوند له لاسه ورکړی او څلور نور ټپیان دي.
پېښه پرون «سهشنبه، چنګاښ ۲۴مه» د واشېر ولسوالي اړوند کارېز سیمه کې د دوو مسافروړونکو موټرو ترمنځ د ټکر له کبله رامنځته شوې ده.
افغانستان کې د «له پولیو خلاص بنسټ» وايي، ټاکل شوې چې رتلونکې اوونۍ د هېواد په بېلابېلو ولایتونو کې د ماشومانو د ګرځنډ (فلج) پولیو ضد واکسین کمپاین پیلوي.
یادې ادارې نن (چهارشنبه، د چنګاښ ۲۵مه) پر خپله ایکسپاڼه لیکلي چې دغه کمپاین به د راتلونکې دوشنبې – د چنګاښ ۳۰مه – پیل شي.
د ملګرو ملتونو د خوړو او کرنې سازمان (FAO) وایي، وچکالي د افغانستان ۱۹ ولایتونه اغېزمن کړي او دا وضعیت ورځ تر بلې په خرابېدو دی.
یاد سازمان نن «سېشنبه، د چنګاښ ۲۴مه» په خپل ایکسپاڼه (پخوانی ټویټر) کې لیکلي چې د وچکالۍ تر ټولو زیات اغېز د افغانستان په شمالي ولایتونو کې احساس شوی دی.
د ماشومانو لپاره د ملګروملتونو ملاتړې ادارې (یونېسف) په یوه راپور کې ویلي چې په هرات کې د ۲۰۰ نجونو زدهکوونکو د حرفوي زدهکړو ملاتړ
د افغانستان کرېکټ بورډ ادارې مسوولان وایي چې د لوګر مرکزپل علم ښار د کرېکټ لوبغالي کې د څلور میلیونه افغانیو په مالي لګښت د یوې پروژې چارې بشپړې او رسما پرانېستل شوه.
د لوګر د امربالمعروف، نهې عنالمنکر او شکایتونو اورېدو ریاست مسوولان وایي چې د دغه ولایت په مرکز پلعلم کې د دوو کورنیو ترمنځ ۱۶ کلنه دښمنۍ هواره شوې ده.
مطېعالله مخبت چې د بدخشان د یفتل ولسوالي د رباطک کلي اوسېدونکی دی، په خپل زیار او نوښت د «بدخشان» په نوم اپلېکېشن جوړ کړی دی.
نوموړی سلاموطندار ته وايي چې سیمه کې یې، د برښنا نشتوالي، کمزوري انټرنټ او نورو ستونزو سره سره دغه اپلېکېشن جوړ کړی.
د پکتیکا امنیتي مسوولان وايي چې دغه ولایت کې یې، هغه کس نیولی چې خپل خُسر یې، وژلی و.
د پکتیکا امنیه قومانداني څخه سلاموطندار ته په استول شوې خبرپاڼه کې ویل شوي چې د زرغون شهر ولسوالي د جنايي جرمونو پروړاندې د مبارزې مدیریت منسوبینو هغه قاتل نيولی چې خسر يې په خپل کور کې د ټوپک په وسيله وژلی و.
په داسې حال کې چې له ایران څخه هره ورځ زرګونه افغانان بېرته هېواد ته راستنېږي، د افغانستان لپاره د ملګروملتونو د یوناما مشرې روزا اوتنبایووا، د هرات اسلامکلا سرحدي سیمې ته له خپل سفر وروسته، د افغانانو د بشري وضعیت په اړه خبرداری ورکړی دی. له ایران څخه تازه بېرته ستانه شوي افغانان د خپل خراب وضعیت او بېوسۍ څخه شکایت لري.
د سرپرست حکومت د ټرانسپورټ او هوانوردۍ وزارت د هېواد په ۱۳ ولایتونو کې د سختو اورښتونو، تندو بادونو او له امله یې، د سېلابونو د راوتلو اټکل کړی دی.
د ټرانسپورټ او هوانوردۍ وزارت نن سهشنبه، چنګاښ ۲۴مه په یوې خبرپاڼه کې ویلي چې د اورښتونو او سېلابونو دغه اټکل سبا چهارشنبه په یادو ولایتونو کې شوی دی.
د خوست ښاروالي رياست مسوولان وايي چې د ښاروالي له پراختیايي بودیجې څخه شپږمه ناحیه کې د يوه سړک د جوړېدو چارې شوې دي.
د پروان په مرکز چاریکار ښار کې د سړکونو د ګڼهګوڼې، تودې هوا او سوځنده لمریز لاندې، دوه کسان د سړک کندې ډکوي؛ دوی دا کار له دې هیلې سره کوي چې ښايي د لارې موټرچلوونکو څخه به یو څو افغانۍ ترلاسه کړي. علاوالدین چې د چاریکار ښار اوسېدونکی دی، له مجبورۍ عبدالشکور سره مرسته کوي.
د پنجشېر له څلورو کانونو څخه ایستل شوي ۲۲۳۵ قیراط زمرد، د ۱۷۷،۳۵۰ امریکایي ډالرو «یوسل او اووه اویا زره، درې سوه پنځوس» په ارزښت، د یوې داوطلبۍ له لارې پر کورنیو سوداګرو پلورل شوي دي.
لوګر کې یوشمېر کروندګر سلاموطندار ته وايي چې د چرچرک ناروغۍ یا افت یوې تور بخونې حشرې ته ورته دی چې له غبرګولي تر تلې میاشتې پورې د کچالو کروند کې راپيدا کېږي او که پر وړاندې درمل ونهکارول شي، پنځوس سلنه د کچالو کروندې تخریبوي او حاصلات یې راکمېږي.
د سرپرست حکومت د ټولګټو وزارت مسوولان وایي چې د تېرې یوې اوونۍ پرمهال ۷۷زره او ۲۹ متریک ټُنه توکي د اوسپنې پټلۍ له لارې انتقال شوي دي.
د دې وزارت ویاند، محمداشرف حقشناس، نن (سهشنبه، د چنګاښ ۲۴مه) په یو خبرپاڼه کې ویلي چې دا انتقالات د چنګاښ له ۱۳مې تر ۱۹مې نېټې ترمنځ شوي دي.
د پکتیا محلي مسوولان وايي چې دغه ولایت کې د ۳۲ میلیونه افغانیو په لګښت د برښنا رسونې پروژه بشپړه او ګټېاخیستنې وسپارل شوه.
د پکتیا ولایت مقام څخه په استول شوې خبرپاڼه کې ویل شوي چې د مرکز ګردېز اړوند ګواښ، سلات بېک، نوی کلی او تاخانخېلو سیمو ته د برښنا رسونې پروژه، د ۳۲ میلیونه افغانیو په لګښت بشپړه او ګټېاخیستنې ته سپارل شوې ده.
