د کورنيو چارو وزارت لومړی مرستيال نبي عمري وايي چې د اسلامي امارت حکومت د هېچا په کورنیو چارو کې لاسوهنه نهکوي او په وینا یې، له نورو هېوادونو هم ورته تمه لري.
نوموړي دغه څرګندونې نن سهشنبه، لړم شپږمه، خوست کې د تخنيکي انسټيټيوټ د فارغانو په يوه غونډه کې کړې دي. هغه دغهراز وويل اوسنی نظام نه له ګاونډيو او نه هم له نورو هېوادونو سره هېڅ ډول جګړه او ستونزې نهغواړي.
د هرات د صنعت او سوداګرۍ رئیس بشیرمحمد سیرت وايي، په لومړۍ جوپه کې ۲۰ واګُن د ډیزلو تېل له ایران څخه د هرات روزنک تمځای ته رسېدلي او تمه ده چې په راتلونکو ورځو کې ۱۸۰ نور واګنونه هم له همدې لارې هېواد ته وارد شي.
د هغه په وینا، په ټولییزه توګه کې ۲۰۰ واګن ډیزل تېل چې شاوخوا ۱۵ میلیونه ډالر ارزښت لري، د دغه پټلۍ له لارې واردېږي چې دا به په هېواد کې د نفتو د بیو په کمېدو کې مهم رول ولوبوي.
د بيډياېن موسسې ولایتي مسوول ډاکټر سمېعالحق جوړې شوې غونډې ته وویل چې یادو طبي توکي ته په روغتیایي مرکزونو کې ډېره اړتیا لیدل کېدله چې د دغه ولایت عامې روغتیا او ولسونو به وړاندیز او (UNICEF) د شاوخوا سل زره امریکایي ډالرو په لګښت اخېستل شوي چې د مرکز میدانښار په ګدون د یوشمېر لروپرتو ولسوالیو په روغتیایي مرکزونو ووېشل شول.
د میدانوردګ امنیه قومنداني مسوولان وایي چې د کابل-بامیانو پر لویه لاره د حصه اول بهسودو ولسوالي په حاجيګک او سیاسنګ سیمو کې په دو جلا ټرافیکي پېښو کې دوه کسان مړه او اته نور ټپیان شوي دي.
د ننګرهار رسنيو دفتر خبر ورکړی چې دغه ولايت کې د ۱۴۸ ميليونه افغانيو په لګښت د اوبورسولو ۲۷ شبکې ګټې اخيستنې ته سپارل شوي
په کاپیسا کې د یوه پانګوال په شخصي پانګې د ۵۰زره امریکايي ډالرو په ارزښت د غړو ښکلا «باډيبلډېنګ» کلب جوړ او ګټېاخیستنې ته سپارل شوی دی.
دغه ورزشي کلب (دوشنبه، لړم پنځمه) د ښوونې او روزنې ریاست چارواکو او د سیمې د اوسېدونکو په ګډون پرانېستل شوی دی.
د لوګر محلي مسوولان وایي چې د ولسي خلکو او سوداګرو په مالي ملاتړ د برهکيبرک ولسوالي اړوند «توريخېلو» سیمه کې د قبا په نوم یوه جومات ته د پنځه میلیونه افغانیو په مالي لګښت ودانۍ جوړېږي.
په دې اړه جوړو شویو مراسمو کې صنعت او سوداګرۍ وزارت مرستیال مولوي احمدالله زاهد، سیمهییزو مسوولینو او قومي مشرانو ګډون کړی وو.
د بلخ محلي مسوولان وايي چې په مزارشریف ښار کې له عمومي سړکونو، لارو او کوڅو څخه د سمنټي دیوالو د لرې کولو کمپاین پیل شوی دی.
د بلخ د امنیې قومنداني د معلوماتو له مخې، دغه کمپاین د ریاستالوزرا د لارښوونې پربنسټ د مزارشریف ښار د درېیمې امنيتي حوزې له سیمې څخه پیل شوی دی.
د خوست ښاروالي د مارکیټونو د تنظیم عمومي مديريت له لوري د ښار له بېلابېلو برخو راټول شوي په تاريخ تېر خوراکي توکي د ټاکل شوي پلاوي په شتون کې سوځول شوي دي.
د بلخ محلي چارواکي وایي، په مزارشریف ښار کې د ۲۴۷ میلیونه او ۵۰۰ زره افغانیو په لګښت یو سوداګریز مرکزجوړ شوی دی.
د مزارشریف ښاروالي سکتوري رییس احمد جاوید مایار وایي، دا تجارتي مارکېټ چې د درې جریبه څخه په زیاته ځمکه جوړ شوی، نن دوشنبه، د لړم پنځمه، پهرسمي توګه ګټېاخستنې ته سپارل شوی.
د اسلامي امارت ویاند ذبیح الله مجاهد وايي چې د افغانستان او پاکستان ترمنځ د رامنځته شوې ستونزې د حل په اړه د ترکیې استانبول کې د خبرو دویم پړاو روان دی او په وینا یې، پایلو ته یې باید په تمه شو.
نوموړي له سلاموطندار سره خبرو کې وویل، هغه موضوعات چې پاکستانی لوری یې پر رسنیو د دې خبرو لهمنځه وخت ناوخت نشروي یا یې په اړه تحلیلونه خپریږي، د باور وړ نهدي.
د هرات د ټولګټو چارو ریاست مسوولان وایي چې د تخت صفر له سړک څخه تر انصاري پله پورې د سړک د سفالت چارې پیل شوي دي. دغه پروژه د هرات ښار د پنځم، اتم او پنځلسمو ناحیو اړوند ده.
د هرات د صنعت او سوداګرۍ خونې مسوولان وایي چې د روان لمریز کال له پیل راهیسې د هرات لاساوبدل شوي غالۍ د ۲۷۰ زرو امریکایي ډالرو په ارزښت بهر ته صادر شوي دي.
د هرات د سوداګرۍ او پانګونې خونې اجرائیوي رییس یوسف امین وایي، دغه غالۍ استرالیا، جرمني او اتریش هېوادونو ته لېږدول شوي دي.
د خوست ولایت مقام څخه په خپره شوې خبرپاڼه کې ویل شوي چې د کلیو او پراختیا ریاست په چوکاټ کې د ګربزو او موسیخېلو ولسواليو کې د بېلابېلو پروژو چارې پيل شوي دي.
خبرپاڼه زياتوي چې يادې پروژې د افغان پرمختیایي مؤسسې(ADA) له لوري او د خوړو د نړيوال پروګرام(WFP) په مالي ملاتړ پيل شوې دي.
د هلمند په ګرشک ولسوالي کې د ۵۰ میلیونه افغانیو په ارزښت د موټرسایکلونو خصوصي سوداګریز مارکېټ جوړ شوی دی.
د یاد مارکېت د پرانېستې مراسمو پرمهال د ګرشک ولسوال مرستیال شرافت وویل: «موږ هغه تجاران او پانګوال ستایو چې په خپلو سیمو کې د کار زمینه برابروي. دا ډول پانګونې نه یوازې د خلکو اقتصاد پیاوړی کوي، بلکې د بېکارۍ کچه هم راټیټوي.»
د کندهار د سوداګرۍ او پانګونې خوني مسوولان وایي چې له دغه ولایت څخه روسیې ته د انارو صادرات پیل شوي او د سږکال تر پايه به د تور غونډۍ له لارې روسې ته تر دوه سوه ټُنه د انارو صادرات وشي.
د انارو دغه صادرات د یوه خصوصي بنسټ په مرسته کېږي.
