د لوګر روغتیايي مسوولان وايي، مرکز پُلعلم او څرخ، خروار، برهکي برک او خوښۍ ولسوالیو کې د ۵۰۰ زره ډالرو په ارزښت د پنځو روغتیايي مرکزونو ودانۍ ګټې اخیستنې ته وسپارل شوې.
دوی وویل، دغه روغتیايي مرکزونه د ملګرو ملتونو وجهي صندوق UNFPA په مالي ملاتړ د یوه کال په موده کې جوړ او ګټې اخیستنې ته سپارل شوي.
د کابل ښار د شهرنو سیمې په قصابي کوڅه کې له چرم د توکو او وسایلو جوړولو یوې کارخونې دغې کوڅې ته یوه بله بڼه ورکړې.
کارخونه کې دننه پر چرم د څټک غږ د یو هنري اثر د جوړولو کیسه بیانوي. ۵۵کلن غلام رباني چې لاسونه یې د کلونو سخت کار له امله ټپونه هم لري، په خپل کوچني او ساده دوکان کې د چرمي توکو او وسایلو پر جوړولو بوخت دی.
د کندهار د کرنې، اوبولګولو او مالدارۍ ریاست مسوولان وايي چې د دغه ولایت په خاکرېز ولسوالي کې د یوولس میلیونه افغانیو په لګښت، یو چکډېم جوړ او ګټېاخیستنې ته سپارل شوی دی.
دغه چکډېم د ملګروملتونو د پراختیایي پروګرام (UNDP) په مالي ملاتړ، د طبیعي سرچینو امریت تر څار لاندې، د خاکریز ولسوالي د چهاربند په سیمه کې جوړ شوی دی.
د لوګر امنیه قومنداني مسوولان وایي چې د خوښیو مراسمو کې په هر ډول ډزو بندیز لګېدلی او هټيوال نهشي کولای چې پر خلکو فشنګونه او پټاقۍ وپلوري.
د دفاع وزارت د پوځ لوی درستیز قاري فصیح الدین فطرت پرته له دې چې د کوم هېواد نوم واخلي وايي، ډیورنډ فرضي کرښه کې لګول شوی اغزن سیم د منلو نهدی.
هغه نن یوې غونډې ته وویل، تېرو څو کلونو کې ځینو هېوادونو سره سرحدي پولو کې نښتې شوي، خو په وینا یې هڅه شوې چې ستونزې د خبرو له لارې حل شي.
د ملي دفاع وزارت مسوولان وايي چې دا مهال د یاد وزارت په چواکاټ کې د «اسلامي اردو» شمېر له ۱۵۰ تر ۲۰۰زره ته رسېږي.
د دفاع وزارت لوی درستیز قاري فصېحالدین فطرت وايي چې ګاونډیو هېوادونو ته لېږدول شویو چورلکیو په اړه خبرې روانې دي او په وینا یې، دغه چورلکې د افغانستان دي او دوی ترې نهتېرېږي.
نوموړي دغه څرګندونې نن سهشنبه، د چنګاښ ۳۱مه د ملي دفاع وزارت د یو کلنو لاستهراوړونو د تشرېح پروګرام کې کړې دي.
د دفاع وزارت د پالېسۍ او ستراتېژۍ مرستیال محمدقاسم فرید وايي چې دغه وزارت کې پخوانیو منسوبینو له دوی زدهکړه کړې او ټول مسلکي کسان نهوو.
د نوموړي په وینا، له مخکیني حکومت راهیسې د یاد وزارت کارمندانو او منسوبینو څخه یې، زدهکړه نهده کړې، بلکې یادو کارمندانو له دوی زدهکړه کړې ده.
د هرات مسوولان وايي، تراوسه یې له ایرانه ۵ زره او ۸۳ راستانه شوي افغانان د کار موندنې لپاره ثبت کړي، ترڅو کاري بنسټونو ته یې معرفي کړي.
دوی وویل، د هغو راستنېدونکو د ثبت ثبت بهیر دوام لري چې فني او مسلکي مهارتونه یې زده دي او دغه کسان به تر ارزونو وروسته د کار او ټولنیزو چارو وزارت ته معرفي شي.
د هلمند ځايي مسوولان وايي، لښکرګاه ښار کې د درېیمې، شپږمې او اوومې ناحیو اړوند په تېرېدونکې لارې «روخام» سړک قیر اچولو چارې پیل شوې.
د اسلامي امارت رییس الوزرا ملا محمد حسن اخند د اسلامي نړۍ د پیوستون سازمان مشر شیخ محمد بن عبدالکریم العیسي سره لیدنه کې هیله
د ریاستالوزرا اقتصادي مرستیال عبدالغني برادر ملي پراختیا شرکت کې د تولیدي فابریکو کمپلکس پرانیسته.
هغه د تولیدي فابریکو د دغه کمپلکس بیا فعالول د داخلي تولیداتو او صنایعو د ودې او پراختیا په برخه کې بنسټیز ګام بولي او وایي، په دې سره به پر بهرنیو تولیداتو د افغانستان تکیه راکمه او د کورني صنعت په پیاوړتیا کې د پام وړ مرسته وشي.
د لوګر د اوبو او انرژۍ ریاست مسوولان وایي چې د ملګروملتونو د خوړو او کرنې نړیوال سازمان (FAO) له لوري د دغه ولایت په برهکيبرک ولسوالي کې د یوه سربند د جوړېدو چارې پيل شوې.
د شپږیزې کرېکټ لیګ سیالیو په لړ کې د نن ورځې په لومړۍ لوبه کې امو نهنګان لوبډلې بندامیر ته ماته ورکړه.
په دغه لوبه کې بندامیر لوبډلې د څلور لوبغاړو په سوځېدو سره سیالې لوبډلې ته د ۲۰۰ منډو هدف ورکړیو چې امونهنګان لوبډلې په وروستي بال ترلاسه کړ.
دغه وزارت نن (دوشنبه، سرطان ۳۰) یوه خبرپاڼه کې ویلي چې د کار او ټولنیزو چارو وزارت د دوامداره هڅو په پایله کې په لومړي ځل د قطر هېواد له مختلط دولتي شرکت او د افغانستان د کارموندنې خصوصي شرکتونو ترمنځ د افغان کارګرانو د لېږد په تړاو هوکړه وشوه چې له مخې یې د اوس لپاره افغان کارګرانو ته ۷۰۰ کاري فرصتونه ځانګړي شوي.
د عامې روغتیا وزارت مسوولان وايي، نن دوشنبه (سرطان، ۳۰) د هېواد د ۱۹ ولایتونو په ۱۸۷ ولسوالیو کې د ماشومانو د ګوزڼ یا پولیو واکسین درېیم فرعي کمپاین پیل شو.
د دغه وزارت ویاند شرافت زمان امرخېل وویل، د دې کمپاین په جریان کې به چې څلور ورځې دوام کوي، نږدې ۷.۳ میلیون له پنځه کلونو کمعمر ماشومانو ته د پولیو واکسین تطبیق شي.
