د میدانوردګ والي ملاخیراالله خیرخواه د دغه ولایت مقام کې د ناروې اړوند «NEA» ادارې له مشرې انې کترین سره لیدلي او د یادې لېدنې په ترڅ کې د یادې ادارې مشرې ژمنه کړې چې په دغه ولایت کې به یوشمېر پراختیايي پروژې پيل کړي.
د لوګر مرکز پلعلم کې د صنعت او سوداګرۍ ریاست له لوري د کورنیو تولیداتو پېژندنې، ملاتړ او بازارموندنې په موخه درې ورځنی نندارتون جوړ شوی دی.
د یاد نندارتون پرانېستو مراسمو کې د صنعت او سوداګرۍ وزارت، د لوګر سیمهییزو چارواکو او سوداګرو ګډون کړی وو.
د هرات یوشمېر اوسېدونکي په دغه ولایت کې د نادرو او وحشي ژوو له ورکېدو اندېښنه څرګندوي او وايي، په تېر کې به د دې ولایت په ډېری ولسوالیو کې د ژویو بېلابېل ډولونه لیدل کیدل، خو اوس یې، څرک نهلیدل کېږي.
دوی یې لاملونه بېځایه ښکار، اقلیمي بدلونونه او پرلهپسې وچکالي یادوي چې په پایله کې یې د حیواناتو مختلف ډولونه لهمنځه تللي یا هم لرې پرتو سیمو ته کډه شوي دي.
له تېرې جمعې راهیسې د افغانستان او پاکستان ترمنځ له پوځي نښتو سره هممهاله پر ډیورنډ کرښه د تورخم، سپینبولدک، ډنډپټان، غلام خان او انګور اډې لارې لاهم د سوداګریزو توکو د لېږد-رالېږد پرمخ تړل شوې دي.
یوشمېر افغان سوداګر چې تېرو نهو ورځو راهیسې یې په توکو بار موټر دواړو خواوو ته بند پاتې، وايي چې د افغانستان د تجارتي موټرو په درولکېدو سره د تازه مېوو او سبزیو لویه برخه خرابه شوې او سلګونه میلیونه ډالر زیان ورته رسېدلی دی.
د لوګر مخابراتو او معلوماتي ټکنالوژۍ ریاست مسوولان وایي چې د دغه ولایت مرکز پلعلم په بابوس او برهکي برک ولسوالي په پنده سیمه کې دوه مخابراتي سايټونه پرانېستل شول.
د پکتيکا په مرکز ښرنه کې د کرېکټ يوشمېر لوبغاړي وايي چې د پاکستان د پوځي رژيم له لوري په ارګون ولسوالي کې د کرېکټ په لوبغاړو شوي بريد په تړاو دې نړيوالې ادارې بېپرې څېړنې وکړي.
دوی يادې څرګندونې په مرکز ښرنه کې د شهيد شو لوبغاړو روح ته د دعا په مراسمو کې وکړې.
د اسلامي امارت د ځواکونو او د پاکستان د پوځ ترمنځ د نښتو له زیاتېدو وروسته، د پاکستان لومړي وزیر د دې هېواد له لوړپوړو چارواکو سره په یوه غونډه کې ټولو ایالتونو ته امر کړی چې بېاسناده افغان کډوال په چټک او منظم ډول له هېواده وباسي.
اوس مهال زرګونه افغان کورنۍ چې له کلونو راهیسې د پاکستان په بېلابېلو کمپونو کې مېشتې دي، د شړلو له جدي ګواښ سره مخ دي.
د پکتیکا د پوهنې ریاست د ښوونیزو خدمتونو د پیاوړتیا په موخه اعلان کړی چې د ولایت په مرکز او شپږو ولسوالیو کې به ۲۱ ښوونځیو ته د ۲۶ میلیونو افغانیو په لګښت د لمریزې (سولر) برښنا سېسټونه ولګول شي.
د پکتیکا د پوهنې ریاست له لوري په خپره شوې خبرپاڼه کې ویل شوي، دغه سېسټمونه د پوهنې له یوه همکار بنسټ سره په مالي او تخنیکي همکارۍ فعالېږي.
د اسلامي امارت ویاند، ذبیحالله مجاهد نن یکشنبه (د تلې۲۷مه) په یوې خبرپاڼه کې ویلي چې د اسلامي امارت او پاکستان د استازیو ترمنځ خبرې د دوه اړخیز تړون په لاسلیکېدو سره پای ته رسېدلې دي.
په خبرپاڼه کې ویل شوي، دواړو هېوادونو د بشپړ اوربند، متقابل درناوي او د ښه ګاونډیتوب پر اصولو ټینګار کړی دی.
د خوست لپاره نوي ټاکل شوي والي مولوي عبدالله مختار پرون شنبه، تلې ۲۶مه، د کورنيو چارو وزارت د لومړي مرستيال محمدنبي عمري له لوري د یوې ناستې پرمهال په رسمي توګه معرفي شو.
د نوي والي د معرفي مراسمو کې د کورنيو چارو وزارت لومړي مرستيال نبي عمري وويل چې د پاکستاني طالبانو «ټيټيپي» هېڅ جنګيالي په افغانستان کې نشته او په وینا یې، په قبايلي سيمو کې دي.
د پروان د امنیه قومنداني چارواکي وايي، د دغه قومنداني د ترهګرۍ ضد مدیریت ځواکونو په تېرو درې میاشتو کې د ولایت له بېلابېلو سیمو څخه لسګونه ډوله بېلابېل مهمات کشف او ضبط کړي دي.
يوې باوري سرچینې سلاموطندار ته تایید کړې چې د سالنګ لويه لاره به تر بلې خبرتيا پورې ونهتړل شي او ښاريان کولای شي له دې لارې په ډاډه زړه تګراتګ وکړي.
سرچینې «سلاموطندار» سره په خبرو کې وويل، د ټولګټو وزارت هغه پخوانۍ پرېکړه چې د تلې ۲۶مه څخه د لړم تر شپږمې پورې د ترميماتو په موخه د سالنګ د لارې د تړلو په اړه نيول شوې وه، د ځينو تخنيکي او اداري دلايلو له امله ځنډول شوې ده.
د غزني محلي چارواکي وايي چې دغه ولایت کې د لس میلیونه افغانیو په لګښت درې پروژې ګټېاخیستنې ته سپارل شوي دي.
دغه پروژې چې درې سړکونه پهکې شامل دي، د نړېوال بانک په مالي لګښت د درې مياشتو په موده کې جوړ شوي او په رسمي توګه پرانيستل شوې دي.
لوګر کې د افغاني سري میاشتنې ټولنې مسوولان وایي چې د تېر یوه کال په ترڅ کې د دغه ولایت په مرکز پلعلم او ولسوالیو کې ۱۳۰زره کسانو ته خدمات وړاندې کړي دی.
د لوګر د سرې میاشتې ټولنې ریاست رییس مولوي میرهاشم حزبالله، د سرې میاشتې ځانګړې اوونۍ د نمانځلو په مناسبت جوړې شوې غونډه ته وویل، په تېر یوه کال کې د مرستې رسولو، بشرپالو خدمتونو، ښوونې او روزنې، روغتیایي او یوشمېر نورو برخو کې ۱۳۰زره کسانو ته خدمات رسولي دي.
د هرات په صنعتي ښارګوټي کې د «ارمین فارما» په نوم د درملو یوې تولیدي کارخونې مسوولان وایي، له نهو میاشتو راپهدېخوا یې په اتو میلیونو ډالرو پانګونه پیل کړې او اوس مهال یې تولیدي بهیر پراخ شوی دی.
نوموړي نن شنبه، تلې ۲۶مه پر خپله اېکسپاڼه لیکلي چې پاکستان دې د خپل خیر لپاره پر افغانستان او پر افغانانو خپل بریدونه ودروي.
هغه لیکلي: « د افغانستان پخوانی جمهور رییس حامد کرزی، پرپکتیکا د پاکستان هوایي بریدونه چې زموږ یوشمېر هېوادوال یې، د کرېکټ ځوانو لوبغاړو په شمول شهیدان او ټپیان کړل، په کلکو ټکو غندي. د دغو بريدونو له امله د شهیدانو کورنیو ته خپل د غمشریکۍ او ډاډګیرنې مراتب وړاندې کوي او ټپیانو ته د عاجلې روغتیا دعا کوي.»
