د پنجشېر د کانونو او پټرولیم ریاست چارواکي وایي چې د دغه ولایت په پریان ولسوالي کې له پنځو نویو کانونو څخه د «زمرد» د استخراج چارې پیل شوې.
د یادې ادارې رییس محمد قاسم امیري «شنبه، د چنګاښ ۲۸مه» سلاموطندار ته وویل چې تر دې دمه د دوی تخنیکي او مسلکي ټیمونو د پریان ولسوالي په بېلابېلو سیمو کې له ۲۵۰ زیات د زمرد کانونه تثبیت کړي دي.
په کابل کې د شپږیزې کرېکټ لیګ په لومړۍ لوبه کې دفاعي اتلې امو نهنګان په شپږو وېکټو د بُست ساتونکي لوبډلې ته ماته ورکړه.
بُست په دې لوبه کې لومړی توپوهنه وکړه او په ټاکل شویو شلو اورونو کې یې، د پنځو لوبغاړو په سوځېدو سره امو ته د ۱۴۹ منډو هدف ورکړ.
کابل – جمعه، د چنګاښ ۲۷مه : د کډوالو ستونزو ته د رسیدګۍ کمېسیون د معلوماتو له مخې، پرون پنجشنبه (۲۶ چنګاښ) له ایران څخه له ۱۷زرو زیات افغانان د هرات او نیمروز له پولو څخه افغانستان ته بېرته راستانه شوي دي.
د بهرنیو چارو وزارت ویاند عبدالقهار بلخي وايي چې د المان له حکومت سره له خبرو وروسته، ۸۱ افغان پناه غوښتونکي له دغه هېواده اخراج شوي دي.
بلخي نن سهار (جمعه) پر خپله اېکسپاڼه لیکلي چې له دې پناه غوښتونکو سره د بېرته راستنېدو ټول اسناد د بهرنیو چارو وزارت د قونسلي ریاست لهخوا بشپړ شوي او دا کسان به نن کابل ته راورسېږي.
سلاموطندار په کابل، هرات، تخار، ننګرهار، لغمان، کندوز، بامیان، بلخ، کونړ او فاریاب ولایتونونو کې له ۲۳ کُلالانو سره د مرکو په ترڅ کې موندلې چې له ډلې یې، ۲۱ کلالان د لوښو د جوړولو له لارې خپلې ورځنۍ اړتیاوې نهشي برابرولی.
دوی وايي چې ګلدانۍ، کوزې، مېوهداني او نور تزییني لوښي جوړوي، خو په وینا یې، بازار نهلري.
په داسې حال کې چې پرمختللو هېوادونو کې سونوګرافي د اومېندوارۍ پرمهال یوازې څلور ځلې او د یوه ځانګړي طبي موخې لپاره توصیه کېږي، د سلاموطندار ته موندنې ښيي چې افغانستان کې له دې ډېر، مېرمنې د اومېندوارۍ پرمهال «تلوېزیوني معاینه» یا سونوګرافي کوي.
د لوګر د صنعت او سوداګرۍ ریاست مسوولان وایي چې روانه اوونۍ د مرکز پلعلم له هوټلونو او نانوایانو څخه څارنه شوې چې د یادې څارنې په ترڅ کې ۱۲ هوټلونه او ۷ نانوایانې د ناقونه فعالیت له امله تړل شوې دي.
د لوګر اطلاعاتو او فرهنګ ریاست له لوري د «حاجي منګل احمدزي» خیریه بنسټ په مالي ملاتړ په خروار ولسوالي کې پر شاوخوا ۴۰۰ بېوزله زدهکوونکو درسي توکي ووېشل شول.
د هېواد د یوشمېر ولایتونو اوسېدونکي د خپلو نورو ورځنیو ستونزو ترڅنګ، په وروستیو کلونو کې د اقلیمي بدلون او وچکالۍ منفي اغېزې هم زغمي.
د غزني اوسېدونکي هم له څو کلونو راهیسې پرلهپسې وچکالۍ تجربه کوي چې د کرنې او مالدارۍ ترڅنګ د اوبو کمښت د خلکو ټولنیز ژوند هم اغېزمن کړی دی.
د پکتیا د کرنې، اوبولګولو او مالداری رياست مسوولان وايي چې د زرمت ولسوالي اړوند د کلالګو په سیمه کې يې د يوه کارېز او کانال د جوړولو چارې پيل کړي دي.
غزني کې یوشمېر ډاکټران وايي چې د اومېندوارۍ پرمهال رواني ستونزې د مور او ماشومان روغتیا ته ګڼې ستونزې پیدا کوي.
د دوی په وینا، که څه هم روغتیا د ټولو لپاره اړینه ده، خو اومېندواره مېرمنو لپاره حیاتي بلل کېږي چې کورنۍ ورته پام نهکوي.
د خوست ولایت د پوهنې ریاست سره د ۱۴۰۴ ښوونیز کال له پيل راهيسې تر دې مهاله د خوست اوسېدونکو د ۲۴ ميليونه افغانیو مرسته کړې ده.
د پکتیکا د پوهنې ریاست مسوولان وايي چې دغه ولایت کې د ۲۷ میلیونه افغانیو په ارزښت ښوونځیو ته د درسي توکو د وېش لړۍ پیل شوې ده.
د پکتیکا ولایت مقام څخه په خپره شوې خبرپاڼه کې ویل شوي چې د یوه همکار بنسټ په مالي ملاتړ په مرکز او ۲۴ ولسواليو کې ښوونځيو ته د درسي کتابونو او نورو کېټونو د وېش لړی پيل شوې.
ټاکل شوې چې د اوزبیکستان او پاکستان د بهرنیو چارو وزیرانو په مشري پلاوي کابل کې د سرپرست حکومت له لوري په جوړ شویو غونډو کې له ګډون سربېره، یو لړ هوکړې هم لاسلیک کړي.
د بهرنیو چارو وزارت نن پنجشنبه، چنګاښ ۲۶مه په یوې خبرپاڼه کې ویلي چې د یادو هېوادونو پلاوي به په دوه اړخیزو او درې اړخیزو غونډو کې ګډون وکړي.
کله چې لمر په راختو وي، د پروان مرکز چاریکار ښار د یوې خاورینې کوڅې په څنډه کې، غلام نبي په خپلو تڼاکو لاسونو، خاورې او اوبه سره ګډوي او د تنور پر جوړولو لګیا وي، څو د وطني ډوډۍ بوی په کورونو کې ژوندی پاتې شي.
غلام نبي چې ۵۰ کلن ښکاري، دغه سیمه کې د تنور جوړولو هنر یې له خپل پلار ورپاتې او له کلونو راهیسې له همدې لارې د خپلې کورنۍ اړتیاوې پوره کوي.
د لوګر عامې روغتیا ریاست مسوولان وایي چې د دغه ریاست اړوند د څارنې او پلټنې امریت له لوري په مرکز پلعلم کې ۱۳ درملتونونه د ناقانوني فعالیت له امله تړل شوي دي.
